مساؤؤؤؤ
ليش المشاهده الف وماكو تصويت القصه متستاهل هيج حبيايبي صوتوو للقصه َ#أخي_الغيور
#للكاتبة_مهرة
﮼#البارت،الثالث،والثلاثون
هزار
٨:٠٠ صباحا
بالليل غفيت واني أنتظر عزام يتصل عليه ، گعدت الصبح باوعت تليفوني ، مابي شي ، تعجبت عزام ما متصل عليه ، طلعت من غرفتي ، اسمع صوت بابا
هسع جاي تگلي ؟!!!
ليش ما خابرتني بالليل واجيكم
صوت ليث يجاوبه
يابه وين تجي بالليل والطريق طويل للرمادي
رحت لماما بالمطبخ
ماما شصاير ؟! هذا صوت ليث يمنه
والله يا ماما ما اعرف بس من اجه ليث ولهسه ابوچ صاير نار بس اسمع صياحه
تركت ماما وردت ادخل عليهم طلع بابا من الأستقبال وجهه ما يتفسر
تملك الخوف من هزار من شافت وضع ابوها
: بابا أخوني بيهم شي ؟؟
: ليث هين ادخلي عليه ، انه راح ابدل ملابسي
دخلت على ليث لگته مرجع رأسه على ظهر القنفه يمسد برأسه ومبين عليه السهر و التعب
: ليوث ...
أنتبه ليث من سمع صوت هزار
: هلا حبيبتي حدري
: ليث شصاير؟؟؟ ليش هشكل تعبان ، ليث عزام بي شي ؟؟؟
: هزار عزام سافر
:سافر !!!
ليش ستعجل هو گال بعد كم يوم يله يسافر
: هزار عزام البارحة تكاون ويا بيت عمي هارون( حچه ليث كل الصار ويا عزام وهزار چانت تسمع ودموعها تجري وتمسح بيهم )
هذا الصار ويا عزام ، وطلع وهو يوصيني بيچ و بأمي
قصص وروايات عراقية كرار صلاح
( قطعوا كلامهم من دخلت ام هزار وهي شايله صينية الريوگ وأبو عزام وهو مبدل ومتحضر )
: يله تريگوا حتى تتوكلون على الله
أبو عزام : انه ما اشتهي
ام هزار : مروان شنو ما تشتهي ورك طريق يروح يهبط الضغط عندك وتتخربط
يله خاله ليث تريگ ويا ابوك
هزار : بابا خل اروح وياكم بعد اني باچر من يجبني للرمادي
: ول يابه والله ما ادري حتى فكر ما ضل براسي
: روحي ماما تحضري ،اني لو ما امتحانات حيدر جان همات اجيت وياكم
رحت هزار غيرت ملابسها وهي تبچي أخذت جنطتها الي هي بعدها اصلا مفاتحتها ودموعها ما وگفن ابد
طلعت لگت ابوها و ليث ينتظرونها بالطرم ، و أمها واگفه يمهم
همستلها أمها بنبره خايفه
: ماما هزار ديري بالچ على ابوج ، علاج الضغط لا ينسى خاف يعصب ويصير بي شي لا سامح الله ، ما اوصيچ عليه
