🔥🔞نيران العشق🔞🔥

الحلقة 2

يلعب بتليفون و دخل عليه واحد من رجالو مطبس راسو لوطة و يحكي ...
-سي يوسف السلعة ماوصلتش كاملة يضهرلي جماعة غدرونا و سي اسامة لتوا موش باين ..
ضرب تليفون عالحيط  هبط فلوس
وشدو من خناقو ...
شمعناها اسامة موش باين موش قلتلكم عينيكم عليه ااه موش قلتلكم تحموه في غيابي غبت نهارين دخلتو الدنيا بعضها ياخي مخدم بهايم انا معايا .. زاد كبس عليه باش يطلعلو روحو ...اسمعني مليح تقلبو دنيا عليه تتمس شعرة منو ندفنك حي طير تو من قدامي ....
_______________________
-امي فاش تحكي ياخي كيفاه تحبني نعرس جمعة جاية !!! شكوني طفلة و زيد مرتي ترابها مزال اخضر و تحبني نعرس و نعمل زازة !! امي انسى الحكاية جملة مانيش موافق حد ما يخو بلاصة سارة واضح !
سامي عبش ولدي اسمعني .. ولدك محتاج لصدر حنين ياخي بش تخليه يتربي كل مرة على يد مرا ... اسمع كلامي كقتلكش اعمل زازة عرس بطلفة خليها تتلها بولدك اكهو و بلكشي مع الوقت تحبها طفلة عاقلة و زواليه وراس ولدي ... ماني ميمتك اسمع كلامي ..
عنقتو و تبوس فيه و تبكي على الحالة الي وصلولهاا .. متأكدة الي طفلة هذي هيا مناسبة لسامي و لولدو ...
-باهي امي الله يبارك على خاتر ولدي اكهو متفاهمين !
فرحت امو .. اي اي ملا نهار سبت نمشو نخطبو ..
-اعمل الي تحب امي ايا خليني نطلع لهارون ...

جا نهار الخطبة للا نورة و لطيفة فرحانين كان سامي و اسيل تعزيهم يقبلو العزا ...
-مدام لطيفة ويني عروستناا ...
-اي للا نورة هاي جاية ... نمشي نعيطلها ..."'اسيل هيا عيش بنتي ايجاا بحذا جماعة و اضحك تبقاش عابسة ..
-امي امان والله مانحبش علاش هكا باش تحطموني ..
-اسيل قتلك هيااا كلمة وحدة ...
خرجت اسيل و دموعها محسورة مطبسة راسها لوطة متحبش حتى تراه ..
هو مكانش خير منها محبش يهز راسو من القاعة يحش في روحو مخنوق ....
-اقعد بنتي  الشه محلاك وجهك منور انا اسمي نورة ام سامي و هذاكا سي عدنان بوه و هذي اختو اميرة و هذا ولد سامي صغرون هارون .." مع هالكلمة هزت راسها مصدومة شنوة شنية ولدو مافهمتش !!
-اوووه مدام لطيفة ياخي محكيتش لبنتك !!
لطيفة خنست مالقات ماتقول حطت بنتها قدام الامر الواقع ...
بنني اسيل سامي ولدي مرتو توفات عندها 5 شهورو هذا ولدو عمرو عامين بصراحة انا ملقيتش خير منك لولدي انتي طفلة باهية و دافية و اكيد باش تهنيني عليهم ...
اسيل موش مصدقة الدنيا دارت بيها يعني مايزيش باش تعرس براجل و عندو ولد و زيد هو بيدو غاصبينو و يحب ياخوها على خاتر ولدو اكهو ...
دمعتها هبطت على خدها تحرق  استأذنت منهم و قامت حتى لخاتم مالبستوش قالو ميسالش تلبسو في العرس ..
كملت اكا ليلة بمرهاا سامي تعدا للبار و اسيل بكات لين رقدت ..
__________________________
- هههههههه مرحبا بيك في الجحيم سي اسامة ...👿
-ماكش راجل شكونك شتحب وريني وجهك واجهني كانك راجل ...
-وسع بالك تي هاك كيما صاحبك نرفوزي برشاا جبتك بش نقلك كلمتين اخرج من اللعبة انتي و يوسف ماكمش قدي انشاء الله تكون فهمت كلامي ...
-جبان خواف سيبني قتلك تي سيب
تلفت يحكي مع رجالو ... رجعوه من هزيتوه و خليو عينيه مغمضين ....
يوسف يمشي و يجي في البيرو يستنى في خبر على صاحبو و عشير عمرو .. بلاش بيه ماينجم يعمل شي دخل عليه واحد من رجالو
-مسيو يوسف سي اسامة جا يستنى فيك في الصالة
خرج يجري ترمى عليه عنقو ..
ايامة لباس وين كنت شكون عمل فيك هكا والله نقتلو ..
-اس اس يزي لباس عليا اما معرفتش شكونو نسمع كان في صوتو يقلي اخرجو من لعبة ماكمش قدي اكهو مافهمتش شيقصد ..
يوسف مافهم شي شكون الي تجرا و حكا هكاا اعدائو برشا اماا عمرهم ما عملو هكاا