السلام عليكم
قصه حقيقه نسجت ببعض الخيال
لتكون ملائمة لاذواقكم
أَخاف وأَتسع داخِل الخوف، أَخاف الندم، أخافُ الأذى، وأخافُ الصمت، إنني الكائنُ الذي لا يعرفُ كيفَ يتوقفُ عنّ الشعورِ بالخوف أبداً ..🖤
كاعده بصف وصف فارغ اباوع لرحلات
يلي كل سبوع نضل بس اني وياهن باوعت على نفسي اتحسرت
كطعت صفنتي دعاء وهي تدخل لصف وشكلها تعبانه
دعاء:اففف هنيالج كااعده لج هاي ام رياضه خلتنا نسوي هروله ع طول ساحه وهسه خلت الصف كله يلعب طوبه
وطن :اي مرتاحه اني
_باابتسامه اي والله حظ ديلا اني هم اروح العب وياهن تريد ورقه وصتني
يمعوده روحي لاتتاخرين عليه
بعد مااطلعت اي هنيالي اي اني مرتاحه مرتاحه لان معاقه مرتاحه لان انحرمت من طفولتي مرتاحه لان ماامشي طبيعي مرتاحه.......
بعد ماخلصت المدرسه اجتي عليه
هاله :وطن يلا انطيني جنطتج
وطن :شعجب ريهام وين
هاله:مو هوسه ع درج وال وياج ال ينزلوني من درج الاداره
_اها (يعني مو علمودي)
نزلنا واني انتظر ابويه يجي يااخذني
انتظرته وصل
وهو مبتسملي احسه بوجهه ينطيني امل
وبدء سواله المعتاد عن يومي
_ها بابا شلونه دوامج
زين بابا حصتين مكابله رحلات وكاعده سهى اليوم مامداومه
يابابا انتي بس سهى اتعرفي ع غيرها بله بطلت سهى انقلت
يابابا زين متحملتني البنيه كل يلي اتعرف عليهم يملن مني وبنات عمج مااجنج
_لا ليش اجتني هاله اليوم
زين
وصلنا للبيت
دخلت وخليت ابويه ينزل بجنطتي واني امشي بطيئه لان درج يم باب بيتنا
ردت اقاوم واصعد وحدي بس ادري بنفسي اتفشل
بسرعه نفتح الباب وطلع
مسلم _اخويه عمره ٧ سنوات
ها وطن اني اساعدج
ابتسمتله تعال حبيبي
ابو وطن:عفيه بالسبع يلي يساعد اخته
أنت تقرأ
اوجاع متواصلة
ChickLitقصه ل فتاتين من الواقع بكل ذرة من كياني .. أتلهف لنسمات ابتهاج ملونة .. تتخلل أجنحة الروح .. لأحلق فوق أطواد الهموم .. و لاتجاوز خطوط العرض و الطول من كوكب الرماد القاطن بقلبي .. وقتئذٍ .. سأقول أن السعادة مرت بجانبي يوماُ سكون
