🔥🔞نيران العشق🔞🔥

الحلقة 61

غسان: اميرة شنية باش تعمل تواا ... عدات يدها على شعرهاا بعصب... اميرة: والله مانعرف مانحبوش يعرف الي هو ولدو و اكهو ...  غسان: نحبك تجااوبني بصرااحة .. عقدت حواابها و عملتلو براسهاا باهي... -مازلت تحبو ... عينيهاا دمعت بالوقت .. طبست رااسها تهرب في عينيهاا منو ... اصلا حتى لروحهااا ماتحبش تستعرف الي هي تحبو ....  شعل سيڨارو و ترشف من القهوة و كمل يحكي... غسان : سكوتك هذا فهمني كل شي.... نصيحتي ليك براا  احكيلو اميرة و يزي من عذاب الهذاا .. و زيد خمم في مصلحة ايسر شنية ذنبو يتربى و يكبر بلاش بو..... طبطبلهاا على كتفهااا و قاام ... تكاات رااسهاا تاالي على الحيط .. و تخمم في كلام غساان.... ******** العين محوقة ... سيڨارو وراا خوه ... امو تعبت معااه تحب تنسيه و منحمتش ...  تغزر لولجهااا يذبل و يديهاا مكتفة ... دق البااب ... و صوت طفل صغرون ....  حلت الباااب و كانتلهاا صدمة .. مكانتش متوقعة باش تشوفهااا اصلا...  اميرة: عسلامة طاطا..  ڨحرتلهااا هزتهاا و حطتهااا .... و تكلمت بغزول و غل كبير... -اش مجيبك اش تحب من ولدي ...  مروان يسمع في امو تصيح .. هبط يجري لابس شورط اكهو و حفياان ... يسكر في عينيه و يحل موش مصدق اميرة قداامو و في داارهم ...  شاافت حالتو عينيهاا تملاو بالدموع ... جات باش تدخل .. شدتهاا امو من يدهااا ...  -وين على خير للا ::: تحرك اقلب منضرك انتي ولد الحرام الي معااك....  هناا مرواان العصب ركبو من ساااسو لراسو....  اميييييييييي فاش تحكي ... ولد الحرام الي تحكي عليه اذاكاا ولدي..  دارتلو امو ....  ههههه فيق عيش ولدي بفمهاا قتلك موش ولدك الله اعلم منين جاابتو ..  اميرة طرشقت بالبكاا و داارت خاارجة ..  خلط مروان جبدهااا عندو جات في حضنو هي وولدهاا ..  حمل ايسر من عندهاااا و بااسو .. شدهاا من يدها و دخلهاا لصالة ..  و امو تغزل و طربقت البااب و خلطت عليهم تحكي بتسوميم ... -انااا مايسااعدنيش طفلة هذي تقعد في دااري ... تهز وسخها و تخرج ... ضرب يدو على طااولة و يحكي.. امي اسكت .. اسكت بربي خليناا نحكيو ... اناااا نحبهاا و انتي تعرف قدااه تعذبت في بعدهاا و جرحتهاا من غير قصد و سبب الي صار الكل المريضة بنت اختك ...  يعني مداام اميرة جاتني هوني ... هي مساامحتني ... يحكي و يغزرلهااا في عينيهااا الي يلمعو بالحب... يعني هي مزالت تحبني ... و يعني يا امي انتي باش تقبلهااا كنتك و صغير هذااا ولد ولدك ... واضح ...  امو دوح في راسهاا و تحكي...  يا نااري على بوهاالي تو هي جاات و انتي كليت روحك سلاطة... شوفهاا علاش جاية ... بلكشي باش تقلك انساني و طفل موش صغيرك كيماا قتلك ..  هنا اميرة و قفت و تكلمت ... لا ياا طاطا غاالطة ... انا جيت باش مرواان يشوف ولدو و نحكيلو الي صاارلي الكل ... و اناا منرجعلوش مدامك انتي موش رااضية علينااا و موش قابلة صغير في الحراام ...  هزت سااكها و حملت و لدهاا و جات خارجة .. وقفهاا مرواان جا بش يحكي قصت عليه...  -لا مروان زايد الحديث توااا... الي عندي قلتو ... سامحني ....  هي خرجت و هو داار الامو ضحكلهاا على جنب ضحكة متع وجيعة و قهرة...  -فرحاانة تواا ! تهنيت .. يعطيك صحة ...  طلع لبس دبشو و خرج ...  ______------_______