اخي الغيور 🔞

البارت الثامن والعشرون

َ#أخي_الغيور🔞🔞

#للكاتبة مهرة

﮼#البارت،الثامن،والعشرون

هزار

اخذت التليفون من بابا ودخلت لغرفتي ، اتصلت على ليث ، واني خجلانه منهم ، لان متصلت عليهم بعد ما رجعت منهم ،

من عاتبني ليث خنگتني العبرة وبچيت
لان صُدُگ اني غلطانه ، حچيت ويا سيف ، باوعت للتليفون عبالي نقطع الخط رجعته على إذني ، أجاني صوت عزام
: ول حبيبي شتاگتلچ
ما اعرف شصاربيه عبالك اول مرة اسمع صوته ، أخذتني الرجفه ، گلبي نعصر ، وصورته هو وسمر صارت گدام عيني ،

عزام
تحچي ويا اخوتي ، وانه گلبي مسوي هوسه بصدري مشتاگ الصوتها ، رغم ماچان صوتها طبيعي ،
قصص وروايات عراقية كرار صلاح
نبرت صوتها مكسوره ، مو صوت هزار المتعود عليه ، ما تحملت اخذت التليفون من ليث وطلعت للحديقة ،

بس سمعت صوتي بچت وسدت الخط ، وانه راسي گام يغلي ، ليش ماتخليني أحچي وياها وافهمها الصار ، شيصبرني بعد أربع تيام يله ترد هين ،

ذبيت تليفون ليث بالمطبخ وطلعت للمكتب لگيت قصي واصل گبلي
: السلام عليكم
: وعليكم السلام ، وينك يا اخي صار ربع ساعة اتصل عليك و ماتجاوب ، چان گتلي جاي بالطريق

: عزام وهو يدور جيبه ، اهوو يول ناسي تليفوني بالبيت ( والله حتى عگل ما خلت براسي ؛حچه بداخله)

: اي مو جاي يخابرون عليك من تكريت وماتجاوب ، هلخابروني

: عليش خابروك شصاير ، مدي خابر المهندس يريد يحچي وياك

١١:٠٠ صباحا

هزار
خلصت العطلة وهاي اني رجعت للأنبار ، وكل الي شاغل فكري شلون حتصرف ويا عزام ، الأيام الفاتت كُلها واني عايشة بدوامها بين حبي ألا وبين الي شفته
نزلت فتحت الباب الخارجي حتى بابا بدخل سيارته ، اخواني أكيد بعدهم مراجعين من شغلهم ، وعزام اليوم بالمكتب ، هذا يطمن گلبي شويه ، ما اتحمل اول ما ادخل اشوفه ، طلعت خاله وهديل

أم عزام : هلا يمه هلا برجعتچ

: أبتسمت هزار وهي صُدُگ مشتاقه لهل مرة الطيبة ، راحت وحضنتها ، حبيبتي خاله والله شتاقتلچ

: ول يمه مكانچ خالي

( لتفتت على هديل )
:هدوله حبيبتي ..

:هلا حبيبتي ، يول شمسويتلهم مخلتهم بس يسولفون بيچ هههه

: ههههه ساحرتهم

: هلا أبو عزام الله يساعدك

: هلا حجيه شلونكم

: بخير دامك بخير

هديل : شلونك عمي

: هلا وغلا حبيبتي شخبارچ هين