هي كلي

هي كلي (الحلقة السابعة)

هي كلي (الحلقة السابعة )
ياسر وشاهين وإيناس كلهم قعدين يفكرو 🤔
يعني كل واحد يفكر ف حبه بطريقته هو
________________________
طبعاا ياسر قاعد مقعمز ف صاله وجاته جنان 😤
ياسر : يستر الله منك خيرك😂
جنان : لا وتسئل معهاا
ياسر : خيرك شن في
جنان :اليوم مش مشينه للحوش خالتي أسماء ولا لا
ياسر :اي 😊😻
جنان : قصدي انت واعي لما مشيت ولا لا جوبني بس
ياسر :تبي الحق لا والله مش واعي
جنان :اي رسمي
ياسر:باه وبعدين
جنان :مش عطيتك كراستي ع خاطر تعطيهم ل أسيل
ياسر :اي على مأظن إن صار شي زي هكي ......🌚🌚
ياااعن شكل الجو قصدك اني ...
جنان : اي ياافالح تو اتصلت به أسيل وتقولي ليش مبعتليش يلي خديتوه
ياسر : أكيدة قاعدات ف السياره تو نعدي نرفعهلهااا
ولا زعمك الوقت متأخر
جنان : لا لا الوقت كويس بري بسرعه عطهلهااا وروح
ياسر : انشالله
ياسر :خدت أفكار بنت الذين 😊🙈
جنان :شنو
ياسر :سلامتك وخيتي
_______________________________
ياسر ف الطريق
________________________________
أسيل : كلمت جنان وقتلي شويه ونجيبهلك
إيناس :تمام لكن بنقولك أني راسي يوجع فياا وشكلي بروح
أرين : خلاص نوسه انتي روحي واني نقعد نراجي وناخد منهاا يلي تبيه وبعدين نبي شاهين يفهمني مسائل الرياضيات
إيناس : خلاص به سلام بنعدي اني
أرين :به
أسيل :بااه
إيناس روحت لحوشهم
___________________________________
ياسر وصل للحوش
ياسر:ططططق طق ططططقق ع باب
علاء : هيا هي جاي
علاء :يااسر عاش من شافك ياابرو
ياسر :عاشو حباابك ياولد الخاله
علاء :تفضل
ياسر : لا والله عندي الشنطة هذه أعطيها لأسيل قالولي تبيها
علاء :اه تمام
ياسر :اوكي
علاء :بالله استنى شويه نديلك شاهين تو لما يعرف انك جيت للحوش ومشبحكش تو يحمق
ياسر :😂 والله صدقت بري ضبح عليه
______
أسيل :أرين خودي الكراسات هذه عطيهم ل إيناس والباقي ردي خوديه او نبعتهلك ف مسج
أرين :تم هاتهم
________
أرين :أو مابتطلع شبحت ياسر وذكراته
أرين :😂😂
ياسر :لفت وشبح أرين
أرين :ههههه
ياسر:ليش تضحكي
أرين :شي
ياسر :بنقولك والله مانكدب عليها أختك وربي حبيتهاا راه
أرين :هههه والله شكله اشبح من داعي عليك طحت ف أختي
ياسر:داعي عليا دعوة خير
أرين :اي بكل
ياسر:نحكي جد اني رااه
أرين :باه واني مقلتش انك تكذب وصراحه من عيونك واضح انك تحب💔
ياسر :باه الحمدلله في حد مصدقني 💔💔
أرين :به
ياسر :باه قوليلي شن ندير
أرين :والله مانعرفش لكن نقولك حاجه وحدة ويمكن تساعدك
ياسر: قولي بالله عليك شن اندير
أرين : يااإنت
ياسر :ياسر
أرين :ياياسر أختي معندهاش تقه ف الرجاله وتبي لما بترتبط ان ترتاح لشخص وايكون مختلف ع بقية الرجال
قصدي ضروري تحسسهاا ب ..... تي والله مانعرف لكن لو حق تحب حد متستسلمش بكل لين تقتنع بيك
ياسر: متخافيش بكل اني حبيتها وتعلقت بيها من أول مرة شفتها بيها وكأني نعرفها من السنين
وع خاطر هكي حنخليهاا تحبني ومش حنستسلم
أرين :بالتوفيق انشالله😂💔
ياسر :أجمعين 💔😂
أرين روحت لحوشهم
_______________
شاهين : تي أهلين وسهلين بولد الخاله
ياسر :اهلين بيك شاهين
شاهين :بالله سامحني كنت اندوش وعلاء مش فاضي ايحرر ف فلسطين شكله😂😂
ياسر :بوبجي قصدك
شاهين : اي تي هذه لعبة الشياطين
ياسر :باه ربي يعاون
شاهين :انشالله😂 تفضل
ياسر : لا والله مستعجل
شاهين :بالله عليك
ياسر :لا والله ماتحلف مستعجل مرة تانية انشالله
شاهين : خلاص مرة تانيه وعد رااه
ياسر :انشالله ،خلاص سلام تو
شاهين :سلام
وحتى لما ي الليل ياسر قاعد ايفكر كيف يقنع حبيبته
وإيناس قاعدة اتفكر هل حتعيش قصة حب ولا لا

أرين :انشالله صدمت إيناس ب بوها متأترش ع مستقبلها وحبهااا
لان إيناس بعد هذه القصه إيناس نصدمت وحياتها تبهدلت😔😣
____________
شن صار مع إيناس زمان
شن حيدير ياسر ع خاطر يقنع إيناس
وهل إيناس حتحب ولا لا
كل هذا حتعرفوه ف الحلقاات القادمه
تابعوني
✍Najeya Adel
انحبكم💜