ابنة الغجر (الكاوليه) للكاتبه ام رحيل ع،م

ابنة الغجر (الكاوليه) 13 للكاتبه ام رحيل ،ع،م

بارت 13 
للكاتبه ام رحيل ع،م
حملت الغجر خيامه بعد ماوصل المرسال اله من حمادي (الشيخ حچام) طلب منهم يحملون ويجون ايعيشون ابگاعه ،،
وانجمعت الناس من كل الاصناف وبدت ام فرحه تحچي گدام الشيوخ وغيدان ايهد عليه ايريد يكتله بس الشيوخ خلت 
الزلم تكمش ابعربانته ومايگدر يتحرك بعد
والشرطه حاوطت المضيف بعد ما الشيخ مناع بلغهم يحضرون،،
*تبدي سالفتي ياشيوخ يوم بتي فرحه حبت شاب من الحضر مو من الغجر وچان صولان ايريد يتزوجه غصب عليه وهي چانت متزوجه بلسر واني ادري بيه من شاب ايروح ويرد على عشيرتنه وتزوجه حسب عرف الغجر بلسر وظل وياه كم شهر واختفى وبعد ما يجي،، وبتي فرح اصبحت وطفل ابطنه ،،ومرت الايام والاشهر واني اگول مريضه ومجهول مرضه وابعد صولان عنه ابهاي الحجه الى يوم حست باالم الولاده لمن نزلنه ابگاع الشيخ حچام القريبه من النهر قرب قريتكم من 18 سنه واجيت بالليل اسئل على دايه اتولد نسوان القريه ،،وگالو عدنه دكتوره اسمه سماهر هي اتولد نسوانه ورحت اله ،،
ولگيت العرب حزينه وعدهم طفلة الشيخ
ضايعه ،،بس ماعرفت اشلون ضاعت وشگد عمره ودگيت الباب ودخلت لكيت
الدكتوره سماهر وامه،،
*يادكتوره داخله على الله ثم عليچ ،،
* گولي عدچ مريض
* اي دكتوره بتي تطلگ وما اگدر اطلعه واجيبه الچ تولديه لان اتزوجت بلسر وشيخ عشيرتنه ايريده واذا عرف يكتلني ويكتله واريد ترحين وياي وبلسر اتجيبيه
ابدون ما احد يدري ،،
* هااااا افتهمت السالفه بعد ليش اتگولين متزوجه ،،انتي مو من الغجر النزلو قرب النهر،،
* اي يدكتوره بس بتي مو مثل ما انتي ضانه هي متزوجه واني ماچذبت عليچ
* زين والطفل وين راح اتودينه
*عدي صديقه ماعده احد تشتغل بلاعشاب والطب بس هي بعيده عني اوديه عده تتربه،،
* زين ميخالف اني موافقه اجي وياج واجيب بتچ ابدون ما احد يدري بس شراح تنطيني ،،
* الفلوس التردينه حتى لو كل الي لميته طول عمري ،،
* لا لا مااريد افلوس اريد خدمه مقابل خدمه،،يعني اتخدميني مقابل خدمتي الج
* قابله وشنو الخدمه،،،
وهنا صاحت سماهر الچانت حاضره ويه الحاظرين هي وابوه وامه ،،انتي چذابه
اني ماطلبت منچ شي بس جيبت بتچ انت چذابه ماعدچ دليل،،
وصاحت الشيوخ بلدكتوره سماهر وارجال العشاير الجايين ويه الشيوخ طوقو المضيف بلسلاح لمن شافو السالفه
چبيره،،
بعد ما سكتو الشيوخ سماهر وگعدت ابمكانه لم امه وابوه
كملت ام فرحه كلامه
* شنيه الخدمه الترديه مني ،،، اذا اگدر اسويه الچ
* تگدرين ،،اذا جابت بتچ الطفل مو اتودينه الصاحبتچ يتربه عده
* اي يدكتوره
* زين امكان ما اتوديله طفل واحد وديله طفلين ،،يعني عدي طفل اريد اخلص منه توه امه جايبته عمره 3 تيام
هاااا شتگولين ،،
* والطفل هذا ابنچ انتي ،،
* اسكتي واحترمي نفسج اتشوفين بتچ عبالج كل البنات  مثله ،،
* اني ماگلت شي يدكتوره بس لازم اعرف
* زين اعرفي الطفل امه جابته وما اتريده مثل بتج  ،،
واخذت الطفل منه ولد عمره 3 تيام ضعيف وزغيرون چنه ابن سبع تشهر
ابيض وعيونه خضر مثل طير الذهب
ومشينه المخيمنه وجابت بتي ابنيه ومشت وصار على گلبي 2 اطفال وما اعرف وين اوديهم لان صاحبتي ماتگدر
اتربي اثنين اطفال وهي مره چبيره ولازم
اوديله بس بت بتي اتربيه ،،اخذت الطفل
وحطيته ابعربانة ارماحه ام النور لان ماعدهم اطفال وهذا ولد ايفيدهم،،
وبعده ارماحه طلعت ابعرباينه من العشيره ابحجة اتولد بت اخته ماخذه احظري،،،،، وعرفتهم لكو الولد ومايردون احد يعرف ان همه لگو مذبوب ابعربانتهم
ويردون يگلون هذا ابن بت اخت ارماحه
الي ماتت وعافته عدهم،بس بعدين اعرفت ان ارماحه عده اثنين اطفال ولد وبت توم
واتعجبت البت امين جابته وگلت يمكن بت اخته صدگ جابت البت وماتت وگالت جابت توم،،وترجع سالفتنه بعد ما رحلت ام النور وفرحان اخذت بت بتي  اريد
اوديه عد صاحبتي مراجل وسمعت الطلق
وصهيل الخيل والزلم امحاوطه صولان وتسئله عن طفل مبيوگه والباگه ذبه بلشط وشفت بين الزلم الشاب الي تزوج بتي وعافه وبسرعه اجتي الفكره ابراسي
وحطيت البنيه ابمكان عشب وطلعت الزلم غيدان والشيخه جيهان وياهم
وكلتلهم عدي اعلوم عن البنيه والباگه ماذبه بلنهر ذب الحضينه وظم الطفله ابغار بلشجره واني گبل يوم شفتهم ايدورن بلنهر غيدان وزلمه،،وعرفت ابذيج الساعه عليمن ايدورون وگلت اجبر خاطر هاي الام المفجوعه ابرجله وبته الغرگت بالنهر واگله هاي بتچ والاطفال وهي ازغار كله تتشابه وراح تتربه بت بتي عد اهل ابوه ،،
* لالالا ،،انتي شتگولين يعني اني مو بت
جيهان وحچام ،،صاحت شهد ودگت ولطمت على وجهه وجيهان حاضنته واخواته ايهدن بيه😭😭😭
* ههههههه  اي يبت الكاوليه مو گتلج يجيهان هاي موبتچ هاي بت الكاوليه
ماصدگتيني
* اسكت يغيدان لااتخليني اربط حلگك من جديد
صاح بيه الشيخ مناع ال صرخه،،، فريضة وچبير  العشاير كله ،،
وبچت شهد وامه اتسكت بيه وسعد ايباوع اله والدهشه ماخذته من كل الي يسمعه،،
* شهد حبيبتي انتي بت جيهان حتى لو كل الناس گالت مو بته
* شهوده ماما كلام سعد صحيح انتي بنتي ،،انتي حبيبتي 😥😥
*شهد يجده اني چان سكتت وما حجيت عنچ بس لمن عرفت دكتور سعد ايريدچ عروس اله ماگدرت اسكت واخليچ ادخلين بلحرام ،،
وهنا صاح الدكتور سعد
* انتي شتحچين ام فرحه هذا ياحرام وحتى لو شهد بت فرحه هذا مايمنع اتزوجه
* لا لا ،،يدكتور يمنع وماتگدر تتزوجه ولا تگرب منه لن شهد اتصير بت اخوك ايهاب
هو الي عقد على بتي فرحه وتزوجه واني ادري  وبلسر عن ابوه غيدان وعن عشيرتنه،،يعني شهد اتصير بت اخوك وانت عمه ،،
* مستحيل هذا مو صحيح شهد اتصير بت  اخويه ايهاب مستحيل
* لا يدكتور مو مستحيل هاي الحقيقه
ولمن اجينه ويه الشيخه اني وبتي فرح حتى اتكون قريبه من بته اورجله ايهاب
ابوك  غيدان حس وعرف ابزواجهم  وهددنه وگال اخذي بتچ وامشي گبل لا تندمين بس فرح ماطاوعتني وماحسيت غير ابزلم وياهم غيدان صامين حلگه وساحبينه للنهرفرح اتصيح واني امجتفيني واباوع ومااگدر اخلصه لمن شبعت ماي وطوفت ،،
وگالي غيدان
*  تموتين ويه بتچ لو ترحلين
مالي فايده من موتچ شتگولين ،
* ارحل ،،ارحل ياشيخ غيدان ارحل بس ادفنه ارحل
* السانچ مايگول شي لو تموتين احسن
* الساني مايگول شي ياشيخ ادفن بتي وارحل ،،،ارحل
رحلت بعد مادفنت فرح وقسمت فوگ گبره الا ادفن غيدان ابصفه مهما طالت السنين وافترت  واليوم اريد حق بتي ياشيخ مناع ،،
* انشاله یاام فرحه انشاله
،،،
وجانت جيهان بت ام النور واخوه حچام وام النور من الحاضرين بين الناس
يباوع حچام ال شهد وگلبه ينگط دم من الحزن عليه وعيونه ويه اعيونه التقت من بعيد واتمنى ايكون قريب يمه ويكمش ايده ويحضنه ويواسيه،،،بس الناس اهواي ابيناتهم وهذا شي مستحيل يگدر ايسويه،،
وجيهان بت ام النور گاعده وماتعرف تشمت ابسعد لو تنقهر على حاله لو تفرح
لمن بعد مايگدر يتزوج شهد وفچئه حست ايد گمشت ايده وباوعت ابخوف
على الي كمش ايده
* سامر هاي شسوي خوفتني عبالي ،،،،،،
* عبالچ دكتور سعد ،،لا بعده ماصحه من الصدمه لمن يصحه يااله يرجعلچ يتوسل ويعتذر منچ لاتستعجلين ،،،
* ومنو گالك اني بعد اريده لو احبه مستحيل صار ثوب عتيگ وسخ ترضه جيهان اتلبسه ،،
* تسئليني جيهان ،،اني اتمنالچ كل خير الدنيا وكل فرحها حتى لو بيه حزن وعذاب الي  ،،مو مهم المهم انتي ،،
* سامر ،،انت ثوبي الي اريد البسه وما ابدلك بثياب من الحرير والذهب يلغالي  * جيهان ،،،يعمري روحي توه ردتلي جيهان صحيح الي اسمعه منچ لو اني ابحلم ،،
* سامر ،،اگعد راحه اكو حلم ابنص هاي العالم كله  وهاي البلاوي والمصايب الچاي نسمعه الله يبعدنه عنهم وعن شرهم ☺️☺️
* هاي اشجاي اتدندنون صارلكم ساعه وماتخلونه نسمع الي ايصير،،
* حچام باوع الحبيبتك التبچي واسكت
شوف ماراضيه لان طلعت  نصه من الغجر ونصه من الحضر ،،،
* اسكتي جيهان ،،مو هذا سبب بچيه حطي روحچ امكانه وبعد 18 سنه ايگلولچ هذوله مو امچ وابوچ شسوين
* هههههه اهم شي يگولولي هذا مو اخوچ 😜😜😜هههههههه
ومايحسون غير ام النور
واكفه يم فرحه ،،
* جيهان هاي امي( ام النور)  راحت لم فرحه وتريد تحچي الله اليستر هذا يوم العجايب🤨🤨
* ههههه عادي خل اتگول حچام مو ابني
حتى ارتاح منك ههههههه😝😝😝😝
* جيهان 😤😤😤😤
* يمه سامر احميني منه گام ايطلع نار انگلب تنين 😬😬😬
* لالا اتخافين  حچام خوش اخو مايعيل
ابخته وتؤم روحه 😉😉😉
* هاي ام النور شسوي اشو اتأشر بيده اتگول اسكتو اتريد تحچي الله اليستر
منچ يام النور اتخوفين والله ،،
* عليمن اتخاف خويه حچام هو احنه غجر وماكو شي اقل من عدنه لا اتخاف
* اي والله صدگت يا سامر يخوي ،،
* اي والله وبلگي الله يسويني نسيبك
شتگول ،،
* سامرررررر 😊😊😊😊
* هااااا جهونه اتراجعتي 🙄🙄 عادي سعد صار فارغ وشهد ماتحل عليه
* 🤜🤜🤜  اخخخخخ هاي شبيچ جهونه والله احچي صدگ
* اي واني هم اضرب صدگ🤛🤛🤛
* اخخخخخخ جهونه بطلت هاي منو علمچ الملاكمه ههههههه لازم هذا حچام
* اسكتو خل نسمع
* ياشيوخ العشاير ياشيخ مناع ياشيخ حچام السالفه صارت عدي واني اسولفه
* گولي ياام النور احنه نسمعچ،،،
ام النور اشراح اتگول وراح تخبرنه عده ولد وبت اولاد منو وشنهي قصته
ستعرفون العجيب في البارت 14 والاخير
😱😱😱😱😱😱
ابنة الغجر بارت 13
للكاتبه ام رحيل ع،م