🔥🔞نيران العشق🔞🔥

الحلقة 3

عرسي غدوة يا مروان مانيش مصدق مستحيل تاخو بلاصة سارة مستحيل .. يلزمني نحكي معاها و نقلها الي عرسنا باش يكون عالورق اكهو ...
-اعمل الي تراة صالح سامي اما ردبالك تظلم الطفلة ... انشاء اللة تفهمني صاحبي ..
كملو قهوتهم و تاليفون سامي ينوقز كي شاف نومرو نفخ موش وقتو جملة ....
تفضل ... سامي يلزمك تجيني ليوم عنا معلومة جديدة على البوص و عرفنا الي عندو خيوط في تونس ..
-مسيو نبيل عرسي غدوة كيفاه تحبني نجيك ليوم تو نبعثلك مروان في بلاصتي نعتذر منك ...
-واضح سامي اما نعديلك كان جمعة و بعد ترجع لخدمتك تعرفني مانوثق في حد غيرك ... علق تاليفون و حكا مع مروان على تفاصيل العملية و بعد كل حد ركب كرهبتو و روح ....
________________________________
-يوسف ....يوسف حبيبي وينك شبيك تلبس ياخي خارج !!
-سمر ماتنساش روحك شكون ... هزها و حطها و خرج .. مشا لدبو الي فيه السلعة ...
رجال بالكوستيم نوار متفرعة في كل بلاصة سلاح غي يدهم .. تحس روحك في مسلسل وادي ذئاب ...
دخل كشاكشو خارجة يصيح عليهم ...
فسرولي كيفاه تجيبولي سلعة ناقصة !! كيفاه حيوانات ياخي ... مليارات مدفوعة في ام هالسلعة كيفاه يعدوها عليكم ...
-س..ي يوسف ...
اسكت حتى كلمة اسكت نحبكم تلقاوه طلعوه من كرش حوتة واااضح ... و برا ابعث للاسامة كرهبة تجيبو للبلاصة العادة و جيب رجال الاخرين باش نفهمهم العملية وين باش تصير و حضرلي المتفجرات .
خرج و ركب في الكرهبة و تذكر ليلة الحادثة .. ماهوش نادم خاتر تستهال هي خاينة و كذابة ...