ابنة الغجر (الكاوليه) للكاتبه ام رحيل ع،م

ابنة الغجر، 3، ام رحيل ع م

بارت 3..
.للكاتبه ام رحيل،،ع م

ومرت الايام والسعاده اكثر من الي حلمت بيه جيهان والشيخ حچام
وهلت البشاير ..جيهان حامل... والفرح ويه الدموع ترسن اعيون حچام بعد كل هاي السنين.. راح ايصير اب..
وطارت جيهان ويه حجام من الفرح وجده همه گالت خضرت عودك يحجام
ومرت الايام والشهور والفرح اكبر من ان ايشيله الگلب،،وفاتت جيهان ابشهره السابع،،وصارت اكثر جمال وعيون اثنين
من الزلم تربيله وتباوع الحركاته وشلون تتمايل وتمشي والحمل امثگله وزايده جمال فوگ جمالها ،،عين تنظر اله ابحلال وفرح هي اعيون حجام وعين تنظره ابخسه ودنائة نفس هي اعيون غيدان
الدنيا زهت الحجام وحلت ،،
لكن الاقدار اتغير حياة الاحباب
والافراح مادامت والغدر متطوي ابجلد حيه
نايمه ابحفره وتتربص ساعة غدره ،،،
الفشگ ثار.. وابنص الليل الصياح عله والطلق ثار.
*خير... خير... شكو اشصار
*يشيخ حچام حراميه ساگو الحلال ومشو بيه
والزلم تضرب نار وهمه اهواي ما اظن نگدر انرد الحلال منهم يشيخ..
*ويخسون وانه الشيخ حچام،،،ولبس نطاق التفگ وهب ويه الزلم وره السلابه
وعيون چيهان ورجليه الثگيله من الحباله
تركض الباب الدار وره حچام
*دير بالك يحچام ردلي سالم، ،
*ردي يچهن، ،،ردي نامي وارتاحي ساعة زمن
وارجع ويه الحلال والزلم لا اتخافين،،،،
طلع حچام ويه غيدان والزلم وعيونة تمشي وره حجام وگلبه ايدگ والنفس صعب عليه تاخذه

حچام والزلم، ،،لحگو الحراميه
وحاوطوهم وردو الحلال..والسلابه المات مات والي انهزم ابروحه خلص من الموت.. وبنص التراب والعجاج والي الشوف بيه صار صعب
جتي رصاصه غدر وحچام مقصده وغايته
ما وگع عن فرسه لن الفرس اخذه وغار بيه ابنص الصحراء والسلابه حاوطو الفرس وسحلوه وياهم على اعناد اهله وعشيرته،، وحچام ميت على ظهر الفرس والدم يجري منه واخذو الفرس وصاحبه بعيد عن اهله وعشيرته، ،
الحلال رد بس راعي الحلال.. حچام
مارد .. شافته جيهان من فوگ السطوح .وهوغارگ ابدمه فوگ الفرس. لطمت وشرطت اخدوده.. وذبت روحه والنسوان تلگنه،،،صاحت الحگوهم وردو جثته بلكي عدل وبيه نفس
بلكي يحاجيني واشوفنه،،، بس الفرس راح والعين ودعت حبيبه ،،،،
والطفل يرفس ابطن جيهان ايريد ايودع
الي كان السبب ابوجوده
😥😥😥
*اه،،،،اه، ،الحگولي والتمت النسوان وشمسه
وياهن وعيونه تذرف ادموع وخدوده امشرطه، ،
*يمه ابنيتي اويلي عليج ماتهنيتي ييمه شيلنهه وياي يله ابسرعه، ،،اظنه راح تولد
گبل وكته، ،،ابسرعه همن روحچن
*اي يخيه يام غيدان اضنه راح تولد بلسابع
ابسبب صدمته ابموتة الشيخ،،
*خيه ام سماهر وين بتج الدكتوره خل تجينه
ابساع اتشوفه، ،
*اي خيه ام غيدان وديت ابنج سعد ايصيحه.
*يله هاي اجتي الدكتوره سماهر.
*حطنه على الفراش، ،،،ابسرعه، ،،وضعه مايتحمل ابسرعه، ،،،وبعده توه حطوه على الفراش وطلعت صرخة الطفل ضعيفه وتعبانه ولفته الدكتوره سماهر ابسرعه عن البرد لا ايأذيه ،،