🔥🔞نيران العشق🔞🔥

الحلقة 17

داخل كيما ثور الهايج صادم على بوه .... طربق باب  البيرو و ضرب الطاولة بيدو و ينزل على سنيه و يتكلم ...
بابا ... وين كنت نهار 18 افريل نهار قتل مرتي وين كنت ....
-لباس في مخك انتي اخرج عليا مانيش ناقصك ...
-بابا جاوبني وين كنت ... نعرف الي عمرك ما حبيت سارة و لا تقبلتها تكون مرتي .... اما موش لدرجة انك تقتلها ...
-ولدي نسيت خدمتك شنوة اكيد اعدائك انتي الي عملو فيها اكاكا برا لوج عاد ....
-لا ميتجرأوش يعملوها انا عايلتي محمية و انا محمي من ابدولة .... يعني صعيب ياسر يا سي عدنان ...
صدقني كان نعرف نقتلو بيدي و نشرب من دمو ...
خرج و خلا عدنان بوه يتغصور  بيبان جهنم باش تتحل عليه من ولدو ..

___\\\\\_-------______
اسيل تحكي ..
قاعدة في البيت نلعب مع هارون و بعد نسمع في صوت سامي يناديلي ببفففففف اش يحب هذا ...
خرجتلو وقفت قدامو ربعت يدي و نرعش في ساقي و ملفتا وجهي عليه نستنى فيه باش يحكي ...
-اسيل حبيت نقلك الي انا مسافر نهارين و نرجع عندي خدمة ...
عم ابراهيم تو يهزك و يروج بيك باهي !
-باهي اصلا رتحت فيلمان ...
دخلت و خليتو واقف ماستنيتوش يجاوب انا في بالي باش يطلب سماح اما زايد متكبر ...
سامي يحكي ...
خرجتلي لابسة شورط روج قصير و خلعة و شعرها لمتو كعكة واقفة تبمبي بكلها ههه ملا فرخة موالت متغشة نحكي معاها و شاد ضحكة بالسيف و بعد دخلت و حقرتني اما موش بش تتعدالها بالساهل خليني نمشي نلوج على ايه و تو نرجع نتلها بيها ...

____\______
صباح جديد شمس ساطعة فيهااا حلت عينيها بالشوي تكسلت تلقى هارون بجنبهاا باستو و قامت عملت دوش لبست دبشهها فطرت هارون و مشات للفاك تلقا روحها ماتقراش ساعتين قررو صحابها يمشيو يعملو قهوة .. مشات معاهم قعدين يحكيو و على تلفيتتها راتو ... حلت عينيها صحافي ... اي هو متع ميلانو والله هو
بقات مركزة معاه موش مصدقة عينيها كاينها تحلم ..
نطقت وحدها "" لا لا موش لدرجة عاد"
دارولها صحابها شبيك اسيل شنوة الي موش لدرجة ...
-ااه لا لا شي ...
كل شوي تسرق منو نظرة يلزمها تقوم تحكي معاه ...