بارت 1
للكاتبه ..ام رحيل ..ع.م.
تبدأ قصتنا في قريه من قرى العراق ،،تسمى قرية السويلم نسبه لشيخ عشيرتها رماح ال سويلم ،،
كان رماح شيخ صاحب سطوه ومال و كان عادل مع ابناء عشيرته ،،اترمل وهو ابعمر اربعين سنه وما حصل خلفه من بت عمه سلمى وماتت بعد مرض دام عليه عشر اسنين ،
تزوج بعد وفاة سلمى من شمسه ام غيدان وهي ارملة احد الفلاحين في القريه مات زوجها وترك عده ولد اسمه غيدان عمره عشر اسنين
وكان يتأمل ايحصل ولد منه لكن شمسه ماحبلت ،،وعرف الشيخ رماح بعد ست اسنين،من زواجه،،،شمسه بعد ما جابت غيدان تمزگ رحمه وبعد ماتگدر تحبل مره ثانيه
وخاصه بعد مااتقدم بيه العمر وبلغت الاربعين ،،
اخذ الشيخ رماح يفكر بلزواج حتى ايحصل على خلفه تورثه بعد ماايموت
وكانت امه الشيخه همه مااتبطل حچي وياه حتى يتزوج
*يمه ي رماح اني شفتلك خوش ابنيه
حلوه وزغيره ومتعلمه ويتيمه وماعده احد
*منو هاي يشيخه همه
*معلمة المدرسه الجديده اسمه ست اميره
*ياشيخه هاي زغيره وحلوه من يگول تقبل بيه واني اكبر منه اهواي
*هههههه انه امك الشيخه همه خطبته الك وهي وافقت
*صدگ وبدون ماادري والله يشيخه گول وفعل ههههه،،،،.
وتزوج الشيخ رماح اميره وحبه اكثر من كل نسوانه ،،
وخلف جيهان بته الوحيده والمالكه الكل الاراضي والحلال وبعد اربع اسنين لگو الشيخ رماح ميت ابگاعه وهو يفتر ايشوف الفلح وشغلهم،،، وظلت جيهان طفله يتيمة بعد ما ماتت امه المعلمه اميره ،،
وره شيخ رماح لگوه غرگانه بلنهر.. وگالت النسوان موتت روحه وره الشيخ هيج وفه النسوان الزلمهن.... وگالت الزلم ماتت گافره وعافت بته منو ايربيه ويدير باله على حلاله... وظلت موتته حزوره محد عرف ايحله??
وغيدان شاب صار ابن عشرين سنه دگ صدره وگال اختي اني اربيه...
والشيخه على القريه بعد موتة شيخ رماح صارت لابن اخوه. الشيخ حچام ابن اسويلم چان صديق غيدان وبنفس العمر وسرهم وصيدهم وسمرهم سوه بس حچام شهم ونشمي... عكس غيدان طماع وغدار،،
شمسه ام غيدان .. فقيره وگلبه طيب حفظت الجميل للشيخ رماح واخذت بته جيهان ابحضنه بعد موتة امه غرگانه وعمر جيهان اربع سنين وحسبته بته وربته مثل ما ربت غيدان .
وكبرت جيهان طفله حلوه وعيونه املونه
وبيضه والشعر ناعم وطويل
وغيدان ايباوع اله بعيون الطمع.. كل ما تكبر سنه والثانيه.. وهو مايرضه يتزوج.. وامه حست وگلبه خاف على هاي الطفله الي حبته
مثل بته واكثر..
*اگلك يمه غيدان اشتاني عمرك اثنين وعشرين سنه اشوكت اتعرس واشوف جهالك
*بعدني يمه مو هسه وگته بعد اهواي گدامي
مرتي بعده ازغيرونه.. هههههههه
*يا عزه العزاك غيدان ولك اعليمن اتباوع.. على هاي الطفله وانت حسبة اخوه وامه حسبت امك.
*يمه شمسه شموسه شني اخوه ليش لو اني اخوه صدگ چان خليت حچام ابن سويلم ياخذ الشيخه.. والله.. والله
چان نحرت رگبته ابهاي السچين..
*اشششش.. اسكت دهر دهرك شنو هذا الحچي اتريد اتموتني ابحصرتي..
اوهو امده حضچ يشمس🙌 لا حويتي رجل ولا گعد بختج
ويه ابنچ.. اهه.. اهه 😂😂..وبچت شمسه
وغيدان رغم نفسه الدنيه واطباعه الشينه
الا چانت شمسه هي روحه ابهاي الدنيا..
*هاي اشبيچ شموسه لاتبچين والتردينه ايصيرلچ..
*شريد اريدك تعقل وتتزوج وتفرحني ابخلفتك كبل ما اموت..وتعيفك من خرابيط
عقلك وعوف هاي الطفله تكبر وتعيش مثل اختك..
*خالي.. خالي غيجان..
*هههههه شوفه اتصيحلك خالي غيچان حتى مو خويه... ههههه ..ههههه ضحكتيني ي جهونه
😂😂😂😂.
*اي اضحكي اجتي السالفه على گلبج ماي بارد،، بس حتى لو اتزوج خمسين وحده هم تكبر واتزوجه ..من كل عقلج اتروح مني الشيخه ال حچام والگاع والفلوس الهاي الزعطوطه
غير اموته..
*يا غيدان لا اتخليني اغضب عليك اليوم الدين...
*يمه شموسه اضحك وياج روحي اخطبيلي
بت اخوج سلمان شنو اسمه. گلتي .
*اي فرحني.. هذا الحچي الحلو.. اسمه رحمه
*يله رحمه احسن من النقمه هههههه وضحك غيدان وطلع وشمسه عجلت ابخطبت بت اخوه سلمان وزفته ال غيدان.. وعمر جيهان
ست اسنين حلوه ومتعافيه وبت عز وشيوخ ودلال..
أنت تقرأ
ابنة الغجر (الكاوليه) للكاتبه ام رحيل ع،م
ChickLitطفله تبعدها الاقدار عن حضن امه لتعيش في عالم ليس عالمها ،،ابنة الغجر (الكاوليه) تابعونا، ، للكاتبه ام رحيل ع، م
