هي كلي

هي كلي (الحلقة التالتة)

الحلقة التالته
وفي صبح اليوم التاني
ياسر الليلة كلها مرقدش وهو ايفكر ف الزينة يلي ف باله 🥰
ياسر : زعمك كيف نوصل فيها وكيف نعرف من تكون وزعمك شن أسمها
خطرت في بال ياسر فكرة😇
قال لو اني قعدت نمشي لثانوية متأخر مش حنشوفها محتمل اتكون اتروح مبكر
ضروري منمشي لتانوية قبل مايطلعو بربع ساعه ونقعد قدامها حتى تطلع ونشبحهاا🥰
وقعد ياسر ايفكر ويخطط ليله كاملة
_______________________________________
أسيل :تتصل بإيناس
أسيل : الو نوستي صباح الخير
إيناس :صباحو أسوله
أسيل :حبي بتمشي لثانويه اليوم
إيناس :لا
أسيل :وليش
إيناس :حبي بالله بنسكر والله حسهاا طايرتلي 😔
أسيل : تمام حبي نشوفك بعدين
إيناس :تمام 😔

أسيل : ماما ياماما
أسماء : تي نعم خيرك تعيطي
أسيل :ماما مش ماشيه للقرايا
أسماء :وشن جاك بسم الله😑
أسيل : إيناس مضايقه وماهيش ماشيه وحتى اني ضايقت ومنيش ماشيه😔
أسماء :اي خبرتي أمها أمس
والله مابعدهاا
خلاص ع راحتك
شاهين :أمي معليش لكن سمعت كلامكم
شاهين : ترا بري سلم بنتي ألبسي لكن مش ملابس المدرسه
أسيل :شن قصدك ، ماما شن يحكي هذا
أسماء :بري ديري زي ماحكالك خووك
أسيل : تو نشوفو شن أخرتها معاك أستاذ شاهين 🙈
شاهين :أنشالله 😂
أسيل غيرت حوايجهااا💜💜
شاهين : أسيل هيا بالله
أسيل :هيا طلعت
أسيل :باي مامي
أسماء :باي ماما
أسماء تتكلم مع نفسها
صح منسئلش ف شاهين شن بدير لان عندي فيه تقه وليدي
ربي يحفظه ليا وخلاص🤲❤

أسيل :باه وين بنعدوو
شاهين :ل إيناس
أسيل : إيناس وليش
شاهين : بري ليها وقوليها تنزل
أسيل :باه لو سئلت
شاهين :قولياها شاهين يبيك ضروري
أسيل :باه وخالتي هدى
شاهين :هذي شوري وبعدين ساد من الاسئله وبسرعه بالله
أسيل :باه
شاهين خليني نكلم خالتي هدى
شاهين : الو خالتو صباح الخير
هدى :صباح النور ياخالتي شن الاخبار
شاهين :تمام الحمدلله وشن الامور عندكم اهو ماشيا الحمدلله
هدى :الحمدلله خير في شي شاهين صاير معاكم شي او تبي شي وليدي
شاهين : لا والله خالتي الاموركلها تمام التمام ،بس عند ليك طلب نبي إيناس بنتك شوي وبالله ماتسئلني لاني منحبش نجاوب
هدى :تمام شاهين قصدك هذا علاش أسيل جيتنا توا
شاهين :اي باه شن قلتي
هدى : تمام شاهين تو نقوللها تنزل وأصلا ع شن بنسئل أني عندي فيك تقة ياوليدي😻
شاهين: بارك الله فيك خويله
هدى :البركة ف الجميع انشالله

شاهين يتكلم مع نفسه
وهكي تمام التماام تو نبدو في الخطه

أسيل قاعدة تقنع ف إيناس
أسيل :هيا يابنتي حرام عليك
إيناس : تي ع خاطر شنو بننزل والله ماعندي نيه
أسيل :ع خاطر شاهين
إيناس :شاهين ....... باه وماما شن بتقول
هدى : بتقول باه
أسيل:🥰
إيناس :بس ماما .......
هدى :لا بس ولا بساات هي بري وجهزي نفسك قداش ليهم يستنو معاش تخليهم يستنو أكثر
إيناس :تماام
إيناس عدت تجهز فى روحهاا
هدى :تفضلي أسيل
أسيل : لا والله خويله خليني ننزل نركب ف السيارة
هدى : ع راحتك

أسيل :معقوله قاعد هنا أركب ف سيارة
شاهين :شن مضايقك ف الموضوع إنتي أركبي وأني شويه ونركب
أسيل :اتس اوكي برااحتك
شاهين :👍

____________________________
ياسر وصل نور وجنان
وياسر قاعد متحمس امتى ايجي وقت المرواح ع خاطر ايشوفهاااا
_____________________
ياسر يحكي مع أمه
ياسر :ألو أمي
فاطمة :أهلين ياسر وليدي بنقولك
اليوم لو عندك شي عادي مش ضروري تروح بيهم جنان ونور لان عمك خالد بيروح بيهم
ياسر : والله ماصارت
فاطمة:😥😥 خيرك بسم الله
ياسر : قصدي عادي تو نروح بيهم أني مفيش مشكله
فاطمة :ع راحتك مع ان أني يلي كلمتهم لانك أمس حمقت
ياسر :لا لا من قال اني حمقت
فاطمة : زي ماتبي ولدي
ياسر : تمام امي نحكي معاك بعدين
فاطمة :تمام

ياسر 😂😂
خيرني تفاعلت بسرعة
والله درتي فيا العمايل ياابنتي
محلاك وخلاص🥰🥰
_____________________________
إيناس نزلت لسيارة
شاهين :فتح باب السياره
شاهين :تفضلي إيناس
إيناس :شكراا
ركبو الكل ف سياره
أسيل :هي وين بنعدو🤔
شاهين : ساعة كم تو
أسيل :ساعة تمانية ونص
شاهين : تمام
أسيل :باه شنو
شاهين :نسئلك سؤال
أسيل:شنو
شاهين : متعرفيش تسكتي
إيناس : ههههه
أسيل : هه حرام عليك
شاهين :هههه

بعد ربع ساعة 🕘
شاهين :إنزلو
أسيل :
إيناس :
شاهين :شن رايكم
أسيل : تي شن شن رايكم شن هذا
شاهين : إيناس شن تشوفي فيه
أسيل : تي شن تشوف فيه .......
شاهين : أسيل بالله
أسيل : شنو ياإيناس
إيناس : ليش الكذب نشبح فيه مكاان فاضي وكبيرة وكأن يخوف الشوي
شاهين :تمام تو الساعة تسعة
وأسمعو بنسئلكم نفس السؤال مرة تانية قبل منروحو وأني متأكدة حتغير إجابتكم
إيناس : تمام
أسيل :اوكي
شاهين أول حاجه
أسيل وإيناس برو جيبو الشنطة الحمراء
إيناس :وينهاا
شاهين : منعرفش
أسيل : كيف واحني وين بنعرفوها تي انت يلي جايبنه ومتعرفش
شاهين : دوروهاا
إيناس : باه ليش اندوروها
شاهين : لان لو مجبتوش الشنطة مش حتعرفوه ليش جيبكم
عدت إيناس وأسيل ع خاطر ايدورو ف الشنطه
_____________________________
هدى وأسماء في حوش هدى
هدى : انتي أكتر وحدة تعرفي حالتي تعرفي ان مستحيل انسامح إبراهيم أبداا
لان هو السبب ف كل شي
هو يلي خلاني بروحي وعدا مع بنتين وقتها كلهم حطو الحق عليااا
وهو يلي خلى بناتي يعيشو كل عمرهم بلاش أب
تعرفي اني عنيت لمدة أكتر من 15 سنة
ومن وقتهاا واني نمشي ونفكر لقدام ومستحيل نخلي يلي صار معايا ايصير مع وحدة من بنات
أسماء: اي صح والله عندك حق
هدى :تعرفي ان مش حنخلي ولد امه يلعب ع بنتي
زي ماصار فيااا
أسماء : بس كأنك مزودتيها شوي يعني انتي خليتي إيناس متأمنش بالحب وكرهت الرجاله وخليتيها تفكر قبل ماتخطي اي خطوة اكتر من مئة مرة
هدى : نعرف لكن والله ماهو مني هذا كله من الظروف 😔
_________________________
شاهين قاعد ايراجي ف الشنطة
أسيل : ووك عليا عيت اني
إيناس : حتى اني رجليه يوجعو
أسيل : بالله خلينه نرجعو شكله يضحك عليناا
إيناس : أسيل ترا أشبحي
أسيل : اي شكله هذه الشنطة الحمراء
إيناس :اي هي
أسيل : هي تعالي نفتحوها
إيناس :لا مستحيل
أسيل : ليش
إيناس : لو فتحناها مش حنعرفو ليش جايبنه شاهين هنا

أسيل وإيناس جابو الشنطة
أسيل :ووووك عليا رجليه تعبو
إيناس : هيا شاهين شن قاعدة ف شنطة
شاااهيين في الشنطة ...........
إنتظروني ف الحلقه الرابعة
✍Najeya Adel