آنْهً مثْلُ آلُمطر شُيَۆگفَنْيَ منْ آشُتٌآگ💙
بما انو متعلقون ع الفقرات سوولي متابعه والله مشفت ابخل منكم واني بس اليوم منزلت الكم بارتين واحد احلى من ثاني واكول بلكي يعلقون ع فقرات او يتابعوني بس هاي طينه وهاي عجينه 🥺😒😕
وئام : نجمعنه ع الغدة كلنه بس رغد وعصام ظلو ساكتين عرفت اكو انه بلموضوع ظلو يصنفون ويعلقون بس جديتي تحب عصام ووليد حيل حيل حته مرات احسهه تحبهم اكثر من اياد واخواني اللي همه ولد ولدهه مو بناتهه عاد كالت
جديتي وهيه تلف لفه خضورات: اكول جدة عصام شنهي شوفتك لغفورة
عصام : الله يستر عليهه خوش بنيه بس يجدة كطعي نفسج مني مفيدج لتحاولين انه بكَلبي وحدة والله زرع حبهه بكلبي يعني بعيوني او بدون عيون مشوف غيرهه وسدي موضوع تدوريلي ع مرة !!
جديتي : اكلتنه يجدة شكلنالك مكتلك اخطبهه بس سألتك شونهه ...باوعت ل ايمن ..وانته يالمهرفل مناوي تكمل دينك وتتزوج
جدي: شتكولين هذا وينه والزواج وين بلكوة ودفرات ساحل روحه سادس نوب تزوجه الله يالله
ايمن ويحضر لكمته ياكل: جدة يجدة اني صلاوات ع محمد اخلي نسوان الكون يركضن وراي وشي مهم اني ضارب الحب چلاق ومرتاح ...وكمل ياكل
ليث: ايباااه يخلي نسوان العالم تركض وراة اله اذا قررت تعتزل متصير لاعب تصير حرامي وتبوكَهن ويركضن وراك ههههه
الكل: هههههههههه
خلصنه غدة ورغد صبت الجاي وسماح قدمته ورغد وشهد وزينب غسلن المواعين وراهه جتي منتهى ورقيه ورة مخلصنه كلشي وكعدنه كلنه منجمعين
وليد: اكول جدي والكل عندي بعد كم يوم روحه وابات كم يوم
عصام : روحتيش هاي وبيهه مبيت عمرك مسويتهه
وليد: ابو رسول شريكي مرته كم يوم وتجيب وميكدر يعوفهه وعدنه بضاعه للمحل من البصرة ف راح اطلع احملهه واشحن البضاعه وارجع ويه واحد رفيجي وعرف شرطي يسهل دخولي حته مطول
خاله خوله: يمه متترك هالسوالفه ممرتاحه وعيونك
ايمن: ابقه ابو خلودي واروح اني استلم
وليد يلوت الموضوع: شفهمك انته بتجارة والبضايع مطول كلهه اربع او ستيام وارجع شنو القصه يمعودين
يونس: ميسر ابو خالد تروح وترجع بسلامه
جدي: هذ هوة ميسرة وليدي وانتبه لنفسك ولتطول
جديتي: وانته شلون تروح اجلو السالفه لما تولد مرت رفيجك وهوة يروح
وليد: جدة شطلعت السالفه شنو مو بعينكم وعمي لتخافون الله الحافظ وشرطي صديقي وياي يسهل طريقي وعرف بسيطرات
أنت تقرأ
عشك الانباري
Romanceهل ينجح حب ابن الخاله لبنت خالته المدللة ام يتخلى عن الحب بسبب الدلال!؟ دخلو واقروهه وصوتوا ⭐👉
