هي كلي

هي كلي (الحلقة التالته عشر )

هي كلي(الحلقة التالته عشر)
طبعاا قعدو يحكو ومفيش حد مل من التاني وبعدين إيناس سمعت صوت سياارة
إيناس: تماام اني تو بنسكر وبعدين نحكي معاك
ياسر : تمام نستنى فييك ومتعطليش علياا
إيناس: به
ياسر : بااي❤
إيناس: 🔥❤
إيناس دست البوكس ف دارهاا
إيناس طلعت لصالة وسمعت باب الحوش فتح
هدى لقت إيناس فصاله
هدى : نسحاابك راقدة لان أرين قتلي مريضة
إيناس : اي توا حسيت رووحي كويسة وأموري طيبة
هدى : بااه الحمدلله، خلاص اني بنعدي نطيب الغدي
إيناس: تمام ماما نجي نسااعدك
هدى : لا انتي بري تريحي ولا نقولك ديريلي قهوة راسي مصدع🤯
إيناس : أوكي
إيناس مشت ادير ف قهوة وهدى تغير ف حوايجهاا وبتعدي تطيب الغدي
________________________________
طبعآ ع خاطر إختصار الوقت بنقوللكم
بعد مرور تلاتة أشهر
_________________________________
كلهم مكملين حيااتهم عادي وشاهين قاعد مسافر ومزال
مروحش إيناس قاعدة علاقتها بيااسر حلوة وكل يوم يزيدو يحبو بعض أكتر من اليوم يلي قبله ومافيش حد يعرف بقصتهم إلا أرين وأسيل وبس
وطبعآ إيناس مزال محكتش لأمها ع ياسر
المهم ونور لحد توا تلمح لياسر وياسر مفهمهااش 🤦‍♂️🤦‍♀️
وهيا مصرحتاش تلمح بس
____________________________________
كلهم ف التانوية
أسيل تحكي هي ونور
ونور خبرتها ع ياسر وان هيا اتحبه هلبا
أسيل نصدمت 😱😱
أسيل : باهي وهو يحبك
ردة جنان اي يحبهاا
أسيل : متأكدة
جنان : اي آصلا هوا خوياا واني أكتر وحدة نعرفه
أسيل : انصدمت وخطر ف باالها ألف سؤال
نور تعالي شوي بنحكي معاك يااجنان
جنان : به
نور : بعد إذنك يأسيل
أسيل : 😱🤯🤪

نور : ليش كذبتي ع بنت واني مزال منعرفش هل خووك يحبني أو لا
جنان : لا يحبك اني متأكدة ، وبعدين من قالك تحكي عليه قدامها
وبعدت العركة بين نور وجنان ونتهت بكلمة وحدة ضروري نصاارح ياسر واليووم قبل غدوة

يستر الله بستره 😭🔥😭

طبعآ كالعادة ف المرواح قعدت نور وجنان وإيناس
نور : امتى بيجي ياسر
نور متوترة وخااايفه

جنان : تو ايجي متخاافيش ومعاش تتوتري الحاجه عااديه رااه وبإذن الله حيطلع يحبك
نور : انشالله

إيناس: حي حي ع أمهاا نسيت كتابي ف الفصل
إيناس خشت للفصل وياسر وصل
ياسر شبح مشاافش إيناس
ياسر استغرب
جنان نادت ع ياسر
ياسر : هيااتعالو ،نعم شن في
جنان : غير تعاال بس
ياسر : انشالله خير
ياسر جي جنان عدت
نور : ياسر بنقولك حااجه
ياسر : اتفضلي
نور : ياسر اني من لما كنت صغيرة واني معجبة بيك وكل مانكبر الإعجاب كان يزيد وبعدهاا صار حب واني نلمح من زمان بس إنت مافهمتش ولا تستعبط والله معاش فهمت المهم اني نحببك نحببك نحبك وبس
ياسر : مصدوووم
نور : وربي نحبك وانشالله انت تكون تبادلني الشعور نفسه
ياسر : شبح إيناس جااية من الفصل وخااف إيناس تسمع أو تحمق
ياسر توتر ومعاش عرف شن ايدير وكل ماتزيد تتقرب إيناس يخاف أكتر ونور ساكته تستنى ف جووابه
والله حااله مرعبة وخلااص
إيناس وصلت وسمعت نور تقول لياسر والله اني نموت فيك هيااقولي
إيناس : 😱🔥
جنان شبحت إيناس واقفه
جنان : هيااا ياسر قوللهاا نحبك وخلصناا هياا
إيناس: حكتها وهياا مخنووقة
هما يحبوو بعض 😭🥺
جنان : اي ومن زمان ❤
إيناس: 😱💔🥺
ياسر قااعد يشبح لإيناس وهوو سااكت
إيناس عيونها بدو ايدمعوو
ياسر أول ماشبح عيون آيناس يدمعو جن ومعاش عرف شن ايدير
جنان تضحك 🤤
نور🤭❤
ياسر 😬😢😤
إيناس 🥺🥺
وأني نكتب وانتم تقرو هههههه