بسم الله الرحمن الرحيم
اللهم صلى وسلم و بارك على سيدنا محمد وعلى آله وصحبه أجمعين
الفصل الثامن و العشرون
من اجلك سأعود
ثم ماذا ثم حياه انت بها ولا احد سواك
حبيته من امتا مش عارف و مش مهم اعرف بس اللى اعرفه انى حبيته وبحبه وهحبه علشان هى اليل من اول مره عينى شافته وانا قلبى دق مش عارف اقول ايه ولا اوصف إللى حاسه ازاى كل إللى اقدر اقوله ان قلبى وعقلى اتسرق منى
كام سنه مرت على حبى ليه مش عارف كنت بخاف ابص ليه بنظره تغضب ربنا فيحرمنى منه طول العمر حاولت و بحاول وهحاول انى ارضى ربنا علشان يباركلى فيه
يوم لما شوفت الانكسار ده فى عيونها لما مامتها تعبت كنت انا كمان بتعذب لزعله ده كان نفسى امتص كل الحزن ده مش عايز اشوف دموع عينه ابد ولما انا اتجوزته كنت اسعد إنسان في العالم
كان كل يوم حبى ليه بيكبر اكتر و اكتر مكنتش بنام غير وهى ف حضنى نظره الامل إللى فى عينه بتشجعنى انى اكمل و اوصل كانت حياتى معاه جنه ربنا على الارض حتى لما عرفت ان احنا مش ممكن ان احنا نخالف مكنش فيه حاجه تفرق معيا غير انه تكون معيا وبس
ولما شوفت الصور وحبوب منع الحمل كنت بموت ساعته عارف انى غلط جامد لما عملت كده وعارف انه معاه حق تزعل منى علشان كده هى بعدت عنى كل السنين دى كان كل يوم يمر عليا لازم افكر فيه كنت بفكر ايه حاله دالوقتى عايشه ازاى وبعد كل السنين دى رجعت تانى
لماكنت ف الشركه وقلبى كان بيدق جامد والشعور ده عمرى ما كنت بحس بيه غير معاه كان قلبى حاسس انه هنا بس كنت بكدب قلبى بس مره واحده ظهرت قدامى ايه إللى حصل ليا مش عارف بس اللى اعرفه ان روحى رجعت تانى ليا
كنت ناوى انى ادمر حياته علشان تعرف قيمه إللى عملته كنت ناوى اكرها اكتر واكتر كانت شايفه انه واحده خاينه واحده عاشت معيا بس عمرها ما حبتنى كنت بحاول انى اجرحها بالكلام بس انا إللى كنت بموت ساعته
كنت كل يوم بروح تحت بيته زاى المراهق علشان اشوفه و لو بالصدفه كنت بفرح اوى لما اشوفه قدامى مجرد ما اشوفه بنسا كل حاجه حصلت بينا
و لما عرفت انى مريض بورم كنت مصدوم بس عادى اه والله عادى اصل الانسانه إللى بحبه خسرته ف معدش فارق عندى حاجه بس ف اليوم ده لما شوفت ليث وهو بيشاور على ليل وبيقول انه دى ماما كنت هتجنن ازى ده حصل
و تانى يوم كنت واقف عند بيته لما شوفت غيث جاى يوميه فكرت انه ليث شوفت الشبه إللى بينا دول كانو نسخه مصغره عنى ف الوقت ده لما شوفت خوف الاتنين منى كنت على وشك انى اقول ان انا بابا
بس خال ليل هو إللى قاطعنى لما سمعت كلامه وعرفت انى لازم افكر المره دى لانى هخسر لو عملت زاى المره إللى فاتت مكنتش عارف اعمل ايه لأول مره ليه خبت عليا طيب اقرب ولا ابعد مش عارف اعمل ايه بجد
