كرونيك :🔫حرب المافيا💣

🔫61💣

الحلقة واحد و ستون🔫:
سهى" جوزيف سامحني فرضت روحي عليك و دخلت بينك وبين ملاك .. صدقني منحبك اما غرتني دنيا و نسيت انا شنوة و اش عاملة في حياتي .. مش كل شي بدايتو بأرادتي فما حاجات تتفرض علينا بسيف و نغرقو فاها .. انا فرضت عليا دنيا نكون عاهرة .. نعرف انكم كرهتوني و عايفيني .. سامحوني.. ملاك اختي سامحيني خليتك تتعذب وانتي حبلة والله ماكان في بالي ولا راني قصيتها لحكاية و قنعت خالتي تبطل خطبة.. اما ربي حب يعاقبني باش نتكشف قدام خالتي و تعرف بنت اختها مش كيما هي متصورتها.. اههه يا خالتي سامحيني نوعد نبعد على خمج لي غرقت فيه ومعادش تشوفو وجهي.. باش نبدا صفحة جديدة.. وننسى ماضي.. انشالله تسامحوني ..
حقا جوزيف خاتم خالتي لبسو لملاك هي وحيدة لي تستاهلو.."😭
ملاك.. انتا مسامحتها وربي يسامحها..
زهرة.. ربي يعداها ويسامحها.. كلنا نغلطو وربي غافور رحيم..
جان.. جبد خاتم و قرب لملاك.. لبسهولها.. حبي تقبل تكون مرتي..
ملاك.. اي اي نقبل ..
حضنو بعضهم..
زهرة.. ووووووووووررريي..
دينا.. حمدلله هم ونزاح .. اففف سام وسيو لتو ما جا و لا حل تلفونو ..
في ليل جان دخل لقى دينا وملاك يحكو فالبيت..
دينا.. برة البس عنا حفلة ليلة..
دينا.. ياااا حتى انا قلقت نحب نمشي نبدل جو..خرجت طايرة جان.. عطى ساك لملاك..
ملاك.. شنوة هذا..
جان.. حلو تو تعرف..
ملاك.. حلاتو وجبدت روبة بيضا سامبل تهبل.. يااا حبيبي محلاها..
جان.. اي برا دوش و فحفحلي روحك و لبسها ليلة نحبك نجمت سهرة.. وخرج يقول ازهرة زادا تحضر روحها..
لبست ملاك روبة و عملت شعرها على جنب مع بروش نجمة و مكياج يهبل وطالون ابيض و جان لبس كوستيم نوار سبور شيك جاه فتوووق.. و دينا وزهرة زادا حضرو وطلعو موهريين.. خرجو مش عارفين حفلة متع شنو.. وصلو لصال فما شوي عباد من معارف جان ورجال اعمال و سام وصحابهم..
ملاك.. شفما هاو كأنو عرس..
جان .. هههه وهوا كذالك عروستي .. دخلو شادين يدين بعضهم و دينا مشات تعارك في سام لحضر كل شي وما قالهاش.. زهرة قلبت دنيا بزغاريت..
جان وملاك قعدو ع طاولة .. جا عدل باش يعقدلهم.. سام و دينا هما شهود.. كملو عقدو ولو زوج وزوجة واهيرا اجتمعو فالحلال(يزيهم مالحرام زح خخخ).. شطحو و ضحكو و قصو قاطو 🎂 .. تعدت سهرية خفيفة وحلوا كي روح ملاك و حلاوتها..
جان هز ملاك للوتيل يعدو ليلة لولة فالحلال..
ملاك.. حبيبي هكا جبتني على غطرة لاني شارية لبسة (تقصد نويزات) ولا شي..
جان.. ضحك وشكون قالك نخليك اكاكا.. حل خزانة انواع واشكال روب نوم و دي نوازات يشهو ااصل . اي عروستي برا دوش و حضرلي روحك وغمزها..
ملاك.. جبدت نويزات بيضا دنتال و دخلت دوشت و لبستها.. عملت مكياج خفيف وخرجت.. جان.. نحى دبشو وبقى كان بالبوكسار(خخخخ حبيبنا مزروب)..
اول ما شافها.. سحن ولهب.. حبي محلاك.. احلى عروسة فدنيا.. ملاك.. حشمت..
قرب منها وبدا يبوس في شفافها بكل حنية.. لين حسها ترخفت .. معادش قادرة توقف.. هزها وحطها غالفرش.. وغرقو في معركة ملحمية ذات طعم حلالي خاص.. بعد ساعة جان متكي على ظهرو وملاك راقدة على صدرو وهو يلعب على شعرها..
جمجموا 😍😍😍😍