🔥🔞نيران العشق🔞🔥

الحلقة 7

نهار جديد على ابطالناا ...
يتكسل في الفرش .... حل عين بعين يلقا هارون بجنبو و يلعبلو بلحيتو ...
-بابا هياا توم هذني لاثيل (هزني لاسيل)
سامي يحكي .
نحس في يد حنينة على خدي حليت  عينيا بالشوي نلقاه هارون ولدي و زيد الفرخ حفظ اسمها ههههه حملتو و بستو مبنو و محلا ريحتو دورت عينيا عالبيت مفماش زعما وين مشات قمت دقيت على باب صالدو ماجوبني حد ... اكيد هبطت لوطة ...
-ايا ايجا يا صغرون نهزك لاسيل تفطرك ..
ولا يصفق فرحان هههه حسسني هازو درا وين زعما شعملتلو باش حبها فيسع هكا ....
هبطت نلقاها تحط في الفطور مع البون و تحكي معاها و تضحك تلفت لامي نلقاها تقرا في جريدة هبطت هارون من حملتي مشالها يجري حملها من ساقيها و هي طبست تبوس فيه كلاتو و هو شايخ ضحك ..
مشيت لامي ...و سألتها ...
-صباح لخير نوارتي ..
-صباح نور يا بابا كالسبة زاهي ...
-لا زاهي لا شي عادي ... ياخي ماتقليش شبيها تعاون في البون ياخي ويني سعاد ...
-اا سعاد مريضة و بقات سامية وحدها و اسيل غاضتها قامت تحرك معاها في الكوجينة و الله طفلة قداشها طيبة و حنينة ..
بقيت نسمع في كلام امي و سارح مع تفاصيلهاا .. قصيرة كعبورة بدنها متناسق شعرهاا ارطب و طويل و ديما حاطتو على جنب ... ضحكتها كيما الصغار ...
فيقتني من سرحتي امي ...
سامي عيش ولدي حطها في عينيك و الله ماتستاهلش باش تتجاهلها هكا ...
رجعت للواقع متاعي لمر و بدا العصب يهز فيا و ينفض
-امي انتي تعرف الي انا نحب سارة و هي ام ولدي و يوفا الحديث ...
قمت و خليتها مشيت لاسيل ...
حضر روحك مع 17h نجيك .... ماستنيتهاش تجاوبني خرجت نجري نحب نهرب منهم و من روحي فديت و تعبت معادش نتحمل ما نرتاح كان مانعرف الي قتل مرتي و شنية غايتو ...
_________________________________
يوسف يحكي ..
راقد مثمول نسمع في حس الكرتوش ... قمت من الفرش خرجت نجري حفيان للجنينة نلقا اسامة يصطاد في الحمام نفخت رتحت فيبالي درا شكون صدم علينا ...
-واااااا علاش هكا على صباح طيحتلي الما في ركايب يا طحان ...
-ههههههههههه شنو بوص طلع خواف ..
-لا لا امااا كنت راقد تفجعت ...
-امم صدقت ... هيا برا بدل دبشك و ايجا عندي ما نحكيلك ...
-باهي حظرلي قهوة ..
مشيت عملت دوش خفيف و رجعتلو ...
اي اشكي ..
-يوسف عدنان بن محمود قلنا الصفقة جاية بعد بجمعتين و حاجتو بكمية كبيرة من كوكايين و سلاح الصامت زادة ...
-اوك واضح انااا تو نتبعك من البعيد كالعادة نحبش نبان في ساحة ماك تعرف امنيتي نشوف و نعرف ها عدنان هذا خاتر هو الوجيد صادق في خدمتو معانا و ديما يسلكهالي كي يبدا فما ريسك كبير ... علاش ! منعرفش
-هههه عادي صاحبي تلقاه عندو ضمير المهنة ..
تبسمتلو و قمت ندرب على سلاح كيما العادة ما نفدش
مخي باش يتحرق يا ويلي من الي غدرتني و يا ويلي من اصلي و فصلي .. انا شكون ...شكون عايلتي .. زعما عندي خوات زعما امي عايشة .. ملي حليت عينيا نلقى روحي في الشارع .. دخلت في معامع اكبر من عمري ... لين تحلي باب العرش و دخلت نخدم مع راجل اما نعرفش وجهو كان صوتو اكهو هو تكفل بيا و خلاني نولي البوص و بعد اختفى جملة فص ملحة و ذاب قلبت عليه الدنيا و شي مفماش ريحتو..... كملت التدريب مزلت نحس في روحي تاعب رجعت رقدت ...