َ#أخي_الغيور 🔞
#للكاتبة_مهرة
#mohra_9_30
هزار
﮼#البارت_التاسع
يوم الخميس ٩/٠٠ مساءً
شتاقيت لماما صار أسبوعين مشايفتها ممتعوده افارگها كل هل فترة ، اتصلت عليها مشغول اوووف اكيد تحچي ويا اخوتها ، اي طبعا هزار ناسيتها وملتهيه بأخواتها ، خل انزل يم اخواني اخلص وقت احسن
ليث
(مجطول ع القنفه ومخلي ايده على عيونه وراسم على وجهه ابتسامة يتذكر الي صار قبل أسبوع بيوم العرس بالليل )
: چنت گاعد بالحديقة الخلفية مال بيت عمي هارون وادخن الناس كُلها راحت بقت بس عوائلنا ، طلعت هديل تحچي بعصبيه
: كله هديل تعاي هديل روحي هديل بتليت عندي اربع اخوان هاي فوگ ميدللوني لان وحيدتهم
انه بالظلمة ما تدحگني ، اسمعها وگوه لازم نفسي ما اضحك ما ردتها تنتبهلي مدري اجت ستأخذ خليت ايدي على حلگها وسحبتها بالظلمة خافت خلت أيديها تريد تفك ايدي منها
: اششش انه ليث لاتخافين ، وخرت ايدي منها ودرتها عليه
: بالله عليك هاي سواي تجفلني هيچ
: هههه منو ويا حمامة گلبي من مضوجها
: صار يومين وگعت رجليه من الشغل حتى نوم ما شبعانه
: يله گضت هل ساعتين وكلها تمشي ، اگول يول انه چم مره گايلچ شالچ ما يوگع من راسچ ، شو مخلبتو بس على رگبتچ
: يبو ليث لا تضل اتدقق هسه ذبيتو خنگني
: خنگچ مو ... جريتها لصدري ونزلت على رگبتها بستها حييييل النوب عطرها وطعم جلدها خدرني ما هديتها الي لمن گامت تضرب بيه حيل وخرت مني
حچت بعصبيه
: بسيط ليث إذا ما خليتك تحلم اتدحگ وجهي ما اتسما هديل
: هههه احلى طعم ،
فززني صوت هزار واگفه فوگ راسي
:اي وبعدين
: ههه شنو يول
: سر هاي الابتسامة شنو ؟!!!
: ما كو شي ،انتي عليش عاقچه وجهچ هيچ
: ماكو شي بس ضايجه
: وانه مايهون عليه اختي تضوچ امشي مطلع نفتر بالسيارة
: صُدُگ ليث
:اي بس على شرط
: اهووو بيها شروط يله لشوف شنو
: (ابتسم بمكر ليث ) خابري هديل تطلع ويانه بس لاتگولين انه طالع وياچ گولي سيف وياچ
: وليش تريد هديل ويانه ماكفاك السويته بيها
: شمسوي يول
: ( هزار ترفع بحوجبها الو ) بالحديقة ...
: ههه يول هي جبانه ماسويتلها شي
: لا ممسوي بس دخلت وجهه اصفر وماخذتها الرجفه
: هسه تردين تطلعين لو لا
: امري لالله خل اتصل عليها
هديل
واگفه گبال المراية وتدحگ على رگبتها وهي متنرفزه باقي اثر قليل ، صار أسبوع ما نازعه الحچاب طول النهار لابستو خاف احد يدحگ رگبتي ، وكل ما تذكر سوايت ليث يرجف جسمي كلو ، صح انه احچي ويا مرات بدون ما احد يشوفنه ، بس اول مره يبوسني ، وشلون بوسه هه شگول عليك يا ليث ( بهذا تفكيرها دگ تلفونها )
هلا وغلا
: هلو هديل وينچ
: والله حبيبتي حاليا بدبي وباچر اروح لابوظبي ، يول وين يعني بالبيت
: ههههه أگول مخبله راح نطلع نفتر بالسيارة تجين وياي
: انتي ويأمن
: ها ... اني وسيف تجين اكفي خل اگُل لامي
نزلت ع الدرج تركض
: يمه .... يوم ....
: شكو شبيچ تصيحين
: اطلع ويه هزار وسيف نفتر شويه بالسيارة
: گلي لبوچ يله
: هو وين ابويه
: هين بالمضيف تلگينو
( راحت للمضيف لگت ابوها وجدها يتابعون الأخبار )
: بابا سيف مطلع هزار يفرها بالسيارة وخابرتني اروح وياها
:روحي بس لا تتأخرون
( اتصلت على هزار وحضرت نفسها لبست ردائها وحجابها وطلعت من دحگت اتصال من هزار ، ليث ركن السيارة بالظلمة حتى ما تعرف هو الماخذهم ، لان يعرفها راح ترجع و ما تطلع وياهم اول ما صعدت حرك السيارة ومشى )
