حلفوني بعيني ماگلت الصحيح
وحلفوني بعينك وماجذبت💜
• بقلم سماح 🍃
وئام: بقيت ادردم واخر شي وليد كال
وليد: وتاليتج وين راح تصفين مو كلنه بعد منرجع هاهي
وئام وتعزل بغرفتها: يعني سوايتك متحرك الكَلب لا اسمك ولا شي ورايح شهامه لصديقك تدافع وتحارب ضد داعش اصمالله لو رايح مني متكولي داعش راح يطلع لو صديقك يسويلك تمثال والله محد يخسر بكدي لانك مو من جيسهم مو من لحمهم لا محد يوكع بيهه غيري
وليد: هسه اربزي مو خبلتيني بفراتج دوختيني ....كام عافني وطلع برة الغرفه ..
كملت تعزيل وطلعت الكل كاعد شعجب باوعت للساعه يبوووو ساعه 09:30 الصبح صبحت عليهم رحت حته اسويلهم ريوك لكيت شهودة مريكتهم بس شو تفتر عبالك روبوت وعالصامت
فات ايمن للمطبخ وشكله اكيد تحفه مال طوبه
وئام: شنوو ممداوم اليوم
ايمن: لا داومت ...وكام يشرب كلاص مي
وئام: دواميش وانته كدامي وبهالشكل لابس دريس رياضي
ايمن وكعد ع كرسي :وئام عليج الله اريد اسألج سؤال
وئام: اسأل
ايمن: امج وابوج لو نايمين بذاك اليوم ومخلفوج مو احسن ؟؟ شتكولين
طشيت المي البلكلاص ع ايمن هوة كام مسح وجهه وكال
ايمن: يااابه لتحمين بس كلت هيج بسبب ذكائج الخارق اهلج يخلفوج وتزوجين واني الاتورط بذكائج ليش يعني تشوفيني بهالخلقه وتكوليلي شنو ممداوم اليوم ترة واضحه جنها الشمس بصباحيه الله
وئام: هااي شبيك صايراا متتحاجه
ايمن: مو ماكل باجه ف ما اتحاجه
وئام: شبيك ايمن سالمين شو تحشش ومرة تخوف بسوالفك شارب نفط من الصبح
ايمن كعد ع ميز حك راسه من ورة: سكتي وئام رحمه لاهلج لج رغيدة موليه لاهلها وعايفتني احوص اهنا بناري
رحت كعدت يمه ع كرسي ثاني: ياستااار ليش تحوص وورغد وين
ايمن: يمحفظه السلامه مو رغد طلعت لبغداد ويه سبع البرمبه الشفيه عصام وضاربه محاضرات اليوم
وئام بخباثه: ييي شكو بيها تشوف اهلها انته شلك دخل بمحاضراتها تضربها تحضرها
ايمن: يول مو كتلج اهلج اشرفلهم لو لافين راسهم ونايمين بدال ميجيبوج عله فوك راسي يابه المثل شيكول اذا عندك عند الكلب حاجه كوله يسيدي ف سيدي مولي بغظاد واني عيني ع رشاوي والمفروض اليوم احصل هبر مال معلومات بس خربتها بنت شهلاء اني الهه
اشتغلنه وكملنه غدا وغسل مواعين وسئلت شهودة شبيها تكول ليث ميرد عليها الصبح خابرته والعصر وميرد دكيتع رغودة كالتموبايل ليث خربان منحصل اذا ندك وهيه راجعه بطريق
أنت تقرأ
عشك الانباري
Romanceهل ينجح حب ابن الخاله لبنت خالته المدللة ام يتخلى عن الحب بسبب الدلال!؟ دخلو واقروهه وصوتوا ⭐👉
