ابنة الغجر (الكاوليه) للكاتبه ام رحيل ع،م

ابنة الغجر(بارت12 )للكاتبه ام رحيل ع،م

بارت 12

بعد ماصحه حمادي من النوم بلمستوصف
وهو احواله كله متخربطه ومايعرف من الدنيا ،،  وكله الناس عده غريبه ومو غريبه
وسعد گاعد يمه ويهدي بيه
*شبيك حمادي شتحس ،،،حاس،ابوجع ابراسك
*هاي شبيك انت امخبل هو هذا سؤال
راسي مشگوگ نصين ومضمد وانت اتگلي راسك هم يوجعك ،،بله هو هذا سؤال مال  دكتور ،،،
*اي والله حقك عمي حمادي اثاري هاي وگعتك بلوادي بيه فايده رجعتلك عقلك وگمت تحچي عدل هههههه
*دكتور انت شجاي اتخربط شنو تحچي عدل لعد اني امخبل ومااعرف احچي
شبيك اشو بس تضحك ابدون سبب
*اني اسف عمي حمادي اعذرني  هههه بس تره الدنيا نوبات اتضحك الواحد ونوبات اتبچيه ،،،
* اي ادري وبواچيه اكثر من ضحكه  واني ويه الدنيا سالفتي طويله مثل ذاك الي يگول
صفت روحي سنبله بمهب الريح
هزه اتجيبه وهزه توديه
واكولن بس بعد هديتي كل الروح
وطاحت كل سنابله اشبقى بيهه
تگلي لا بعد منك بقى عود
ماهده اذا ماجيب تاليه
*الله ،،الله عمي حمادي وچماله شاعر وين چان كل هذا الشعر مضموم 👏🏻👏🏻
*اگلك دكتور اشو اتصيحلي عمي حمادي
شلقصه ،،
*لعد شتريد اصيحلك ياعمي ياحمادي قابل اگلك اوليدي وانت عمرك  فوگ الستين سنه
هههههههه،،
*بس،،بس،،لاتضحك ،،شنو ستين سنه كله عمري خمسه و اربعين سنه شنو ستين،،
وانت امبين عمرك فوگ الثلاثين ،،
فتهم سعد ان حمادي مايعرف المده الي فقد بيه ذاكرته ويضن عمره خمسه واربعين سنه من يوم الفقد الذكره ،،
وطلعت صيحه چبيره من حمادي بعد ما باوع بلمرايه وشاف سنين العمر المرت بيه وهو مايدري ،،وحط ايده على وجه
ونحب ابمراره وقهر ،،،
*عمي حمادي هاي اشبيك تره الدنيا ماتسوه تحزن عليه وكل الي يسويه ربك
بيه فايده للعبد بس العبد مايعرف
*يدكتور سعد عمري كله راح بعيد عن احبابي واهلي وشنو الفايده الي جنيته غير الخبال والعيشه بين الغجر ،،،
* گوم عمي حمادي اسبح وزين هذا الشعر والبس هاي الهدوم ،،وبعدين راح اگلك شنو الفايده ،،
* زين يدكتور بس لا تگلي حمادي ،
*ههههههه على امرك ياشيخ مثل مااتريد
گوم ،،،،گوم زين واسبح،،ههههههه
،،،،،،،،،😎😎😎😎
،،،،،،،،،.
دخلت جيهان للمضيف وچان سعد گاعد وابصفه حمادي لابس ومزين وگاعد ولا اتگول ذاك حمادي اليركض بين الغجر ويوتوت ،،گاعد چنه شيخ وتلوگله الگعده
بس راسه امدنگه والهم والحزن تارس وجهه ،،
*يااهلا وسهلا بيك وبضيفك يدكتور سعد ،،
وماگالت جيهان هذا الكلام الا وحمادي گام على حيله وجسمه كله يختض ،،،وعيونه تحچي قصص وسوالف وعذاب السنين المرت بيه ،،
وطلعت من جيهان صيحه هزت كل جسمه وماتحس الا وهي واگعه بلگاع وفاقده وعيها ،،،
* جيهان ،،،جيهان ،،حبيبتي اصار بيچ جيهان باوعيلي
* خليني اشوفه،،،،، وخر حمادي خليني اشوفه ،  واخذ سعد يرش عليه الماي ،،وسمعن بنات جيهان الهوسه والصياح واجن ايركضن ،،
* ماما،،ماما ،،والتمن شهد وعسل وجواهر
على امهن حاضناته ويباوعن ال سعد بعيون اتهام وغضب وراهن تركض اجتي شمسه ام غيدان وام فرحه وجده همه گاعده ابغرفته گومة اعظام ماتگدر اتگوم
بعد ما تعدت فوگ 120 سنه وتصيح
* يجده وينچن شكو شنو الصار ليش هذا
الصياح يجده شهد ،،عسل ،،جواهر وين رحتن ،
* سعد اشسويت ال امي انت وهذا الرجال
* شهد ماسويت اله شي ،،قدمتله والچ
خدمة حياتچن ،،
* اتموت امي هي هاي الخدمه الي اتقدمه النه
* عسل ،،الخدمه مو الچ انتي ولا الجواهر ،،
*لعد المن النفسك
* جواهر ،،،ارجوج ،،اقصدت جيهان وشهد وبس ????
حمادي چان گاعد اگباله وحاط ايده على راسه والدمع لايج ابعينه وهو ايباوع ابذهول ال شهد وعسل وجواهر وهنه حاضنات امهن ويبچن،،ويهاجمن ابسعد
وحست جيهان على نفسه ،،،
* اه،،،اه،،حچام ،،،،حچام ،،،،وصحت جيهان ،،،وكمشت حمادي من اهدومه وهزته وهي اتحاچيه ،،
انت حقيقه لو اني جاي يتصورلي صحيح
اسنين مرت بس انت لسه ذاك حچام الي حبيته وتزوجته ،،،حچام ،،،انت حچام اني ما يتصورلي انت عدل ماميت حچام وين چنت كل هاي السنين ،،
*جيهان ،،،جيهان ونزلت ادموعهم واتحاضنو وبناته ايباوعن عليهم ابدهشه 
ومايعرفهن شنو السالفه  ،،،وام غيدان واكفه ويه ام  فرحه  ومن بعيد اتباوع وتحچي ويه روحه ،،
* اليوم يوم الحساب يغيدان ،،ولابد كل غايب ايرد الهله فد يوم ،،
ياشيخ حچام ماطول رديت ابسلامه الهلك لازم اليوم الكل يعرف الحقيقه وشنو الي صار
* منهو انتي اني مااعرفچ ويتخيلي ماشايفچ گبل
* اني ام فرحه وانت ماتعرفني   بس اني اعرفك ياشيخ حچام ،،اني الي خلصتك من السلابه بعد مارموك بلگاع واخذو الفرس مالتك وعافوك الدم ينزف من راسك شلتك على الحصان مال عربانتنه وچنت رايحه اشربه ماي من النهر بعد ما نزلنه ابمكان قريب من الماي وحطيتك على الفرس ومشيت بيك الصاحبه اعرفه اداوي بالاعشاب والطب بعيد عن خيمنه مسير ساعه علفرس وحطيتك عده وچانت امئيسه من حياتك لانك چنت بس نفس واذا انگطع تنتهي وگالت لا اتجيبين عنه سيره ال اي مخلوگ لن اذا مات راح اتجيبين الي والج الطلايب ويه اهله اويه الحكومه ،،وخليتك يمهه تعالجك لو تطيب لو تموت ،،ورجعت لخيم عشيرتنه
وماحچيت مثل ما وصتني صاحبتي وگالت اذا طاب ايروح الاهله واذا مات ادفنه ومحد يدري بيه ،،وصارت بعده جيتي ويه الشيخه جيهان اني وبتي ومن طولت وما رجعت عرفت انك متت ودفنتك صاحبتي العرافه مراجل وما دريت انك طبت وماتعرف اي شي عن حياتك ولا تذكر حتى اسمك والهذا السبب مارجعت الاهلك،،،، وماجبت للشيخه خبر عنك حتى لا تحزن وهي فرحانه ابرجوع شهد بعد ما انباگت منه،،وسولفت جيهان الي صار عليه وعلى شهد من بعده وعلى غيدان واشلون راد يجبره على الزواج منه لو يكتل بته وشلون جده همه زوجته ال ايهاب واشلون مات وهو لسه ابعز شبابه وعمره ،،بعد ما عاف توم ابطنه عسل وجواهر بناته وبنات ايهاب ،،
وكملت السالف ام فرحه وگالت للشيخ حچام ،،
بعد ماترتاح وينجمع كل الشاركوا بلظلم والغدر راح اسولف السالفه كله ،،
گام حچام ركض الجده همه بعد ماعرف صوته هي تصيح من غرفته وعرف هي
لسه بعده عدله ماماتت ،،
*يجده،،،يجده ،،،اشلونچ يجده اني حچام ياجده  اهه،،اهه😭😭

*  حچام اوليدي حچام اشلون طلعت من الگبور يحچام اشلون بعد كل هاي السنين
ياچده اشلون اهه،،اهه😭😭
* لا يجده لاتبچين لا يچده مابقه بلعمر
اهواي للبچي لا تبچين ياچده ،،
وگعد حچام يم جده همه وبناته ثلاثتهن
وجيهان داير مدايره ،،وجيهان حست  اليوم التقت وحبت حچام مو من عشرين سنه،،
*
*
والتمت الناس ابمضيف الشيخ حجام بعد مادعاهم ،،والشيوخ فرحانه ابرجعته وتهني ابسلامته وغيدان گاعد ابنص المضيف ابعربانته ولا جن المرض والسنين ماخذه منه شي غير بس رجليه المايگدر يمشي بيهن ،،،ورجع قوي بعد موتة ايهاب ابسنه وبعد ما،،،فلت من الحبس لان رشه الزلم وشهدت ان موتت ايهاب مو متعمده وگالو ابوه اينضف السلاح وطلعت الرصاصه خطأ وكتلته وچان مريض ومشلول والدوله ماحكمته حتي حكم الحق العام وغيدان فلت منه
بس هم صار ضعيف حتى لو عده ارجال اينفذوله اليريده بلفلوس ،،، وجيهان سكتت لان ماكو فايده من سجن واحد نص ميت وخافت العار يركب الطفل الي ابطنه  لان ايصير جده ،،،واهم شي خلصت جيهان من سالفة الزواج منه وخلته ياخذ الي يريده من الكاع وما حاسبته حتى تتقي شره ،،،وهذا هو اليوم گاعد بلمضيف وحراسه داير مدايره وفكره مايريد ايرجع الشيخه ال حچام ابحجة حچام غايب عن العرب من اسنين
وما فاد العرب مثله،،
بس الي دافنته اله ام  فرحه وجيهان مايعرفه،،
واليوم يوم الحساب اله بعد ما ودت ام فرحه المراسيل الكل الشهود ابهاي السالفه وحضرتهم گدام العشيره بمساعدة الشيخ حچام والشيخه جيهان ،،
التمت الشيوخ والعرب والغجر كله تريد تسمع السالفه والحقيقه الخربت حياة ناس وموتت ناس وشردت ناس

* ياام فرحه انتي متأكده انچ راح تحچين الحقيقه كله بس الي سولفتيه بيه مضره الج والشرطه راح تحاسبچ مو بس غيدان والناس الي اشتركت وياج اويه غيدان ،،
* واني قابله ياشيخ بس اخذ ثار بتي فرحه حتى لو اموت بعده بلسجن مايهمني ومثل ما گلت ياشيخ ماباقي من العمر اهواي نندم عليه 😥😥
خلينه انشوف نهاية قصتنه ومنو هنه بنات الشيوخ ومن هنه بنات الغجر
تابعونا في البارت 13 والاخير
😥😥😥😥😥😥😥
ابنة الغجر  للكاتبه
ام رحيل ع،م
بارت 12