-ولو إنني أستطيع إختيار من حولي ،
لجعلت وجهكِ يميني وشمالي وقبلتي وكل اتجاهاتي .. 💜
وئام: حته اكوم افوت ورة ما ايمن طلع ضايج يوكف بالباب وجفلني صوت عصام اليرعد كمت اشوف شكو وصار صوت عالي الفهمته انو عصام فايت ومسلم ع الكل وجديتي مستلمته اكس مربع
جديتي: اكوول يمه عصام مناوي تزوج وافرحن بيك وبفروخك
عصام بضوجه: جدة مو وكتها سدي سالفه
جديتي: لا يجدة مو نسد السالفه اني اريد افرح بيك قبل لا تجيني المنيه ولهيج اني راح افاتح عمتك وسميه اخطب بنتها نوارة الك هم بنت عمتك وهم تعرفك و......
عصااام بعصبيه: ليش تكفرررريني هااا جدة مو كتلج سدي هالموضوع وتالي جاي تعبان من الشغل مشايف نوم صار يومين وماكل خراا ليش تعبيني نوب منو شاكيلج بحالي وكايلج اريد اتزوج هاااا ليش تصرفين من كيفج كتيلهم لو لا لعمتي وسميه
جديتي بقهر: ليش يجدة هاي جزاتي اريد افرحن بيك عجل دام هيج سوالفك خوش بعدني محاجيت عمتك خوش اني حجيت حته متفشل ويه عمتك ...
عصام بقهر مسح وجهه: جدة لتكدرين وتضوجين خلكج اني ملعوب باحوالي طوبه وان شاء الله افرحج عن قريب باللي رادها كلبي وتشوفين فروخي ..باسها من راسها وهيه بقت مطنكرة صعد فزك درج وعاط بشهد ورغد
عصام ع درج يمشي: رغد .شهد لحكووووني ...وكمل يصعد الدرج ...
كمت رحت اصلي خابرني وليد يكول خاف مكدر اخابر بليل احاول اخابر بس خاف متلكط الشبكه احب اكول كل لحظه وكل شنه ان شاء الله انتي ام بيتي وجهالي والنبض ليمشي ويه دكات كلبي ..شوي وسديته لان ميكدر يطول بالمكالمه
سوينه عشه من وكت وخلصنه مواعين ورقيه وجهالها ويونس راحو لبيت اهلها بقت منتهى يمنه
بالتسعه ايمن كال حضرو نفسكم راح نطلع
عصام : خير عالوين العزم ان شاء الله
ايمن: البنات ضايجات اخذهم افررهم بسيارتك ساعه وارجعهم لان ليث يوصي باخته وخطيبته تعالو طلعوهم ومخله واحد محلفني بي
عصام: هذ هوة روح كول للخوانم ويانه وئام ترزح
وئام: لا روحتيش وبطني واصله لخشمي
عمه خوله: لا يمه طلعي تونسي شوي
ايمن: من الاخير هاي نعوصه بطليها انتي هم وليد وصانه بيج صلوات كلمن موصي عليها اله اني يمه متوصين عليا عصام جدي ينطوني فلوس
جديتي: خااايب شمالك تتنعوص فوك روسنه ..صير رجال كافي تتطلب فلوس
ايمن يقلد صوت جديتي: والله يا نوريه فنج تكدرين تضمين كم فلس بهذا وكتنه رصيد جل مال شعر ملابس وكم فلس لازم بلمحفظه واني كلني خلكه طالب مين اجيب اجدي ابوك غير انتو اهلي ..اصدميني وكولي احنه متبنيك لكيناك يم باب الجامع اني حته من كلت لامي وصي عصام وجدي بيا مكلت وصي نوريه
أنت تقرأ
عشك الانباري
Romanceهل ينجح حب ابن الخاله لبنت خالته المدللة ام يتخلى عن الحب بسبب الدلال!؟ دخلو واقروهه وصوتوا ⭐👉
