عشك الانباري

36

اجعلها طفلتُك المدللة  ونفذ كُل ما تريد افسدهآ بدلالك حتى لا يتحمل دلالها آحد غيرُك😌♥️

اسفه منشرت البارحه مجان عندي نت...☹

رشا:
خلصت كلام ويه رغد بس شنو احس هم وانزاح لان سبحان الله اني اعرف من فؤاد بس اكدلي بمخابرته بس وفات ابن خالت رغد مخلاني  اكدر احجي وافهم رغد لان دائما مشغوله وقليل تخابر ومرات تشوف المحادثه بس مترد لو يصيحوهه لو متلحك لان صدك الفاتحه تهد الحيل وخطار وهمه مفجوعين بفقيدهم كملت من رغد وسديته فات رائد للغرفه وعيونه حمر من العصبيه خفت كَلت بس لا سمعني

رائد بعصبيه يحجي بهمس: اكدر افووت احجي ☹

رشا بستغراب وخوف: ييي عمو اكيد ..ففوت

فات اتقدم كعد بطرف جربايه واني بطرف ثاني كعدت

رائد: ااااخ يضيمي رشا باوعيلي

هفت وجنت مدنكه رفعت راسي صفنت بوجهه وهوة هم صفن لا اراديا نزلت دموعي

رائد: ليش البجي

رشا مسحت دموعي: يعني ...سكتت وكمت امتمت ..ا اانته م مو عمو م مكدر اتخايلهه لل سالفه

رائد جر حسرة: اااوف يغزالتي كلهه كوم وهم انج تعرفين كووم ثاني ..شوفي غزالتي انتي اذا موافقتي انهي كلشي ماريد شي غصبا عنج واني مثل ما اني متغيرت

رشا : شلوون يعني مو جنت ااا...سكتت

رائد: كملي ليش بنچرتي

رشا: يعني شلون اكولهه ..جنت احسك ولحد هسه عمو اللي اضبطلك بنات خالتي علمودك وجنت احضنك وانته عمو واسوي اشياء لان جنت بعيوني عمو حته اركص كدامك شلون يعني هذا كله طاار مراح الكه عمو ابو سوالف ويشاقيني بعد

رائد: ترااا مميت حته تكولين مراح الكَه......شوفي ابو سوالف ويشاقيج راح يزيد قاطات من تصيرين الي باسمي رشاوي اني من يوم الجنتي بي بلكماط سجلتج باسمي لج انتي تربات ايدي تفهمين شنوو يعني السنين الراحت محلت وحدة بعيني ولا كلبي دك دكته لغيرج والله من جنتي تسوين سوالفج مال ركص وغيرهه اموت عليج بس جنت اصبر نفسي حته متشكين وجنت مقرب الج وتطمنت متحبين ومو بالج احد هالشي فرحني حيل بس من وصلت اخو مرت غزوان وابن عمج طلبوج عدا ابن خالتج وترفضين اني اعرف انتي مو بالج زواج بس شفتي اقرب ناس ابن عمج السكَط تهمج ومثل ميكول جتي من الله من عبدالله وطكوهه كدامج وهسه يغزالتي كوليلي موافقه لو لا ترا جيتي ورة ما خذت موافقه ابوج وامج اصعد احجي وياج ..

بقه يباوعلي واني صفنت بالله هسه بوضعي شسوي ورغد محتارة بالسولفته الهه وانعام جهازهه مغلق وعدا انعام ورغد عمو هوة الي افضفضله هسه محتاجه احد يساعدني حايرة

رائد: راح نخلصه صفنات مو روحي طكت

رشا: ممممم ...عمو صديقاتي مشغولات هسه ومعندي غيرك اا شتنصحني بحالتي اوافق لو لا ..ادري صعبه بس معندي غيرك ..