عشك الانباري

25

‏قريت عبارة اليوم أدهشتني بعمقهّا:
"وسيظل مكانك فارغاً وفراغه أجمل الحاضرين".💙💙

وصلوو البارت لل100 صوت حته انزل بسرعه ورة الامتحانات..سوولي واهس 😎
رغد: كعدو ويسولفون بس بيبي مهدت اللعب لما عصام كَب

عصام: انعل ابو هيج قسمه البنيه مرايدة مو اهلهه كالو ردو خبر ماكو نصيب شلووون يعني ميفهمون كوليلهم رفضوكم اذا ميعرفون ماكو نصيب

بيبي: لويش عصبت شدخلك بيهه ..والله وحميان سوكَج ينت بغداد وفار عكَل الثكيلين سلمان وعصام عليج

جدو: شبيج يا مرة اكلتيهه وشربتيهه مو غصب زواج وهسه اني انطيهم خبر وين تلفون ...كام ايمن وخابر وانطه جدو تلفون وجدو بلغهم وسدة

بيبي: والله ضيعتو من ايدكم زلمه نادر ميتعوض كون حاط عويناته ع منتهى هيه مهرته

عصام: انتي الكعدة وياج مامنهه فايدة وانتي رغد حطي بذنج هاي طينه وهاي عجينه ..من رخصتكم ..وطلع

ايمن: جدة شبيج نوريه ناسيه الحجي حفه وراج معليج بجيل غيرج اكولج اركني وخلينه ساكتين

بيبي: اكل تبن واسكت..مبقه بس جهال نوب جيل غيري يراد توجيه ندلكم وين الصواب وتسوو

ايمن: ييي مو ناقصين عقل نتعلم منج ولي انتي مموجودة بيته شيسوو تلكي يحوص يكول لو نوريه يمي جان عقلي اشتغل ..كام وكالي ..رغد كومي وياي رايدج بسالفه ..طلعت وراه لكيته بصاله

رغد بقهر: هاا شتريد

ايمن: شبيج ميستاهل تبجين المفروض تغوريهه جديتي وتحب سلمان غوريهه انج رفضتي شبيج لويش البجي يولي

رغد: راح اصعد انام تعبانه من السفر

ايمن: شاربه نفط نوميش امشي ولي كدامي بلحديقه نشوف الشفيه المسويلي نفسه عشكان يمكن لو انتي بنت عمنه جان كال اني ناهي عليهه ههههه وخبل نوريه امشي يله مدامكم ضايجين اجيبلكم حلويات ع حسابي ونفسكم مسدودة اكلهن لوحدي هههه وطلعنه اني وياه لكينه وئام ومنتهى يمه كاعدين يم عصام الظاهر يهدوو

عصام: لويش البجي رغودة هيه هسه تفش منا للصبح اراج جديدة عالشغله من تتعودين تعرفين ماكو منهه

ايمن: ولك هاي نوريه ام خشم يابس منحازة لسلمان كبر يي والله احنه ننحاز الك قصدي لرغودة

عصام: لتكول رغودة لا اثمك اشلعه

ايمن: اشررد هيج الحجي خشن عمي ادلعهه لما تخطبهه رسمي ولو مدام اعرف بسالفتكم اعتبرهه مكَضيه ميردك اله لسانك طلبتهه مني واني اكولك ابشرر جتك هديه ماوراهه جزيه هيه وفهاوته عليك بلعافيه

الكل: هههههه

منتهى: والله تنحل الامور وكلشي يستعدل بس جديتكم بعدهي متعلقه باختهه ظلت تلث تشهر وبخنت ابنهم بس من تعرفج تحبج مثلنه