هي كلي (الحلقة التامنة)
فات الليل والكل ناض ع خاطر يبدو يومهم والكل هيكمل مشواره وشن محضر هاليوم ليهم حتعرفو لما تقرو الحلقه بالتوفيق وانشالله تعجبكم💜👇
ف الثانويه
نور وجنان يحكوو👭
جنان : تعرفي بنقولك.....
نور : اسكتي اني يلي بنقولك لو قاعدين اليوم بنجيكم اني وماما
جنان :لا والله ماني عارفه بس ع مأظن ان قاعدين
نور : اي خلاص تو أكيدة ماما تو تكلم (ماما فاطمة) وتشوفها قاعدين او لا
جنان :اي تمام
نور :🥰
__________________________________
إيناس وأسيل برضوو يحكوو👭🤣
إيناس :ليش مبعتيش المهم آمس
أسيل : والله تعرفي ان جابه ف الليل واني بروحي بخلت عليه وحطيتهم ف الشنطه ورقدت💤💤
إيناس :باهي هما معاك ف الشنطه
أسيل: اي معايا
إيناس:خلاص تو ناخدهم
_______________________________
وخلاص تم دوامهم ف المدرسه وتو وقت المرواح وطبعاا صاار زي ميصير عادة وتقعد إيناس وجنان ونور
مع بعض
نور وإيناس يهدرزو
نور : تعرفي اإيناس شكلي بنسميك البنت يلي ديمه تتأخر معانا
إيناس :هههه عادي
نور :ع فكرة إيناس مكنتش نسحابك هكي
إيناس :كيييف يعني
نور :قصدي انحس فيك كيوت وهاديه وديمه ف حالك بس طلعتي فرفوشه وضحوكه هلبااا وجوك فاايح
إيناس : الناس يانور تتغير ومتحكميش ع حد قبل ماتعرفيه و أصلا المظاهر غشااشه
نور : والله صدقتي المظاهر غشاشه 👍👍
ياسر بيدخل لتانويه وشبح نور تحكي مع إيناس
ياسر : منقدرش نحكي معاها لو اني خشيت وشبحتني نور حبخرب كل شي لاني مستحيل نحكي للبنت وجنان ونور موجودات
ياسر أحسن شئ نكلم عمي خالد
ياسر بعت مسج ل خالد
السلام عليكم كيف حالك ياعمي عمو معليش طلعلي شغل ضروري ومنقدرش انروح بالبناويت اليوم بالله بري روح بيهم
الرد
خالد
وعليكم السلام ولدي تمام الحمد لله شن أمورك انت تمام ولايهمك اني قريب من احداهم مسافة الطريق وانكون عندهم
يااسر :😍😍 الحمدلله
وبعد ربع ساعة
___________________________________
طبعاا ياسر حسهاا أطول ساعة اتفوت عليه
وشكله حتى انتم صح 🤤🤣
______________________________
جنان :يانور مش هذه سيارة بوك
نور :اي هذاا بابا كيف صار
جنان :منعرفش ومنبيش نعرف بس المهم نروحو بس
نور زعلت ع خاطر مش ياسر يلي جاهم
المهم نور مش موضوعي اني تو وريلي ياسر شن بدير
هكي تقولو صح 💜😅
ياسر دخل لتانويه
إيناس شبحت ياسر
إيناس :🤦♀️🤦♀️ بالله شن هالمريض هذا خيره جاي هذا
إيناس :ونبي خيرك انت تي شن جابك واني مش متاع الجو هذا والحقاا انشالله تلحق فيا وبعدين كيف عرفت ان نقراا هنا وأسمع رااهو اتقول عليا سااهله راهو لو حطيتك ف راسي أنسى رووحك وحتى ماليك ومش حيقدرو عليااا فلهذا هاني روحك سلم ولدي
ايووووه
ياسر قاعد يتأمل فيهااا ومش معدل عليهاا شن تخرط
ياسر :اي وبعدين
إيناس :متتحشمش انت
ياسر :بالله عليك اني جاي هنا ع خاطر نحكيلك كلمتين
ويابتسمعيني ياااا
إيناس :يااشنوو
ياسر :يابتسمعيني مفيش خياار تالت
إيناس: والله
ياسر :اي والله مالا شنو
إيناس: لا والله حسني خفت
ياسر : وربي ايقولو ان نخوف بس منحسابش لدرجه هذه
إيناس :ههه باارد
ياسر : تي وربي بتسمعيني
إيناس :هياا شنو قول
ياسر :أسمعي يابنت الناس اني من أول مرة حبيتك وخشيتي خاطري وقعدتي واخدة كل تفكيري ووين مانمشي نشبح فيك ولمعة عيونك ديمه قدامي
إيناس : ياارباه من أي فيلم جايب الكلام هذا بالله
ياسر :تي وربي مانسهوك رااه واني قدامك تو اي شي تقوليه حاضر هذا كله ع خاطر نوريك اني نحبك❤
إيناس : باه شنو الحب يأستاذ
ياسر :منعرفش الصراحه
إيناس : والله
إيناس لفت وجهاا وبتمشي
ياسر :لو تبي تعرفي الحب شن يعنيلي لفت وجهك وأشبحيلي
إيناس لفت وجهااا وهي حامقة
ياسر :الحب هو إنتي 💔
إيناس تحركت مشاعرهاا 💔❤
إيناس :لهدرجه تحبني
ياسر:🥰 وأكتر والله
إيناس : اسمع اليوم يوم الاتنين عندك للخميس لو مخليتنيش نعترف ان نحبك معاش تخليني نشبح خليقتك هذه
ياسر :تم تي عمره مخشيت ف تحدي وخسرت
إيناس :تمام ياعبد الواتق نستنى فيك
ياسر:انشالله
إيناس :خلاص حكيت وسمعتك هياابري
ياسر :المشكله منقدرش .....
إيناس :شن متقدرش
ياسر :سلامتك تو تمام بنعدي بس لما تكون لياا وحلالي مش حتبعدي علياا
إيناس :انشالله يااعبد الواتق
يااسر طلع
إيناس قااعده تستنى في مامتهاا
هدى وصلت
إيناس طلعت وبتركب ف سيارة
إيناس شبحت ياسر واقف ف تركينة الشارع
إيناس: انشالله قاعد هني هذا
ركبت إيناس ف سيارة
إيناس : زعمك يلحقنااا ولا شنو
ولا بيحكي مع ماما تي ولا شنو......
تابعوني ف الحلقة التاسعه
✍Najeya Adel
انحبكم💜
أنت تقرأ
هي كلي
Romansaرواية من كتابة : نجية أبورويص تدور الروايه عن قصة حب بين شاب يحب بنت مكنتش تفكر بالحب ويقعد يفكر كيف بيقنعها وبعدين توقف الحالات الاجتماعية ف نص وهلبا ناس تبي تفرقهم 💔 وهل همااا حيتخطو...
