🔥🔞نيران العشق🔞🔥

الحلقة 1

-يعيشك بابا مانحبش ناخوه مانحبوش و زيد نحب نكمل قرايتي اماان بابا راني بنتك افهمني و حس بياا ..
-لا يعني لا باش تاخذ سامي و بسيف عليك هذا آخر كلام عندي .... و العرس بعد جمعة سمعت لطيفة هز بنتك من قدامي تواا
-امي انتي موافقة ياخي لدرجة انا مقلقتكم تحبو ترتاحو مني و تعرسولي براجل مانعرفوش نعرف عليه كان اسمو يطلعشي قد بابا جوابني امي !!!
-عيش بنتي اهدا بوك يخمم في مصلحتك راو و زيد راجل لباس بيه و بش تعيش متهنية و تخرج من الميزيرية .. ارقد ارتاح و خمم مليح عيش بنتي ...

دور في البيت و تحكي وحدهاا دموعهاا على خدهاا موش مصدقة الي صاير فيهاا كيفاه باش تعرس تي اش عمرها هي """" ستووووووب نعرفكم على بطلتنا """
اسيل بن منصور 19 سنة تقراا باك معاودا العام طولها 1.63 ههه كعبورة سمرة عينيها كبار شوافرها كان تمروح مرتين توا طير هههه شعرهااا طويل حرير ...خشمها صغرون شفايفها  صغرونين و مقلوبين
بالنسبة لعايلتها بوها سي فتحي خدام حزام امها لطيفة تنظف الديار و خوها حرق و لتوا مايعرفو عليه حتى خبر ...
مدام نورة الطاولة حاضرة تفضلو ...
-برا عيط لسامي و لسي عدنان و اميرة طلعلها العشا لبيتها خاترها مريضة شوي تنجمش تهبط
-حاضر مدام اما سي سامي شفتو خرج موش في بيتوا ..
-باهي برا على روحك ...
هزت تاليفون تطلب فيه مايهزش عليهاا عرفتو مشا يسهر  كالعادة .. هبط سي عدنان و قعدو يتعشاو و تكلم  و يغزر لكرسي سامي فارغ كيما كل ليلة ..
-ولدك وينو شنية تواا وقتاش باش يفيق على روحو و يفهم الي هذا قضاء  و قدر و ناسي ولدو جملة .. موش قتلي لقيتلو طفلة باهية تهنيه و تتلها بولدو اييه ويني وقيت نمشيو نخطبو ..
-اي عدنان بنت لطيفة الي كانت تخدم عنا طفلة عاقله و زوالية و زيد اكيد ترضى تاخو سامي و متنساش بنات الاكابر ما يخذوش راجل بولدو انتي تعرف الكلهم يحبو كان الڤيس .. صدقني طفلة هذي الي باش تهنيه ..
-واضح نورة اعمل الي يساعدك اما ولدك يلزمو يرجع لساحة لخدمة واقفة و اعدائنا برشا يستناولي فيها و انتي تعرف شطر خدمتنا ريسك و انا تعبت وحدي ... نطر الكرسي و طلع لبيروه و نورة بقاات تتغصور مشاكل العايلة الكل في راسها .. :::::::::::::::::::::::::::::::::::::::::
-سامي يزيك هيا قوم نروح بيك صاحبي ..
-سيبني سيبني خليني نموت نحب ننسى نحب نتخلص من وجيعتي مانجمتش ماااتت سارة ماتت مشات و خلاتناا لو كان نلقى الي حرمني منها نشرب من دمو ..
بقى يشرب لين داخ كالعادة و عشيرو يروح بيه ..
نعرفكم على بطلنا ... " سامي بن محمود 34 سنة طول و زين و وهرة قمحي حرجو في الاكحل كل شي فيه سامبل شفايفو خشمو صغرونين .. بدنو اااه من بدنو مسكل بكلو ... رجوليتو طااغية مفماش حتى مرا كبيرة صغيرة ما ترميش روحها عليه .. بوه سي عدنان بن محمود من اكبر رجال الاعمال في البلاد امو للا نورة مرا دافية طيبة برشا و من وقار بكري وهرة و زين ... اختو اميرة 23سنة  تقرا في امريكا اما توا رجعت لتونس لاسباب خاصة ...
شمس نورها ساطع في البيت بدا يتململ يحل في عينيه يسمع في حس حركة في دار عرفو صاحبو مروان بايت بحذاه قام دخل لصالدوبان عمل دوش بالبارد باش يفيق مزال مثمول من ليلة لبارح ...خرج لبس دبشو و هبط لقا مروان محضر لفطور قعد يفطر ساكت كلمة لا ...

سامي لوقتاش باش تبقى في الحالة هذي .. هي ماتت الله يرحمها تو 5 شهور و انتي هكاا خدمتك ضعيتها و ولدك ناسيه جملة و ...
مكملش كلامو قام سامي نطر صحن و كبس بونية يدو لين عروقو بانت ....
-مروان سكر عليا الموضوع ياخي كيفاه مكاش حاسس بيا و فاهمني سارة ماتت مغتصبة و مقتولة راو موتتها غير عادية بش حتى انا نبرد شوي كيفاه تحبني ننسا و اناا حق مرتي مزلت ماخذيتوش ... مانيش ناسي و مانيش مسلم كان مانقتل الي قتل مرتي و حرم ولدي من امو فهمتني ..!
نطر الطاولة و خرج يجري طلع في كرهبتو الكياس حرقو مشا لبلاصة العادة جبل هبط يصيح بكل قوتو بكل وجيعة مغروسة في قلبو دمعتو هبطت تحرق على خدو يبكي على حبيبتو  و مرتو الي خلاتو يعرف معنى الحب معاهاا ..
-يا مرا وقتاش جايين يخطبو جماعة موش لمرا قتلك عرس جمعة جاية تي راجل مجاش و شاف الطفلة ...
-قتلي ولدها مسافر يروح غدوة و نهار سبت يجو كان كتب ...
-ههههههه والله بش يجي من وراهم برشاا خير خلينا نخرجو من الفقر ...
-والله لا تحشمهاا ردبالك تخمم تطلب فلوس من جماعة بنتي موش للبيع فهمت بنتي بش تخرج معززة مكرمة من هناا ....
خلاها تحكي وحدها و خرج .. راجل واطي و يموت عالفرنك ... قامت مشات لبيت اسيل تلقاها راقدة
-اسيل عيش بنتي هيا قوم بش نمشو نقضيو حاجات للخطبة و نشريلك روبة نحب بنتي تطلع منورة ..
-امي يعيشك خليني مانحب شي تو نلبس الي يجي .. اصلا نهار جنازتي موش خطبتي ...
رجعت غمت على راسها و تبكي بالشهقة و امها قلبها جم على بنتها اما اش تعمل هي تعرف الي سي سامي باهي و حنين و اكيد تو يحبها بعد المرحومة و زيد للا نورة مرا طيبة برشا اذاكا علاش هي متهنية على بنتهاا ..

دخل للفيلا روحو طالعة اصلا معادش يحب يروحلها كل تركينة تذكرو بسارة .. اما ليوم جا على خاطر ولدو ..
عرضتو امو في دروج ...عينيها دمعت على حالت ولدهاا لحية هايجة شعر طويل و داخل بعضو و العين محوقة لا لا سامي موش هكا اما هدو موت مرتو ...
-سامي وليدي ايجا عندي مانحكي معاك ...
امي امان موش وقتو خليني نمشي نشوف هارون ..
-قتلك ايجا عندي مانحكيلك حكاية تخصك و تخصنا الناس الكل ... ""نفخ و مشا وراهاا و يدعي انشاء الله مفماش مصيبة اخرى ""
-امي تكلم نسمع فيك حيرتني راو .....