هي كلي

هي كلي (الحلقةالعاشرة)

هي كلي (الحلقة العااشرة)
أرين : تو نحكيلك شن اديري
إيناس :اي احكيلي

___________________
طبعاا يوم جديد وجو جديد للكل
ولاول مرة إيناس تقعد متحمسة ان ايجي وقت المروااح
ف الحصة
إيناس:أسيل بس بس
أسيل: اه نعم
إيناس :كم مزال ع حصة
أسيل :تلت سااعه
إيناس:ووك درهت كبدي أني🤢
أسيل :خيرك
إيناس :لا لا شي
إيناس: معليش يأبلة
الابلة :نعم
إيناس: بنعدي للحمام
الابلة : لا ياطالبة ،نكمل شرح الدرس وبعدها نوضي
إيناس:بس ضروري
الابلة :لا ياطالبة خلاص
إيناس:أسيل تصرفي معاها مليت ومعاش نقدر
سمعتهااا نور
نور :يااااأبله
الابله : خيرك انتي تانية
نور : معقوله البنت بتراجي لين يكمل الدرس
الابله : وشن دخلك إنتي
نور :شن شدخلني تو البنت تنفجر ولا ايصرلهاا مغص😂😂
الابله :تسهوكي إنتي
نور : اي .....لا قصدي شن ايه
الابله :ياإيناس أطلعي للحمام ونور بري برااا الفصل
نور:تي لا ياأبله وسعي بالك 😂😂
الابله :براااا
نور: خلاص طااالعه الله لا تساامحك يااا......
الابله : لا حول ولا قوة الا بالله
وطلعوو إيناس ونور وهما يضحكووو😭😭💔

إيناس ونور🤤
إيناس: ليش درتي هكي أني منبيش نخش للحمام بس هذه سبله ع خاطر نطلع درهت كبدي من الحصه
نور :اي سمعتك لما قلتي لأسيل فقلت نضرب عصفورين بحجر واحد 😎
إيناس:ههههه
نور :خيرك تضحكي
إيناس:ذكرت ملامح الابله لما تقولك تسهوكي
نور:هههههه متت ههههههه
إيناس:ياااربي ههههههههه
نور:إيناس تعدي معايا
إيناس :وين
نور :ورااء المدرسه
إيناس:امممم
نور :تي شن تفكري هياا تعالي
إيناس: هيااا ومناا نغيرو جو
إيناس ونور هربووو وراء المدرسة😂😱
إيناس: اه محلاه
نور:شن
إيناس:الهدوووء😍😍
نور:اي والله معااك حق محلاه اتحسي الدنيااا كلها سلام
إيناس: اي صح محلاه السلام
نور: نقولك حاجه متضحكيش علياا
إينااس:احكي .....انشالله منضحكش😂
نور: يقولو ف الافلام وهكي ان لما يكون الجو هاادي ادعي دعاء لان مرة ف فيلم بنت عندها أمنية وتبيها تتحقق قعدت بروحها وقعدت تدعي وبعدين أمنيتها تحققت 🥰
إيناس: اي به مافيش شي ايضحك ف الموضوع
نور: لا قصدي لمانحكي الشي هذا لجنان ولا بناويت خالتي يقولو جو افلام وتخيلات وهكي
إيناس: لا مافيش منه الكلام هذا عادي متعدلييش يانور القصه مش قصة تخاايلات لكن مرات تحضري أفلام ايكوونن ع الجرح زي مايقولو وبعدين نص الافلام جايات من الواقع
نور :شكرا حسك ريحتيني نحساب روحي نهبلت ولا شي 😂😂
إيناس:لا عادي مافيك شي😂
نور:يعني عادي ندعي
إيناس: بنقولك حاجه يانور
لما تبي حاجه من ربي اطلبيهاا منه بالنية صاافيه وين ماإنتي أو كيف ماتكوني ربي موجود ف كل امكان وباب الدعاء مفتوح وانشالله كل شي تطلبيه ايجيك
نور:انشالله بس تعرفي
إيناس: شنو
نور:باهي اني ليااا فترة نطلب من ربي ومزالت مصارتش
إيناس: اه ف الحاله هذه معنااها حاجتين
إماا ربي مزال ميبهاش تصير تو إما مش حتصير نهاائياا
نور : لا انشالله لا ليش مش حتصير
إيناس: اسمعي يانور خلي إيماانك بربك أقوى شي يعني لو ميبهاش اتصير توا لان كل حاجه ليها وقتها
ولو مش حتصير مش معناها ربي يبي ايصيرلك حاجات شينه بالعكس تمامااا معناها ربي مخلاهاش اتصير لان ف شي غيرها أحسن او إنتي تستاهلي أفضل او مافيهاش خير ليك نور حبيبتي ربي خلقك وربي يعرفك مصلحتك وهو لي حيختاارلك الافضل مش حد تاني ومهما ايصير معاك بس قوولي يارب💜
نور: محلالااااك انتي وكلامك ومكويستك وربي انعجبت بيك اني
قصدي كلامك ريحني هلبااا تانكيو 🥰🥰
إيناس:العفو حبيبتي
نور: تعرف الشي الوحيد يلي نطلب فيه شن هو
إيناس:لا
نور :ان الشخص يلي نحبه ايكون حتى هو ايحبني
إيناس: يعني يباادلك الشعور
نور :ايه
إيناس:انشالله
نور:آمين تعرفي بنموت عليه محلاه جسم وعضلات ولحيه يااربي مكويسته
إيناس: واو ربي يحفظه ويخليه لأهله وحبيبته🥰
نور:حبيبته
إيناس: قصدي إنتي😂
نور:اه قلت بالك تعرفي ان ايحب وحدة تانيه ولاشي
إيناس: هههه مش لهدرجه نور قصدي اني وين نعرفه آصلا
نور: اي صح والله اني بكل حااله
إيناس: اي حااله
نور: باهي إنتي مرتبطه
إيناس: لا
نور: معجبه
إيناس:....ههه اي شبه
نور:احكيلي كيف ووين ومنووو
إيناس: اصبري يااناري
إيناس حكتلها موقف يلي صار بينها وبين ياسر ف التانويه لكن مقتلهاش ان صار ف تانويه
نور : اه ذببببببت أني 😭😭💔
إيناس:💔😂
نور: ياربي شن الكلام هذااا يإنتي الاولاد يلي يكذبوو ميجروش وراء بنت لدرجه هذه رااه وبعدين قصدي الولد تو انشالله يعرف ايتكلم كلمتين ع بعضهم وهذا حكاللك الكلام هذا ياربي مكويسته وانتي قلتي ان لما سئلتيه ع الحب قالك إنتي صح
إيناس: ايه
نور: معناها مش مجرب الحب هذا واول مرة إنتي ياربي يجمعكم مع بعض 😍
أسمعي أني نقولك عطيه فرصه بالله حررام عليك هكي تتعرفو ع بعض ومرات اتزيدي تحبيه لما تعرفيه أكتر
إيناس: تعرفي حتى أختي قتلي هكي
والله صح كلامكم حنعرف شخصيته وتصرفااته لماا نحكي معاه ونعاشره
نور: اي عطيه فرصه
إيناس: استني الساعه كم توااا
نور: هههههه تعرفي مزال عشرة دقايق وتضرب الحصه الاخيره
إيناس: اه مسرع بسرعة مافات الوقت
نور : اي بككل طبعاا حليتيه بوجودك وهدرزتك معايا🥰
إيناس : تانكيوو تي ساد بلاش مجاملات
نور :منجملش فييك يامعفنه 😂😂💔
إينااس:هههههه
إيناس : شن صاير ف الفصل زعما يدورو عليناا
نور: لا متخافيش لو حد سأل علينا تو البنااويت يقوولن روحن او غيااب بكل
إيناس : اه بااه
ضربت الحصة 📢📢
إيناس ونور ف الكرادوري يمشو
جناان جااية تجري وتنادي ع نور
جنان : نوور ياانور
نور: نعم غلاتي توحشتيني ماالا
جنان : مش وقتك تواا خودي شنطك وإيناس شنطك عند أسيل هياا تعالي
نور : شن فيه بااه
جنان : تي تعالي الصقر قاعد برا جانه بدري اليوم
نور : حقااا
جناان: تي اي هيا
نور: تي طالعة باي إيناس
إيناس:بااي
بنت تنادي ع إيناس
إيناس:نعم
البنت :خودي شنطك أسيل قتلي عطيهلها لانها روحت
إيناس:تمام شكرا
__________________________________
جنان ونور ركبو السيارة
جنان: دووم عليك يااخويا أول مرة فحياتك اتجينا مبكر
نور: 😂
ياسر :لا تريحي ياجنان من اليوم منبدي انجيكم مبكر
نور: علاش
جنان :سبحان مغير الاحوال ربي يدووم بس
ياسر :حتعرفو انشالله بس ف وقتهاا
_______________________________
إينااس ترااجي كلهم ايروحو ع خاطر اتشوف ❤
إيناس تحكي مع روحهاا
إيناس زعمك ايجي ولا لا
باهي نقوله عطيني رقمك ولا لا
باهي اني منعرفش حتى اسمه
اه يااربي وخلاص
ياعليك مئساااء 😱😱😂
إيناس اصحي ع روحك شن هذا شكلك بدييتي .....

🤦‍♀️🤤
ليش ياسر ببدي يروح بيهم مبكر
إيناس بدت شنو........
وهل حيجي ياسر ويشوف ايناس ولا حيصير شي مش حيخليهم يتلاقو.......
ولو تلاقو شن بيحكوووو......
الاسئلة هذه أجوبتهااا وين يااحلوين .... اي صح في الحلقة الاحاديه عشر
✍Najeya Adel
انحبكم💜