بارت 8
الكاتبه ام رحيل، ع م
*اشلونچ جده همه انشاله ابخير، ،وباس ايده وراسه، ،
*هله،،هله يجده هله بيك اشبيهن ذني يتعاركن وياك، ،
*يجده والله ماادري وچماله اني عمهن عود
الله امچرم، ،
*هاااا ،،،ي عسل يجده احجي قبل لا السانچ يطلع من مكانه ،، گولي،،
*جده والله مو هيج بس عمو سعد ايريد ايعرس
يجده واحنه فرحانين،،هههه
*اي بيه الخير يوليدي هاي اخبار زينه ومنهي العروس،،
*بعدهي يجده العروس ماقابله وتريد اتفكر،،
*ول،،ول،،اتفكر، ،،يجده احنه التفكر اهواي مانريده ونشوفلك غيره، ،
*ابكيفج.. يجده اني من ايدچ هاي ال أّيدچ هاي،،
*زين انطر يومين واني ازفه الك ،،
*جده اشدعوه يومين خليه يوم واحد احسن
ههههههه،،
*اتضحكين على كلامي يشهد، ،زين باچر اخطبله حنان بت سماهر، ،
*منوووووووو،،حناااا ان 😫😫😫😫
*اي ي شهد حنان
*وانت تقبل. أّبِحٌچيِّ جِدِهِ هِمَهِ وِتاخذ حنان 😤😤😤
*شهوده عيني لا اتعصبين جده همه هي الي اتگول مو اني، ،
*ولك وانت هم لازم تقبل، ،طاگ،،طاگ 💥💥
*اخ،،اخ،،جده والله اني ماگايل شي ابكيفچ
*ابكيفه هاااااا. 😤😤😤😤وطلعت شهد زعلانه وتركض وجوهره وعسل ايضحكن عليه، ،وسعد.. يركض وراه ويتوسل وحاير المنِ ايرأّضي جده همه وعوجيته لو شهد الزعلانه عليه من سمعته قابل ابحجي جده همه ....
ياحبيبتي يشهوده ..لا تزعلين مني اني كلي الج يا حنان يابطيخ ،،،اني احب شهد شهوده ،، والله
ما احب حنان بطيخ ،،هههه
*اي ميحب حنان بطيخ مو مشكله اني اعرف اشلون اعذبك
*ليش شهوده مو انتي عشقي وغرامي من جنتي عمرج يوم ..
وگفت شهد ..وجه راحت منه العصبية وصارت حبابه وكأن كلامه ذكره ابشي حلو،،
*سعد اني اعرف انت خلصتني من الموت بس ليش ماترضه اتكملي السالفه مو كتلك كلشي اتكوله راح ايظل سر بيني وبينك
للموت،
*لا تزعلين عليه شهد تره الكلام صعب والاصعب منه اذا كان ايمس شخص يقربلي
شهوده ...اخاف افقدج اذا عرفتي الحقيقه...
*سعد كول الحقيقه والك عهد ما اكول أل اي احد، ،
*ومااتعيفيني،،🙄🙄
*سعد گول الحقيقه اريد اسمعه ولا اتساومني على شي قبل ما اعرفه، ،
*ومسكه سعد من ايده وسحبه ال حديقة البيت وكعد يمه وشهد حست ابضيق لمن ايده مسكت ايده..
*شوفي شهد السالفه صارت من ثمنطعش سنه..سمعت ابويه غيدان يحجي ويه اخويه ايهاب......
*ايهاب اتروح بالليل كله نايمه وتأخذ بت
جيهان وتذبه بلنهر ابدون ماحد يشوفك
وخلصنه من هاي الطفله الي راح تأخذ كلشي مثل امه جيهان..
*بويه مستحيل اسوي هيج حتى لو تذبحني
*ولك ايهاب ليش گلبك مو على گلب ابوك ..شوف لاتذبه بالنهر حط ايدك على حلكه واخنگه ابمهده واطلع وهي طفله عمره ايام لااتقاومك ولا اتطلع صوت ..واني راح اخليك تزوج هاي البنيه الي اتحبه واشتريلك بيت بلمدينه واخليك اتعلمه وترتبه وبعدين اتجيبه
ونگول هاي مهندسه وياه بالكليه بت اصل وجاه ، هااا...شتگول..
*بويه مااگدر اسويه شنو ذنبه طفله بعدهي عمره ايام اشافت من الدنيا وشخذت منك
وشنو ذنب جيهان..
*ولك انت اغبر ادري بيك مو گده اني راح اخنگه بفراشه واطلع ..
سعد ايسولف ال شهد وعيونه حمر من القهر وشهد اتباوع عليه وهي متعجبه من الي اتسمعه...
*واني ابذاك الوگت عمري اسباطعش سنه ..
گتله بويه اني اسوي الي اتريده راح اخذه واذبه بالنهر ..لا اتروح انت اني امكانك
*هاااا سعد انت اتسويه متأكد
*اي متأكد بويه متأكد اني احسن.. ماراح اخلي احد ايشوفني
*عفيه اوليدي والله وخلفتلي ولد حوك مو مثلك ايهاب ابو الكاوليه والرگص..
*بويه معليك منه اني اسوي الي تريده
*سعد لاتاخذ كلام ابوك تره ايوديك ابتهلكه ابوك حاقد على جيهان ويريد ايعذبه ..
*انجب ولك طاخ ..طاخ 👊👊
وطاح غيدان ل ايهاب راجديات ..
*بويه عيفه اني رايح امكانه...عيفه.
*
*
*اي سعد وبعدين كمل اشسويت..
*رحت ونيتي اخذج واضمج عن ابويه غيدان
حتى لايكتلج..وفتت ابنص الليل البيت الشيخ حجام وشفت دكتوره سماهر طالعه من يم جيهان بعد ما اطمنت عليه .. وخليته تطلع وانتظرت ساعه ثانيه وفتت لگيت جيهان نايمه وامي شمسه نايمه يمهه واخذتج من المهد ابدون ما احد ايحس بيه ،،وطلعت
وحرت وين اوديج ..وين اضمج عن ابويه واگله ذبيته بالنهر ..
وحطيتج ابغرفتي واني اباوع عليج الليل كله
وانت نايمه مثل الملاك ..وسمعت صوت الزلم
والصياح وشفت ابويه غيدان جاي الغرفتي بعد ماسمعج تبجين واني اسد ابحلگج وخايف
وعرفت اذا فات للغرفه راح ايخنگج اكيد ،،
*اي سعد وشسويت..
*لفيتج ابطانيه فوگ الحضينه لان الجو بارد واخذتج وطفرت من شباج الغرفه وركضت ما ادري وين اروح بيج ..
وما حسيت غير الزلم تركض ورايه وتصيح
هذا الحرامي ...هذا الحرامي ..اكمشوه..
*اي سعد ...گالته شهد وعيونه مفتوحه ابوسعه ومتشوقه تعرف الصار اتگول جاي تسمع قصة وحده غيره ..
أنت تقرأ
ابنة الغجر (الكاوليه) للكاتبه ام رحيل ع،م
ChickLitطفله تبعدها الاقدار عن حضن امه لتعيش في عالم ليس عالمها ،،ابنة الغجر (الكاوليه) تابعونا، ، للكاتبه ام رحيل ع، م
