كرونيك :🔫حرب المافيا💣

💣46🔫

الحلقة سادسة و اربعون:🔫
جان ودينا في بيروه يحكو.. ملاك طلعت رقدت متعب حتى سام و روبرت كل واحد شد بيتو و رقدو كان نهار حافل بالمتاعب..
جان.. خير دينا اش فما..
دينا.. جان انا كلمت امي بتش نطمنها عليا و حكيتلها اني لقيتك و عايشة معاك.. فرحت برشا ومن كثر ما هي مشتاقتلك و حابة تشوفك مرضت.. كلمتها اخر مرة .. جاوبتني سهى بنت خالتنا .. قاتلي لي هيا مرضت و شدت فرش.. انا خايفى علاها  برشا اهئ اهئ..
جان.. حضنها .. قلبو وجعو على امو هوا متوحشها زادا ويتمنى يحضنها ويشم ريحتها.. باهي دينا ما تبكين عدوة نيعث رجالي يجيبوها تو رتحت من اكبر عدو ليا نجم نشوفها ومنخافش نخسركم..
دينا.. فرحت برشا ولت تحضن وتبوس في جان.. وهو يدز فاها .. يزي يا مهبولة كليتلي وجهي..
ظينا خرجت و جان جاه تلوفون..
الوو .. وي..
***: بوس 🐯 قتلوه كبار المافيا خافو لا يفضحهم و روفيدا هربت كي جو يهزوها للسجن..
جان ضرب يودو ع طاولة .. اففف مش لازم ملاك تسمع لا تتأزم وتخاف وطبيبة قالت لازمها راحة بدنية ونفسية
في صباح جان كلف رجالو يمشو لتونس يجيبو امو .. ورجال اخرين كلفهم يلوجو على روفيدا .. قبل ما تعمللهم حاجة خاصة ملاك..
ملاك.. حبيبي وينك لبارح لين رقدت ما ريتكش..
جان.. كان عندي شوي خدمة ما تخافش عليا يا روحي .. باس شفايفها 💏 بكل حب وحنانة .. تو هيا نهبطو نفطرو ولدي راو جاع..
ملاك.. اي مت بجوع .. هيا..
هبطو .. لقو سام و ظينا وروبرت يفطرو..
ملاك.. روبرت بش يبقى معانا.. تحكي مع جان يشوي..
جان.. غمزها اي معانا ديما..
ملاك.. غزلتو و غزرت لروبرت كأنهم يعرفو بعضهم من قبل.. فما حلقة ناقصة هنا..
جان.. فاهمها .. متخممش برشا كل حاجة في وقتها باهيا..
تعدى يوم عادي ملاك وجان.. و دينا و سام يتمعشقو و روبرت يتفرج فيهم .. باير مسكين خخخ.
في ليل كل مجموعين في صالون وباب دق.. حلت خادمة و دخلت مرة في خمسينات و بنية في عشرينات.. ناس الكل وقفت تشوف فيهم.. حتى نطقت دينا.. ماااامااا .. مشا تجري تحضن و تبوس فاها وامها كيف كيف..
جان.. قلبو دق بالقوي و يديه يرعشو .. امو مشافهاش ولا حضنها ملي مات بوه و هو سافر اكثر من 10 سنين..
امو .. تغزرلو عيناها تلمع مالفرحة .. ولدها كبدتها متوحشاتو برشاااا..
سيبت دينا و قربت لجان.. وهو واقف كي صمبة ..
امو(زهرة).. جوزيف ولدي كبدتي
ملاك.. شكون جوزيف..
دينا.. جان اسمو حقاني جوزيف..
جان.. عينيه مزغللة .. امي.. حملو بعضهم زوز وامو تبكي بصوت .. ناس الكل تأثرت بالمشهد دينا و ملاك يبكو وسام و روبرت تأثرو علخر..
اما شكون طفلة لجت مع امو و اش حكايتها؟؟؟؟ جاااام 😳😳