ودخل ايهاب الغرفه لان جده همه دزت عليه وتفاهمت وياه، ، *اني ي جيهان اخذج حتى لو بس على الورق حتى تخلصين من ابويه غيدان، ، *ودنگت وماعرفت شتگول ال ايهاب وجده همه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وگلت ابداخلي. اتزوج من ايهاب احسن ما اخذ غيدان، ، *يجده ي جيهان وانت ي جده ي ايهاب اني دزيت على المومن ابو ياسر وراح يجي بعد ساعه ويه سعد وابوسماهر وشمسه ،،وانت روح بلباب اتلگاهم ولا تخلي احد ايحس، ، وگمت بدلت الوان مثل ما جده همه گالت وانملچت على ايهاب بعد ما طلگني المومن من حچام لانه مفقود مو ميت وما نعرف جثته وين اخذه الفرس والسلابه،،، وچان الشهود على العقد سعد وتوه كمل اثمنطعش سنه وراد المومن شاهد ثاني وشهد ابوسماهر على عقد الزواج بعد مادزتله جده همه خبر بلجيه يمهه وطلبت منه الكتمان عن غيدان والعرب،،،وچان ابو سماهر انسب واحد يكتم السر لن يعتبر غيدان غصب منه الشيخه،،، وتم الزواج، ، وبعد ما راح المومن ايوصله سعد وابوسماهر، ،جده همه نزلت على راسي طلب مثل الصاعقه خلت ادموعي تجري، ، * * *ماما جيهان وشنو هذا الطلب، ، *گالتلي لازم هذا الزواج ايصير صدگ مو بس على الورق حتى غيدان بعد مايگدر ايسوي شي ولا يگدر بعد يتگرب يمج * *ي جده همه خاف مااگدر اسوي هذا الشي لسه حچام صورته بين اعيوني، ، *ي. شهد يجده ال حي ابقى من الميت، ،ولازم يكون الزواج صدگ لجل بتچ ولجل روحچ انتي همين، ، *اشلون اذا عرف خاف يكتل. ايهاب لو يگتل بتي لو يكتلني *لعد ليش انتي راح تاخذين ايهاب ابنه حتى بعد ماتحلين عليه اذا ترملتي لو تطلگتي وبعد مااله فايده ابگتلج لو كتل بتچ لن ايهاب هو اليورث الحلال والمال،،، وايهاب كبر وابوه بعد مايكدر عليه، ،، ، ولازم نهاية الشهر تكونين حامل، ، *اشلون يجده هو بيدي لو بيد الله، ، *يجده البنيه ترضع حليب والمره الما ترضع طفلهه تحبل وگولي انشاله، ،لن الحمل يخلصچ من غيدان ويحط چيله ابگلبه وبلكي تكتله الحرگه ويموت ونخلص منه،، *وصار مثل ماخططت جده همه وتزوجنه اني وايهاب وما مر الشهر. الي طلبته جده همه من غيدان الا واني حامل وحبلت ومر شهرين وغيدان ساكت وعنده امل اقبل بيه ويخاف يضغط عليه لا ارفضه بعد ما شاف اكو امل بلزواج مني، ،وخاصه بعد ماشافني البس الوان وحالتي صارت احسن من الاول، ،والصحيح كان السبب انتي يشهد و ايهاب همين ،حسسني بلامان والحب والعطف اباصعب الظروف الي مريت بيه ،،، * *اي ماما جيهان وبعدين شصار حبلتي مو *اي ماما شهد. حبلت ويوم وره يوم وشهر وره شهر وبطني بينت وصار عليه ست تشهر وغيدان الشك لعب ابعقله وهو ايباوعلي من يفوت واني مادايره بال وحسيت بلامان لاول مره بعد موت ابوچ حچام، ،، * *هااا،،، ي جيهان اشوفچ صرتي زينه وسمنانه اشوكت نتزوج امكان الشهر انطيتج مهله ست تشهر،،، *ههههه زواج 😲😲 هاي شتگول خالي غيدان * مو گتلچ اني مو خالچ😡😡😡 ودخل ايهاب للصاله، ، *لا لا، ،جيهان بعد لا اتصيحين لابويه خالي ،، *اي مو جاي اگلله اني مو خالچ يبت الناس بس ميخالف السانه متعود، ،وراح بالايام الجايه تتعودد على غير شي،، *اي صحيح جيهان لازم ما تصيحيله خالي منا وهيج صيحيله عمي غيدان، *حاظر ايهاب انت تأمر، ، *تسلمين حبيبتي جهونه، ، *هاي شنو السالفه اشوف بكلامكم سالفه وبعيونكم سوالف ولك من شوكت انت اتصيح اله حبيبتي،،، ،كلب ،،،سافل، ،،السانك اگصه گله خاله، ،،يمه ،،سمعت ، *ههههههههه يمه حلوه ههههههه هاي شلون تدبر، ، *اي هي راح اتصير امقام امك مو مهم العمر ودخلت جده همه وشمسه وياهن المومن ابو ياسر، ،وسعد، ،وابو سماهر وابو غالب وابوسلمان اكبارية القريه بعد ما دزت عليهم جده همه حتى يكونون اشهود، ،وغيدان متفاجئ من جيتهم كلهم ويه جده همه *اشهدوا يلربع اني الشيخه همه جمعتكم لاجل بتكم جيهان مرت شيخكم حچام، *خير يشيخه همه انشاله ما عليه شر واحنه عايشين، ، *تسلم يبو سماهر تسلم يبو الدكتوره تسلم *يشيخه احنه عد يمناچ امري *هاي المرجوه منك يبو غالب وانت يبو سلمان، ،اني دعيتكم حتى اخبركم ان شيخ غيدان يگول جيهان شابه وزغيره ولازم تتزوج حتى اتحافض على نفسه او بته شهد وحلاله ولازم يكون ابجانبه رجل يحميه ويحمي حلاله، ،شتگولون، ، *كلام زين مابيه شاينه جيهان زغيره والعمر گدامه ومابيه شي ان تزوجت، ، *اي،،،😄😄😄 يبو غالب وهذا الي اني گلته ال جده همه *اي ي غيدان والهذا السبب جمعت اوجوه العشيره لن جيهان مرت شيخهم وبتهم، ، وهذا ايهاب ايريده زوجه اله وهو شاب ومستقبله گدامه وهو مو غريب عنه، ، *لالا، ، ي همه هذا مو هو الكلام الصحيح اني الي طلبته للزواج مو ابني ايهاب لا تخرفين ي همه چنچ كبرتي وخرفتي ي همه، ،😡😡😡 *لا ي غيدان ما خرفت وجيهان ابعمر ابنك اشلون اتريده الك يلشايب ، ،انت تخبلت،، شوفوا يكبار القريه اني اريد اعلمكم وبشهادةالمومن ابو ياسر الي عقد ال جيهان على ايهاب من ست تشهر وبشهادة الشهود ابو سماهر وسعد ابن غيدان وهذا العقد وابو ياسر،يشهد، ،احنه ضمينه السالفه لن غيدان ايريده اله، ، وشافوا العقد وابو ياسر وابو سماهر اكدوا صحة كلام الشيخه همه، ، وغيدان طلع المسدس من جيبه. واندار على جيهان ايريد يكتله،، وطلعت الطلقه ايريد موتي فقد عقله بعد ماسمع الخبر بس ايهاب وگف گدامي وصارت الطلقه ابگلبه، اوگع بلگاع ميت وحتى ما لحگ ايگول كلمه وحده، ، وغيدان واگف مثل الخشبه اليابسه وجه اصفر والزباد طلع من حلگه اوگع على الگاع والتموا عليه الزلم، ،وشالوه البيته وعيوني اتباوع عليه ابشماته وغضب،وايهاب راسه ابحضني وهو غارگ ابدمه ومسبل اعيونه،،، وعيوني وگلبي يبچن على شبابه😭😭😭 ،،،وجده شمسه اتملخ ابروحه وتصيح سود الله وجهك يغيدان 😭😭😭 ، ، وغيدان ،الله عاقبه على كل الي سواه، ، *اي ماما وهو انشل وبعد مايگدر يمشي من ذاك اليوم، ، *اي ماما انشل بس ياريت السانه واديه انشلن ويه رجليه وشره بعده بلزلم الي ايخدمونه علمود الفلوس الياخذونه منه ،، *هههههه ماما الطمع مو حلو رجليه اتكفي. وزلمه ماتگدر اتسوي مثل ماچان يسوي گبل بلناس ،، *الحد لله ماما شهد الله رجعج الي وانطاني وياج بعد اثنين بنات توم اخوات الج ايحبنج *اي ماما عسل وجواهر احلى اخوات *بس يشهد سعد مو من ثوبچ ولا ايلوگلج *ليش ماما لان چبير شويه *لا، ،انتي تدرين العمر مو مهم بلنسبه الي بس سعد يحب ابنيه بدويه واني شفته وياه من راح ايساعد اهل قريتهم، ،وهيه حلوه وحسيت گلبي حبه وما اريد ينكسر گلبه واذا انتي مامتعلقه ابسعد، ،لان عسل گالتلي على الولد ابو عيون خضر، ،، *ههههههع ماما، ،،،هاي عسل مااتسد حلگه ابد اي ماما اني مااحب سعد بس هو ايحاول يتقرب الي ويريدني اتزوجه واني امسايرته حتى اعرف قصتي من عنده لان انتي ماترضين اتسولفيلي * زين يشهد وهسه انتي عرفتي كل القصه وبعد ماعدچ حجه ،،المن تردين منهم سعد لو ابو اعيون خضر *هااا ماما جيهان انتي اتعرفين ابو عيون خضر من الغجر *اشلون شهد انتي شتگولين ماما لا مستحيل ،،اخذي سعد احسلج ،،،من الغجر ،،لالا ،،شهوده هذا مو خوش حچي * ماما بس هو راح يدخل كلية الطب مثلي ويصير دكتور *بس ماما هو من الغجر اتعرفين شنو غجر ،،يعني ولدج راح يصيحولهم غجر وراح ايحسون بلعار وبعدين ايحاسبونچ ويگولولج ليش اخذتي من الغجر ،،شراح اتگليلهم ،، *هاااا ماما ماادري ،،اهه،،اهه 😭😭 * 😭😭😭😭😭😭😭 ابنة الغجر بارت9 للكاتبه ام رحيل، ع م
