اوجاع متواصلة

البارت ال 14

#اوجاع متواصلة

بقلم

hiyaatt99

🌻🌻🌻🌻🌻🌻🌻🌻🌻🌻🌻🌻🌻🌻🌻
تخبرني كم تحبني فأطأطأ قلبي !
أنت لا تعلم كم هو مؤلم أن تعود للحياة؟
أن تترك قلبك يسير نحو الحب مرة ثانية
أن آتيك محملة بالحُزن بدلا عن الفرح
أن آتيك مضمخة بالجراح بدلا عن الورود
أن أجرك معي الى القاع بدل أن اطير بك
فقد جئتك من أيامٍ مقفرات ...
من رمد الحياة ورماد الموتى ...
من أُجج نارٍ وأعاصيرٍ قد لفحت وجهي...
جئتُ مُحمّلة بقسوة التجارب وأسى المعرفة
جئتك أحتمي تحت جناحيك من سوء أقداري
جئتك بكل - ماتبقى مني -
جئتك ولا أملك أن اقدم لك شيء سوى ؛
أنني جئتك - كُلي -

________________________

جمان

.

.

.

.

جنت كاعده بقاعه فارغه بعيد عن الهوسه هاي القاعه مكاني اغلب الاحيان فارغه مياخذون بيه محاضرات هواي فلمن اريد ارتاح عن هوسه الطلاب اختفي بيه

كاعده جاي اشخمط علملزمه دك تلفوني .....
رقم غريب مجاوبت لان مالي خلگ المشاكل
3 مرات يدك وني مغلسه اخر شي وصلتني رساله
....جمان ردي اني وسام .......

طفرت عزااا من وين عرف رقمي وشيريد يبو ميت الف سالفه براسي ومالي خلگه هذه هم ابقه افكر بي قطع تفكيري الاتصال

رديت الوو

الو جمان شلونج وينج سئلت بنين وكالت طلعت نص المحاضره ومترد علموبايل

هلا وسام معندي شي بس داراجع للكوز ومالي خلك للهوسه

تمام بس وينج اريد احجي وياج

كول خيرك

شبيج كولي وينج واجي

بلقاعه الاخيره المابيه سبالت

ها واخيرا عرفت مكانج سري جاي دقايق

.
.
.
.

وره شويه اجه كعد يمي علكرسي الثاني

شلونج ليش طالعه نص المحاضره

منين جبت رقمي

وااو سؤال بسؤال تره ني سئلت اول شي

وسام منيلك رقمي

اخذته من احمد لان كلي ادبرلج خط لان خط مالتج عافج وهيه مابقه شي وتخلص السنه كتله اني اخذه وارجعه وي اختي 
عليمن خط وهوسه فنطاني رقمج خاف مالكالج اتصل عليج

شنووو لا شكرا متقصر بس دورلي خط احسن ماريد وياك

جمان شبيج اختي وياي كليه علوم قرآن نمر عليه لتخافين مو وحدج وني مااكل بشر