قضايا مجتمع

البارت الثاني "لامجال للعودة"

سلسلة "قضايا مجتمع"
القصة الاولى  " لا مجال للعودة "
البارت الثاني
.
.
يوم الفاتحة

كانو عيت عمي بس عندنا و عماتي ما جتش ماما تهدرز مع مرات عمي و الرجالة طلعو للجامع ويومها كنا دايرين عشا

مرات عمي صح ماتحبنش عشان خوتي المتخلفين بس تجامل فينا و تساعد لانها تجينا مره فالسنة

غزالة>> خايفه
انا >> خلاص ما فيش رجوع
غزالة>> علي اساس كنت نقدر نرد في قراري قعمزي وانتي ساكته

سيبتها وخشيت للمطبخ ، شويه و جو الرجالة وصوت هرجتهم و عرفنا انه انقرت الفاتحه

ماما قعدت تبكي ماكانتش عارفه مصير بنتها شنو ماتبيش قصتها اتعاود مره ثانيه مع بناتها ، اظبطتها غرالة وقعدت تبكي معاها

انا خانقتني العبرة>> خلاص هيه خلونا نبدو فالعشا

خشينا و قعدنا نساعدو فالمطبخ وحطينا العشا وروحو الرجالة

هنادي >> شن جو التلفون
انا >> تمااام منفس عليا
هنادي >> شفتي القروبات
انا >> اه شفتهن يهبلن .. كنت نحساب روحي انا الوحيده لي عندي مشاكل طلعت الدنيا مليانه كل مره بنت منزله قصتها يوجعن
هنادي >> علي قول ماما الهم واجد غير مقسم
انا >> يلا الحمدلله

شويه وروحو عيت عمي وخش علينا باتي ينادي الغزالة

غزالة>> نعم
باتي >> البسي واطلعي الراجلك فالصالون
غزالة سكتت

خشت لبست وقعدت مستغربة كيف بابا خلاها تطلع ، حست انه بيفتك منه وتأكدت انه مهما صار معاها بعد الزواج مش ح تلقا في ظهرها حد

انا كنت نبحت فيها وكنت عارفه شعورها

طلعت غزاله لقت رمضان مقعمز خشت وقعمزت علي حاشية الصالون  قعد معاهم بابا شويه وطلع

رمضان >> قربي تعال
غزالة جت فالكنبه الي مقابلته
رمضان>> مبروك
غزالة>> الله يبارك فيك
رمضان قرب منها و حوللها الايشرب>> راجلك انا خلاص

غزالة منزله راسها ومش عارفه كيف تصرف

رمضان >> حكيت مع باتك و قالي انه ما يبيش سريب تلفون

غزالة>> قتلك من الاول

رمضان>> عارف بس شرطت عليه تطلعي معايا نشيلك للسوق تشري دبشك

غزالة انصدمت>> ووافق ؟؟؟

رمضان>> غزاله مراتي انتي كنك نقدر توا ناخذك ونطلع بيك بدون عرس لا شي وما حد يتكلم حلال

غزالة >> ان شاء الله ان شاء الله

رمضان>> اسمعي طلوع بعبايه ومكياج لا ! قرايتك بتكمليها كمليها بس تنتسبي انتساب
طلوع واجد وصحبات ما عنديش له راس