َ#أخي_الغيور🔞
#للكاتبة_مهرة
#mohra_9_30
#البارت_الثلاث_والعشرون
عزام
گاعدين نشرب چاي وانه تليفوني بأيدي ، احس البيت فارغ من دونها ، دزيتلها رسالة ، شويه وتصلت ، اخذت التليفون ودخلت للأستقبال وفتحت خط
بس سمعت صوت أبويه كل الأجا على بالي ( ابويه قرأ الرسالة )
: الووو عزام
: اي يابه وياك ( برتباك )
: كملت الذبايح لو بعد عندك نقص ، هذا الزلمه خابركم
( غمض عيونه عزام وهو يلعن بسره )
: الووو ول يابه تسمعني
: اي يابه وياك ، كملت الذبايح ، ما عدنه بعد نقص
: عجل بقى بس الطباخ شوفلنه واحد وتفق ويا
: ماشي يابه باچر اشوف واحد زين وتفق ويا
: هاي هي عجل اعتمد عليك ، في أمان الله
: لا تشيل هم يابه ، الله وياك
( سد التليفون وهو يوعد بهزار )
:هزار
بين ما بابا رجعلي التليفون اني متت ألف موته ،وجهي بهذا البرد وهو عرگان ،حلگي يبس ،نبض گلبي يقرأ الف ، اخذت التليفون منه وراسن خليته ع الصامت ، لِـ ١٢:٠٠
بابا و ماما راحو نامو واني وحيدر بقينه نلعب بلي ، ساعة و گمنه انام حيدر صعد لغرفته واني دخلت لغرفتي نمت ،
ما فزيت الا ١١:٠٠ الصبح
گعدت عندي شعور بالراحة مو طبيعي ، صح يم اخواني مرتاحة بس يبقى مو مثل بيتنا هذا
باوعت لتليفوني مابي شي طلعت لگيت ماما بالمطبخ
صباح الخير ماما
: صباح النور حبيبتي
: ليش مخليتني ليهسه نايمه
: اي لعد شكو اگعدچ ، لچ ماما جسمچ محتاج للراحة حتى تعوضين سهر الامتحانات وترتاح بشرتچ ، يله خسلي وتعالي تريگي
: خسلت ورجعت لگيت ماما مسوتلي الريوگ وخالته ع الميز
ماما اليوم نطلع العصر حتى اشتري ملابس
: بلي ماما اني همات اختار هدية للعروس
: لعد ماما حخابر سما تروح ويانه تعرفين أظل حايره من اشتري ملابس
: ماشي خابريها وگوليلها بالأربعة نمر عليها
: اوك
: للعصر بابا اخذنه مرينه على بيت خالو نزلت سلمت عليهم وأخذت سما وطلعنه ، نزلنا بابا بالسوگ وگال من تگضون شغلكم خابروني
سما : هنيالكم عدكم عرس والله النفسية محتاجة عرس ، منتظرين علاوي يمته يتزوج حتى نفرح و نتونس ( وتباوع بطرف عينها لهزار )
قصص وروايات عراقية كرار صلاح
هزار : أگول لو تجين ويانه لعرس ليث وتتونسين مو احسن متنتظرين
: اتمنى اروح واشوفهم شلون يلعبون چوبي يااااي صُدُگ اتمنى
: ماما گوالي الخالو خل سما تروح ويانه مدام عطلة ، هن يومين ونرجع
: لا خل اگول لابوچ يگُله احسن حتى ميرفض
: اوي فديت ماما الي تعرف شلون تدبرها
