هي كلي

هي كلي (الحلقة التانية عشر )

هي كلي (الحلقة التانية عشر )
بعد ماكلمت أرين يااسر صكرت أرين التيليفون وكأن مصاار شي 😇
وفي الليل ياسر قعد يفكر ف إيناس

مع سااعة 2 ونصف فليل
رن تيلفوون ياسر
يااسر : آلو
إيناس : آلو معااك إيناس
ياسر : من صوتك عرفتك آصلا بس وآخيرااا صرااحه
إيناس: ع شنو
ياسر : قصدي من مبدري واني نرااجي فيك تكلميني وانت هذوين خطرلك تكلمي
إيناس: حقااا
ياسر : لا والله انبصر
إيناس: 🥺
ياسر : قصدي اني مش متعودت نحكي علتيلفون هلباا فهمتي
إيناس: معناها انت متكلمش ف حد
ياسر : الوقت الحالي لا والله
إيناس: شن قصدك فلوقت الحالي
ياسر : يعني تو منكلمش لكن قبل
إيناس: اي ....😤
ياسر : يعني زمان كنت نكلم
إيناس: بااه كم وحده
ياسر : والله ماني عادهن لصراحه
أيناس : معناها مكلم قبل
ياسر : اي وليش الكذب
أيناس: معناهاا زي زي اي بنت قبل
ياسر : تي أسمعي قتلك نكلم يعني هدرزه فااضيه
إيناس : يعني مش اني اول وحده
ياسر : للاسف الشديد اي
إيناس: والله 😤 ....هااي باي
ياسر : غير استني باي شن هذا وليش حمقتي اسمعي لو اني منحبك ليش نصاارحك ولو اني كذاب رااني كذبت عليك وصراحه منبيش علاقتي بيك فيهاا حتى شوي كذب واني من اولهاا صرحتك بحبي وقتلك حبي صاادق وانشالله مش حنكذب عليك ولا حنخوون تقتك وهذا مش كلام بس الايام بينتناا وهيا حتتبت الشي هو واسمعي صح انتي مش اول بنت نحكي معاهاا بس اقسم بالله اول بنت انحبها واني عرفت الحب من لمعة عيووونك 😭🥺
إيناس: عيونهاا دمعو من الفرحه
ياسر : وبنقوولك اني منبيش منك الا حاجتين بسس
الاولى انك تحطي فياا التقة والتانية انك اتحبيني
لانني حبيتك وحطيت فيك التقة وانشالله تبادليني الشعور
إيناس: نقولك
ياسر: نعمين
أيناس: ربي يخلييك لياا اني بس بااهي 😭😭🥺
ياسر : هههه امين ياااربي باهي وأمي
إيناس : أمك هذه تقعد أمك بس انت لياا يعني حكمت علييك بحبي اني بس🥺🤤
ياسر: بالله عليك خليه مأبد لاني مانبيش نطلع منه بكل
😭😭
إيناس : مأبد ماالا شنو
إيناس: بااه هدرزلي
ياسر : لا انتي احكيي
إيناس: علااش اني انت احكيي
ياسر : ع خااطر نقعد نسمع صووتك💔
إيناس : حقااا
ياسر : اي
إيناس : اه بس اني نبي نعرف كل شي علييك يعني شن تحب شن تكره كيف لبسك وهكي
ياسر : اه عاادي تو تعررفي مش مشكله بس اني نبيك تحكي اي شي المهم نسمع صووتك بس
إيناس: اي عادي لان كل وااحد يحب بطريقته
ياسر : يجووز 🤤😭💔

المهم قعدو ياسر وإيناس يحكووو لصبح

إيناس : اه
ياسر : شنو
إيناس : الساعه سته ونص
ياسر : حقااا
إيناس : محسيتش بالوقت
ياسر : لانك معااياا🥺💜
إيناس : ههه ولله
ياسر : هااشن بتعدي للقراياا
إيناس : شوي نوض نوتي روحي
ياسر : كيف وانتي مش رااقده ليله كاامله
إيناس : اي صحح، خلاص تو نقول لماما مش ماشياا بس كيف بنشوفك 🥺
ياسر : ولا يهمك عندي الحل
إيناس : حل شن
ياسر: تو نجييك للحوش
إيناس: ترا بلاااش جووو
ياسر : جو شني مش انتي تبي اتشووفيني
إيناس: ومن قالهاا
ياسر : لاإله إلا الله مش تو قلتي كيف بنشووفك
إيناس تحشمت وصكرت الخط
ياسر : يااعن شكل الجوو 🤤🔥
إيناس : اااحح من احلى الياالي فحياتي 🤞💔
ياسر: هههه
إيناس: ههههه
__________________
أرين : إيناس نوضي
إيناس: نايضه
أرين : تي مع من كنتي تحكي كل الليله وربي ننفخ مقدرتش نررقد من هرجتك
إيناس: وواو لهدرجه
أرين : تي مااالا
إيناس: 🤤🔥🤞
أرين : المهم خبريني مع من الهدرزة الحلوه اكيدة مع ياسر صح
إينااس: اي صح
أرين : خبريني شن هدرزتو كل الليل
إيناس: مش وقتها توا بري لمدرستك وبعدين نحكييلك
أرين : وانتي
إيناس: اني مش ماشياا وربي اني جو مليح توا ليش نعكره بشوفت الابلات وهكي بالله فكيني بس المشكلة ماما
أرين : اني تو نحلهاا مع ماما بس ضروري تحكيلي بعدين رااه
إيناس: يااخيتي حلاتهاا حاضر
أرين : تماام بااي تو اني بنعدي
إيناس: تمام بااي
_________________________
إينااس حااولت ترقد بس مقدرتش من كتر التفكير
ومع السااعة عشرة ونص جتها رسااله من ياسر مكتوب فيهاا أطلعي أفتحي الباب
إيناس: مشت تفتح الباب
إيناس: وااو
إيناس لقت قدام الباب بوكس
فتحت البوكس ولقت فيه مق مكتوب عليه أميرتي 🔥 ورساله مكتوب فيها أمس قلتيلي نحب القهوة هكي ضمنت كل مابتشربي قهوة بتدكريني
إيناس: يااربي حلاته حبيبي🔥🤤
ولقت فيه وسادة مكتوب عليها نوسة
وقاللها قلتيلي أمس تحبي لما ترقدي تتعنقي وساادة صح خلاص هكي معنااها حتى وانتي رااقدة اني معااك
وآخر حاجه لقت رساله مكتوب فيهاا قلتي تحبي تكتبي كل شي ايصير معاك ف مذكرة نحب نقولك من اليوم انتي مش بحااجتها لاني اني قااعدة ويلي تبي تكتبيه قوليهلي اني ومن اليوم قصدي أمس ههه مستعد نسمع اي شي منك مهما كان
ونحبك
وامس ذكرى أول يوم نحكو رااك تنسيه رااه
وكل سنه وأميرتي ومراتي وحلالي انشالله بخيير
إيناس سكرت الباب وهي فرحاانه
____________________
ياسر : اتصل بإيناس
إيناس: آلو
ياسر : شن رآيك
إيناس: تعرف لو تخوني او تسيبني وربي نقتلك لان تعلقت فييك خلاص
ياسر : تحرم عياا أنفاسي لو نفكر تفكير فيهم
إيناس: لييش إبرااهيم مكاانش زيك ليش مخلاش ماما ليش ليش بس
ياسر : من إبراهيم
إيناس: تو نحكيلك هذا ايكون بابا ع الأساس وهو تو مش عايش معناا
ياسر : اه ليش متوفي ولا شنوو
إيناس: يااريته كان متوفي
تعرف بابا اسمه إبراهيم تزوج هو وماما ف الاول كانت علاقتهم تمام التمام وعاشو حياة سعيدة كزوجيين عادي يعني طبعا اني اول وحدة ف صغارهم يعني بكرتهم واني لما كان عمري خمسة سنين ديمه كنت نسأل ع بابا وليش ياماما يقعد برا الحوش وميقعدش معانا طبعا ماما كل مرة تقولي حجه جديدة بس ع خاطر تغطي عليه
ولأحد يومها 🥺🥺
ياسر : يومها وشن صار
إيناس: عرفت كل شي
كلنا عدينا لحوش جدااي معزومين غادي لو تعرف بابا المحترم شن داار غادي
ناادا ع ماما قداامهم كلهم وماما وقتهاا كانت حامل بأرين وقال قداامهم تعرفو اني ليش منجيش للحوش لان هذا يلي قداامكم يلي هيا مرتي هذه مصيبة حيااتي وبنتهاا أكبر غلطة درتهاا فعمري طبعا كلهم استغربو واتفجئو وقعدو مصدومين
وقعدو عمامي يهدو فيه ويقولولا بلاش منه الكلام هذا وخلاص سااد
وطبعاا بابا قال كلام اكتر من هكي ع ماما وحتى تعرف هاانهااوبعتناا لحوش خوالي ف نص الليل
ومن وقتها لسنتين متلاقيناش مع بابا بكل
طبعا اني توحشت بابا لان وااجد علياا نقعد سنتيين بلااه واني مروح من المدرسة عديتله واول مخشيت قداامهم كلهم قالي شن اديري جاايه
طبعاا اني بديت نبكيي ونقوله بابا اني توحشتك وهكي
قالي معاش تقوليلي بابا لاني مش بووك اني بري دوري بوك ولا نقولك أسئلي أمك من ايكوون بووك
بحدااه كانو عماامي وجدي وجدتي
عمامي عيب لكلام هذا والبنية صغيرة
أما جدتي قالت 🥺🥺
لا مش عييب وإبراهيم قال البنات هذووما مش بنات هذوما بناوييت رراجل تاني
تعرفي اني قعدت حال صدمة وقعدت انقوللهم شن معناه بنت راجل تاني وبعدها خداني عمي ومسحلي دموعي واتصل بخالي أمير ع خاطر ايجي ياخدني
وأوا ماجي خالو أمير خبر عمي بكل شي وان بويا مطلع الكلام هذا ع ماما
خالو رفعني لما طبعا حوش خوالي كان فيه أخ ماما الكبير وصغويرته وخالو امير كان صغير ف العمر بس ماما اهلهاا كانو متوفيين
وتعرف بعد ماطلع الكلام هذا ع ماما كلهم صدقوه وطلعو ماما وحدة قليلة ادب ومفيش حد صدقها إلا خالو أمير
وبعدها نتقلناا لحوش جديدة ومن وقتها لتو مشفتش بابا ولا سمعناا عليه اي شي وتعرف اكتر حد مظلوم ف القصة هذه ماما لانهاا عاانت كل شي برووحهااا
وبعدها تعرفنه ع عمو سليمان وخالتو أسماء وهما جيرانه لحد تو من عشرة سنين فااتت
واني من وقتهاا لتو كرهت حاجه إسمها رجاله ومعنديش تقة فحد ونخاف من كل شي بنديره تعرف لو نشبح إبراهيم تو قداامي وربي نقتله لاني نكرهاا ومفيش شي يطفى النار يلي قااعدة داخلي منه
وطبعآ ف حد دخل حيااتي وخلهاا رمز لسعادة وعلمني حاجات هلبااا وكيف انكون إيناس جديدة
ياسر : ومن هذاا الشخص
إيناس: شاهين
ياسر : اي صح شاهين جوهرة
طبعاا قعدو يحكو ع شاهين وبعدها موضوع وموضوووع ومعااش تموو
وطبعآاا نخلوهم يحكو برااحتهم واحني نمشو ونتلاقو الحلقة التالتة عشر
وانحبكم 💜