قضايا مجتمع

البارت الثالث"لامجال للعودة"

سلسلة "قضايا مجتمع"
القصة الاولى  " لا مجال للعودة "
البارت الثالث والاخير
.
.
.
طلعت هنادي وخشيت للحمام وعلي طول خشيت للبنت الي دزتلي كان اسمها جني

انا >> انتي قلتيلي انك تقدري تساعديني وانا حاليا نبي مساعده

صورت صورة يدي المكسوره و العلامة اللي علي يدي و الكدمة اللي علي فمي و دزيتها لها كانن شبه خفيفات عشان لهن اكثر من اسبوع بس كنت نبي اي حاجه ننفذ بيها

كملت كلامي " انا معش نقدر نعيش معاهم يوم اخرى ارجوك طلعيني من هنا بدون ما حد يعرف لانه لو حسو باي حاجه ح نموت ونندفن فالحوش وماحد حا يجيب مني علم ، انا كل يوم انوض و نرقد علي ضرب و سب و عيشة ما فيهش اي ذرة رحمه تعبت"

دزيت الرسالة ومش عارفه لو هيه فاتحه او لا جيت نبي نطلع من الحمام ردت عليا

جني >> نوعدك انطلعك من هنا في اقرب وقت بس نبي منك تسمعي الكلام لي ح نقوله لكي

دزتلي تفاصيل وحاجات يطلعني من هنا و خطة الهروب كلها ... وقررت انفذ وانا مصممه بكل

طلعت من الحمام و دسيت التلفون وقعمزت مع هنادي وماما وشوي وجا عمي بيروح بهنادي عطيتها تلفوني لاني مش ح نقدر نخليه عندي

طلعت معاها للسقيفة >> هنادي اسمعيني
وكنت نوشوش
هنادي خافت>> شنو فيه
انا >> خشي علي تلفوني عالفيس وشوفي البنت اللي انا حاكيه معاها وديري الي مكتوب
هنادي ماعنديش حد يساعدني غير انتي
هنادي >> شن فيه خوفتيني
انا >> بعد اديري اللي قتلك عليه تعاليلي عشان نعرف ما طوليش عليا ، الدكتور اللي حتلقيني حاكيتلها عليه فالمحادثات لازم تعديله هو تمام ماتعدش الغيرة

خش احمد اظبطت هنادي >> مع السلامه
هنادي >> باي

احمد >> خشي ازح
انا >> باهي

خشيت وانا ما نفكرش في شي الا الهروب !
كان خاطري نشوف  غزالة مدامها ما سافرتش ولا باين انها ح تسافر و لا تدهور ياريت تجينا

انا >> امي قولي الباتيي يخلي رمضان يجيب غزالة
امي >> تحسابيني ما قتلش قالي زوزتها بيش تقعد كل شوي جايتني
انا >>حسبي الله فيهم كلهم يارب يقهرهم اضعاف قهرنا
امي >> را يسمعك
انا >> معش تفرق شن ح يديرو بيضربو ؟ جسمي فشل من الضرب خلاص
امي >> ربي يفرجها عليك يا بنيتي وخلاص
انا >> امتي بنفك الجبس
امي >> كم لك توا
انا >> اسبوعين
امي >> الدكتور قال شهر
انا >> اه ان شاء الله غير يشيلوني
امي >> ما عليك تو ندويلهم
انا >> باهي

كنت كل ما نحكي مع امي ننقهر بزيادة ننقهر عليها وعلي عيشتها وننقهر اني بنسيبها ! ومعش حا نحقها ولا ح طبطب عليا