اوجاع متواصلة

البارت 21

هلاوووو

#اوجاع متواصلة

😍😍😍❤❤❤❤
سيمضي القلق ، وستأتي الراحه بعد هذا الكم من العناء ، سيعوض الله توتر المشاعر واضطراب الأمل وخوف المستقبل بكل ما هو جميل و صالح🙇🏻‍♀🖤.

_______

دكتور: كلش اعتذر منكم البقاء بحياتكم الطفله انتهت.

لحضه لحضه دكتور شنو يعني ههه اختي متعوفني روح شوفه بعدهه بيه نفس ني متاكده ..... لاا متوهم دكتور ارجع شوفهه حباب

اسف بنتي بس طفله بنيه جسده حيل ضعيفه وحسب معلومات العرفته منكم جانت دائما تتمرض وعدهه ربوو .... هيه من جبتوهه بارحه منتهيه بس نفس ضئيل ......بقاء بحياتكم مره ثانيه .....

لااااااا الله يخليكم ماصدك خل شوفهه
..... حرام عليكم طفله ماعرفتو تنقذوههه ......

لحضات وكل المكان صار بجي ..... بابا الخلص عمره سفرات وطلعات ومو بحالنه بهلحضه انتهه كعد عل حيله بلكاع وكام يبجي بصوووت ...... احمد كام يضرب براسه بلحايط ويصيح بصوت عالي ..... وفرقد وعلي يحاولون يهدئونه ......

اني مو مصدكه اصلا وسام لازمني وني منتهيه لحضات وكطع صوت بجينه صوت .......

.....بنتي وين شكوو تبجون ........

كلنا صفنا هاي ماما ..... هلحضه مادري شسوي انصدم لان سئلت عن بته لو اروح اموت نفسي وره اختي ........

فرقد: خاله البقاء بحياتج سما توفت الله يرحمه.

صفنت شويه .... بدت تصرخ وتملخ بروحهه .... اجتهه خالتي سعاد وزوجه وخالو اسعد وامجد ..

اني هلحضات سكنت ماعرف شنو الجاي احسه واعيشه ..... يكلولي اختج عافتج وماتت ..... ماما داشوفهه انسانه ثانيه مشايفته بهلحنيه من سنين .....بابا ... خوالي الصار كومه هم مشايفتهم ...... شدايصير بضبط ....شنو هلحلم ...ائي اني بحلم هسه افز منه وينهي كولشي ....عادي كابوس مزعج وحيروح ......ائي مستحيل اختي تعوفني ابدد.......
لمن فززني صوت وسام ......جماااان احاجيج يله كومي ...... لاتعترضين على حكم الله وقدره .....

داريد اجاوبه حسيت بروحي تريد تطلع ماكدر احجي اخر شي شفته ماما تخربطت وشالوهه ..... وماذكر شي بعدها دنيا سودت بعيني ......

فزيت تقريبا ب6:30 العصر
هاي وين اني اذكر كولشي صار ...... احاول اقنع بروحي هوه حلم وانتهى .......بس بلا فايده .... داشوف المنضر الي صار كدامي بلمطبخ
....... الهي اعز انسانه اخذته ...... ربي ليش متدوملي فرحه ستوني تنفست وحصلت انسان يحبني ..... ستوني شفت الاهتمام من شخص ..... بسرعه نضربت اقوه ضربه بعمري ليش ربي ......