عشك الانباري

23

يالخدچ کْلَيِّچهّ تٌـمر وٌوجهچ شُـکْر لَلَچأّيِّ💛

وئام: طلع عصام ضايج واجتني رساله اتفاجئت من رقيه مكتوب

رقيه🗨: وئومه ادري بيج منايمه واذا اجي راح يخلون بيهه انه ف حبيت اكولج شي ورايدته منج هالطلب مو اني فهد اخويه معجب ورايد رغد وميت عليهه وطلب اقنعهه بس اني اعرفج تأثرين عليهه وتقنعيهه متلكين احد يحبهه بكد فهد والله حته اني مستغربه بس يكول كلبه هواهه ..منتظرة ردج ام خالد ..رد يبرد كَلب اخوي ...

اقرا ومصدومه شسوي هسه اووف نمت وكعدت الصبح محد كاعد بس عصام من سته ونص كاشخ ونزل راد يطلع وكفته وشوفته رساله هوة شاط بس ميكدر يحجي هسه يكول نشوف وين توصل ويه ام عمار قصده رقيه واخوهه وكال ديربالج تنطين خبر لرغد بالصار وطلع ..كعدو وتريكنه ونظفنه البيت ورقيه ومنتهى اجوي واتغدو بس رقيه كل شوي تخوزر تيدني ع انفراد واني ضاربتهه تغليسه لما كامت وكالت وئام تعاي عفيه شوي سويلي شالي ..وراحت لغرفتي ولحكتهه

وئام فتت للغرفه: هلا ام عمار اؤمري

رقيه: شهالرسميات احنه خوات مبينه هالشي بس شكلتي بموضوعنه البارحه دزيتلج خبر واخوي ع نار ينتظر ...

وئام: والله مدري شكلج كتلهه البارحه لان خابرتني تكول مموافقه رافضه زواج وابن عمتهه رايدهه

رقيه: وعصام شكال

وئام: وشعلي عصام ميدري بموضوع اخوج يريدني اتوسطله

رقيه: لا شكال ع ابن عمتهه اليريدهه

وئام ادعيت الهبل: شيكول هوة شدخله حيات رغد بعيدة عن عصام معلي

رقيه لوت بوزهه: يجووز ويدخل ع الله ..المهم شكلتي تحاولين وياهه مرت لخ

وئام  : والله عذريني رقاوي لهنا حدي كتلهه مقبلت ومكدر اطوخهه وياهه هذا زواج واطباع رغد تختلف عن اطباعنه فمعليه علي وصلت رسالتج وفاتحتهه بلموضوع بس هيه رافضه اصلا تيد تسكن اقسام داخليه بس عمتي خوله مقبلت واهلهه مقبلو لان خالاتهه ثنين موجودات اهنا.....مدري شلون جذبت جذبه اقسام داخليه ☺️ من ورة عشكك يعصام صرت استاذة بجذب

رقيه بزعله: هذ هو مقصرتي بلكي متكولين لاحد وانطي خبر لفهد ماكو نصيب ..وطلعت ضايجه ...

للعصر وسالو عن عصام بس عمتي تدري طالع بشغل بشمال محد يدري حيمر ع رغد غيري همه ملتهين العصر انخبصت ارتب نفسي ل وليد حيجي اليوم كل شوي اخابرة وين وصل اخر شي كال منا لساعه جاي واصلكم ..احوص وايمن اليوم مراح للدوام يكول عندة تمرين عضلات وهم يصادف خميس كال يوم ميأثر واذا كالو ليش غايب اكولهم عرس اخويه وليد ويتمضحك شكد مستفز هالمخلوق تركته وهوة يشمر بسوالفه جتي ام ادريس جيرانه عصريات وموعد تحش بغيبه العالم ويه عمتي وجديتي همه منعوهه من تحجي بعرض ناس بس وين ميفيد بيهه ايمن رجع من تدريبه بلوحدة ظهر وميطلع لليل ويه جماعته فحط نفسه وكعد وياهم اني استغليت الوضع صح متلفه لوليد بس هاي وضع ميتفوت وكفت برة اني اشوفهم وهمه ميشوفوني كاعدين بلحديقه واصور فيديو ايمن ويسولف ويه ام ادريس