🔥🔞نيران العشق🔞🔥

الحلقة 4

نهار جديد ليلة عرسهم ... ليلة اي طفلة تحلم بيها تكون فرحانة و زاهية...
عكس اسيل غارقة في دموعهاا خرس بساكتة مفما شي ...
لبست روب سامبل بيضة شعرهااا محلول ماجبدتوش مايستحقش ... عملت مكياج سامبل هذا الكل و طلعت تفتق زينهاا رباني.... دخلو للبلدية صححو زوز على ورقة صداق .. عنقت امها تبكي بالشهقة بوها ماسلمتش عليه اصلا  سبقها و طلع في الكرهبة طلعت بجنبو ساكتين زوز و صلو للڤيلا بقات حالة فمها  هيلمان آخر ... فيقتها من سرحتها مدام نورة ...
بنتي اسيل هيا تفضل  هذي من ليوم دارك  سامي طلع مرتك لبيتكم ...
ڨحر لامو و طلع و هي خلطت عليه كيما ذليلة 
نحب نحكي معاك و نحبك تفهمني.... غزرتلو مستغربة و تستمى فيه باش يتكلم ..  انا منجمش نقربلك انا مانسيتش مرتي و مستحيل نمس و لا نحب مراا غيرها سامحني كان جرحتك بكلامي اما هذا الواقع و حبيت نكون صريح معاك ...
ضحكت ضحكة على جنب بقى باهت فيها و بعد جاوبتو ...اصلا مانيش نستنى منك في شي سي سامي ... تنجم توريني بيت هارون وين !
بهم من تصرفها يعني هيا مايهمهاش و موش متقلقة غريبة ::::
خرج و خلطت وراه حكالها تفاصيل على هارون ...
انا تو هاني خارج تستحق حاجة عيط لامي .. عملتلو براسها باهي و خرج ...
قعدت عالقاعة تبكي و تمخط على زهرهاا على سن صغرهااا تحطمت  تي هي مزالت صغيرة خلي باش تربي صغير ... قص على بكاها صوت هارون يبكي فاق من نوم ... مشاتلو تجري حملتو و تسكت فيه و تبوس فيه ...
محلاك يا صغرون و مبنك انتي جيعان هيا نميملك ياا مزيان ....
_________________________________\\___
-الو مروان وينك صاحبي شتعمل ...
مروان: والله هاني نخدم لتوا ماعرفتش شكونو هالبوص حتى اسمو ماعرفتوش حتى وجهو فما حاجة غريبة ..
سامي: اناا تو نعرفو في 24 ساعة اكهو ...
علق تاليفون و مشا يجري لشركة بوه اكيد بوه يعرفو مداكو في دومان هذا ...
سامي بن محمود يخدم في الاستخبارات اما زادا ما يبيعش بوه هو في مخو تو يلقى الي قتل مرتو و شنية سبب اكهو ...
________________________\\\\\\\
اسامة : يوسف علاش قتلتها ...
يوسف تصدم من سؤال ماكنش متوقعو ... و من شكون من عشيرو تلفت و تعبير وجهو باردة ...
-على شكون تحكي قتلت برشااا راني ..
اسامة : انتي تعرف يوسف جاوبني علاش عملت هكا شنية سبب !!
يوسف: اسامة عب يش خويا جبتك باش نحكيو في الخدمة اوك ... موش وقتو الكلام هذا ...
-على راحتك صاحبي ... اي قلي وين عملية الجاية و تفجير وين باش يوقع ... المهم فماش عباد يوسف يعيشك ...
-ههههههههههههههههه عيشو الحنين اوك لحظة يجو الرجال تو تعرف بالتفصيل ...
____________________\\\\-
بابا .... نجم نحكيو لحظة ....
-اقعد مخلي مرتك و جاي باش تحكي ماو لباس ...
-بابا شكون المسؤول على تفجير اخر مرة يعيشك قلي
-نعم !!! لباس في مخك رديتني ارهابي عمري ماخدمتها الخجمة هاذي معارفي الكل تجار سلاح اكهو موش تفجيرات و قتل ناس في اماكن عامة ....
-بابا يعيشك افهمني هذا زادا تاجر سلاح و فب نفس الوقت قاعد يختار في بلايص في تونس يخصونا احنااا يعني متراهاش غريبة الحكاية !!!
-سامي سكر عليا الموضوع و برا اخدم خدمتك انا ما نعرف شي ....
خرج سامي و نطر الباب .. يلزم يحط رجالو في خدمة بوه باش يعرف تحركاتو اكثر ... عنجو شك الي بوه يعرفو و مايحبش يسلمو ليه تو عامين و هو يلوج و ماشد عليه شي ..