عشك الانباري

28

فحص كلبي الطبيب وكال خلصان
داخ وماعرف نوع المرض بيه
يالغالي تعال وعالج الروح.......
بس انت الوحيد العارف البيه
مو كلمن يحط سماعه دكتور
بس انت اختصاص امراض قلبيه❤️....!!

وئام:
سهرنه اني والبنات ورة ماجتي رغد من بيت اهلها وعرفت راحت علمود اخوها بس شهد متدري رغد تكول ليث ميريد شهد تدري ورة سهره كلمن تطشر لغرفته ..

فتت للغرفه وشفت وليد يدخن ومخبوص وكل شوي اتصال وينافخ هذا شبي اتقربت منه

وئام: حبيبي شبي ضاايج

وليد ويدخن: ماكوو شي ..تنامين اطفي الضوة

وئام: لا نوميش والحلو ماليضايج كولي شبيك بداعت ابنه ....رحت كعدت بصفه وخليت ايدة ورة ركبتي وسندت راسي ع صدرة

وليد جر حسرة وطفه جكارة: اااااه  مدري شلون اتصرف وشلون اكولج وانتي اول وحدة راح تطلعين صعاصيعج

وئام بستغراب : شكوو والله خوفتني اهلي بيهم شي

وليد: لا مو اهلج زوجج طالبج

وئام رفعت راسي: تم وتدلل بالطالبني بي شنوو

وليد بدون مقدمات: من الاخير لازم التحق بس هالمرة لان صديقي هذا ابو رسول حاير باينه مريض وتوة جاي للدنيا بعد انتظار سنين خطيه حاير يم ابنه لو يلتحق ولتنسين هذا رفيج عمر ودنيا ياما نخيته ودك صدرة و...

وئام قاطعته بدموع: يعني شفتهم من كلامك هذاا تيد ترجع تلتحق والله امووت

وليد حظني: والله وغلاتج وعيونج لماحب اشوفها تبجي بس هلمرااا لان الزلمه بعازتي هسه وانتي مترضين احد ينخاني ومدك صدري اله

وئام: ادري صدرك داكه بس لشلعان كلبي يعني من رحت اخر مرة تدري شصار من انكطعت اخبارك ردت اتخبل تدري ردت اكول لاهلك حته مرة من المرات جنت احجي وياك وايمن سمعني واتخبل شال روحه ورجدها بلكاع علمودك وهذا ايمن لعد امك لو تعرف شيصير بحالها وليد اذا انته بايع نفسك اني مفرط بيك لو مو بس صاحبك مترووح وتعوفني

وليد بقله صبر: انخوووك

يابه اني انطيج خبر مداخذ رأيج اروح بس رايدج تصيرين سبعه وتشدين حيلج ولتظلين تكَهدين عيونج راحت والله تفركَسين كلبي بهالدموع و......

عفته يحجي هذا ما منه فايدة مدام قرر يلتحق هالمرة راح يلتحق وهم بسكوت ميريد اهله يعرفون اااخ يربي راح اموت ...حسيت ع ايده حاوطتني ويبوس براسي وبركبتي

وئام بهمس: وليد عوفني دتخنكني

وليد بهمس: الله يدنيا هسه صرنه كخه ونخنك ..وئومتي كبري عقلج بس هالمرا عشر ايام ونرجع ان شاء الله وتوبه من هالنوبه اذا اكول التحق ذبحي حلال يله ام خالد فكيها