مابغيتك بالحرام ولا بالظلام ما بغيت الا اخوك يا غنى يصير خال ولدي

5

لف صهيب بصدمة : كيف ؟
سليمان : " شرح له السالفة " وعشان كذا جت تشكرني وانت حضرتك حسبت بينا موعد غرامي وهزئت البنت
سكت صهيب بندم .
سليمان : بعد اللي صار اليوم معد لك وجهه تكلمها ، نصيحة اترك البنت شوي بحالها صدتك بما فيه الكفاية ريحها وارتاح الحب مو غصبية ياخوك بعدين غنى من البنات اللي مايحبون الولد الخفيف كلمة توديه وكلمة تجيبه استرجل '
'
صحاها من سرحانها صوت جوالها ينبها بصوت وصول رسالة : ( للأسف ماقدرتي تضبطين احد ، ملاذ ارتكبت عملية اختطاف وعزيز يدور من مكان ل مكان ).
ضغطت غنى على راسها بقوة هي مو فاضية له ابدًا ببحه وهي عارفة انه يسمعها : مافيني اتحمل اكثر ، رجع نيلوفر تكفى
'
'
شافها لاهية بالتفلزيون ، شبك السماعات وهو يسمع نداء غنى ! انقبض قلبه نبرة صوتها وهي تتألم مايطاوعه قلبه غمض عيونه بخوف : تجهزي برجعك لهم
نيلوفر لفت بفرحة : صدق ؟
مشعل بخاطره " هو انا اقدر ارفض ل غنى طلب ؟ " : اي بس مستحيل ترجعين كذا ، اذا سئلوك مين المجهول قولي طلعت غلطانة ماعرف مين ، وشكلك مايصلح كذا يبي لها تعديل شوي عشان تكون كانك هاربة صدق قومي يالله .
'
'
دخلت البيت وهي تدندن ب روقان ، سحبتها غنى بعصبية : شمهببه انتي ؟
ملاذ باستغراب وبراءة كاذبة : ماسويت شي ليش ؟ " سكتت وهي تشوف الشرطة اللي جالسة مع غنى بصدمة "
الشرطي يكلبش يدين ملاذ : نعتذر ولكن انتي متهمة بقضية اختطاف ميكا دوي من منزلها واقتحام منزل من دون اذن
ملاذ بكذب : افتراء كاذب
الشرطي يركبها السيارة : حسنا قولي كذلك في المركز
مسحت وجها بيدينها وهي تشوف سيارة الشرطة تبتعد لفت بصدمة وهي تسمع صوت نيلوڤر : الشرطة شتسوي هنا ؟
غنى تناظرها بفرحة : انتي بخير ؟
نيلوفر : اي بس ملاذ ليش خذوها
غنى بتنهيدة : خاطفة اختك من العائلة اللي متبنيتك
نيلوفر شهقت : لا يكون ميكا !
غنى باستغراب : ايه
نيلوفر صرخت : لا وش سويتي ياملاذ وش سويتي ؟
'
'
بالمركز .
كانوا الشباب يكلمون الشرطي يترجونه يطلع مُلاذ ب سجن انفرادي ولا تجلس مع المجرمين بالتوقيف !
الشرطي بعصبية : ان استمريتم هكذا سأضعكم معها ل تعرفون مامعنى ازعاج السلطات
نايف : اساسا هذا افتراء كاذب ليس لكم دليل
الشرطي بسخرية : صحيح ؟ حسنا " شغل له كاميرات مراقبة بيت ميكا دوي وملاذ تخطفها "
سكتوا كلهم فعلا الادلة ضد ملاذ .
قاطع صمتهم دخول ميكا : ماذا يحدث هنا ياحضرة الشرطي انا ميكا دوي
لفوا بفرحة عليها ، ميكا : لم يكون عملية اختطاف صريحة انا وملاذ صديقات من قسم تصميم الازياء بالجامعة وفعلت ذلك دُعابة الرجاء اعفاها واخراجها .
الشرطي : حسنا وقعوا على اوراق كفالتها .
وقعت ميكا دوي وناظرتهم ب حقد وطلعت ، استغربت نيلوفر نظرتها تكرهها وتدافع عن صديقتها ؟ قاطع تفكيرها اتصال مجهول ردت باستغراب .
مشعل بابتسامة : رحت ل المكان اللي حابسة ملاذ فيه ميكا وفكيتها وهددتها ان غيرت الكلام اللي حفظتها اياه برفع عليها قضية مشاركة تاجر مخدرات ، تامرون على شي بعد ؟
ابتسمت نيلوفر : لا بس احبك
ابتسم مشعل وسكر وكسر الشريحة وهو ينسدح وتنهد براحة .
'
'
وهم راجعين البيت بالسيارة .
نايف بعصبية : بزر رايحة تخطفين بنت خلق الله من بيتهم ؟
ملاذ بعصبية : شسوي ماكان مشتبهه فيه الا هي لانها تكرهه نيلوفر ب عيشة الله
نيلوفر بعصبية : خلاص ياهوه راسي صدع قلت لكم انحشت من الخوف ان يصبني شي وبس .
صهيب يناظرها بطرف عين : ترا حد الحين ماقتنعت ؟
نيلوفر بلا مبالاه : احسن
حدتهم سيارة ، عزيز باستغراب : وقف على جمب خلنا نشوف مين
وقفوا وقفت السيارة جمبهم ، وفتحوا الشباك
ضحك سلطان وهو يفتح شباكه : شدعوة كذا مرة وحدة نسيتوني وانا اللي جاي عشانكم
صهيب بفشلة : ماعاش من ينساك يالغالي
سلطان : تسلم بس انا باخذ غنى معي لي معها كلمتين راس تسمحون لي ؟
نزلت غنى ونزل سلطان وهم مشوا .
سلطان : تعالي عند البحر هنا افضل
جلسوا سوا ، لف عليها سلطان وهو يتأملها حط كفوفه على خدها وهمس وعينه تدمع : نجود
خافت غنى منه وش فيه هذا ومن نجود ؟ '
'
مشعل يضرب يده بالجدار وهو يصرخ : سلطان الغبي بيفضح نفسه ويضيعني لا ياكلب لا
حارسه الشخصي بخوف : هد اعصابك طال عُمرك اكيد هو مو غبي يفضح نفسه
مشعل بهمس وهو يضغط على مسند الكرسي : احنا مو اغبياء بس عواطفنا غبية مشاعرنا لما تاخذنا بعيد هي اللي تضيعنا " ضرب قلبه " هذا البلاء والله
سكت الحارس مايدري وش يقول فعلا ان مشينا وراء قلوبنا نضيع ، حب يغير جوهه : ترا موضوع تركي تم طال عُمرك
ابتسم على الاقل قدر يبعد عن طريقه صخرة .
'
'
دخلت البيت وتفكيرها مشغول ب تصرفات سلطان الغريبة معها ومعاملته الخاصة معها .
استغربت من البيت كانوا البنات نايمين ونايف يذاكر وعزيز سرحان وصهيب على الابتوب .
جذبها وجهه صهيب المصدوم : شفيك ؟
صهيب وهو يناظرها بصدمة : موقع الجامعة اعلن عن وفاة تركي مطعون
صرخت وهي تحط يدها على فمها : مات !
'
'
ناظر الساعة كانت 12 وربع ظُهرا .
قاعد ينتظر غنى تساعده تدور ليان معه ، دخلت غنى بسرعه : اسفة تاخرت عليك بس يالله قدرت اوصل مع هالزحمة قولي لي الحين ليان من تعرف هنا ؟
عزيز : مقطوعة من شجرة ماتعرف الا انا
غنى بتفكير : عجيب ! واختفت فجاءة وانت تقول انها مامعها فلوس تكفي تستأجر بيت اكيد بتاخذ فندق رخيص وماراح تاخذ بعيد عن هالمنطقة خصوصا انها ماتدل شي طول وقتها هنا " سحبت الابتوب " ببدأ اشوف الفنادق القريبة هنا بحدود فلوس ليان
عزيز يسوي لهم قهوة ويقفل المطعم ، شهقت غنى : لحظة مستحيل تضيع راتبها ب فندق هي تحتاج مصروف بتحاول تلجئ ل طرق ثانية زي " ابتسمت ب دهاء " الفنادق اللي لها عقد مع مطعمكم تكون الاقامة مجانا
عزيز : اوكي بس معقولة بنمشي عليهم واحد واحد ؟ تراهم سبع فنادق
غنى : شوية سبعة بس عشانك عجاز " فتحت سجل البحث " اكيد حاجزة عن طريق لابتوب المطعم عشان الڤيزا
عزيز يضرب كتفها : ماشاء الله وش تاكلين انتي ؟
غنى بضحكة : مدري اسال ليان " طلعت ورقة وقلم وكتبت له العنوان ورقم الشقة " يالله يامُدير شوف شغلك
نقز عزيز ب حماس وطلع يركض ل الفندق .
'
'
ضربت شادن الباب بهدوء ودخلت .
غمضت عيونها بخوف : مستعدة أسمع الحقيقة
الجدة : ولكن الحقيقة مو واقفة عليك وبس راح تروحين وتبلغين ليان ب هالشيء
سكتت شادن ب تردد ، وتكلمت بسرعه : موافقة .
'
'
رمت نفسها على السرير ب تعب وقفتها صوت الرسالة .
فتحته ب طفش وقفت ب خوف وهي تقرأ نص الرسالة : بدت تنكشف خيوط اللعبة .
وش لعبته ؟ وش قاعد يصير ؟
رسالة ثانية : مستعدة تتحملين صدمة ثانية ؟
وقفت بتردد لكن هزت راسها ب ايجايبة
رسالة ثالثة : حسنا ، نايف وعبدالعزيز اخوان لكن جسي النبض بدون ماتصارحينهم .
طاح الجوال من يدها بصدمة يعني كيف اخوان ؟ مايدرون عن بعض ؟ كيف هم ايتام زيهم زينا !
'
'
حارسه الشخصي بصدمة : بس كذا بتكشف اوراقك ؟
مشعل ب تعب : طفشتني حياة الغموض والتخفي والاسرار راح من عمري مايكفي جاء وقتي اعيش حياتي مع حبيبتي وعيالي عشان كذا كل اوراقي بتكون على المكشوف .
'
'
ضرب الباب بهدوء ويضحك وهو يتخيل شكلها اذا عرفت انه عرف مكانها ، وقف بصدمة وهو يشوف حبل مربوط بالسقف وكرسي طايح على الارض وكان شخص ناوي ينتحر !
قام يتلفت بصدمة وهو يدور ليان ولكن مالها اثر الا دم خفيف على الحبل !
عزيز بصدمة وهو يرجف اتصل على غنى وعين تدمعه بخوف : ليان انتحرت .
'
'
وقف بابتسامة شامخة وهو راضي أتم الرضى عن اللي سواه ، بياخذ حقه من كل شخص فكر يأذيه ولكن للاسف محد فكر يأذيه الا شخص واحد وهو قاعد ينتقم على نار هادئة ، كلهم مشت عليهم الكذبة الا هو مشى وراء الكذبة لين فصفصها وهو مؤمن ب ان " حبل الكذب قصير ".
'
'
ملاذ منسدحة وهي تأكل تفاح : نيوف مايمرك طيفي ؟
نايف يضحك : الا بس الحقه ب نعال " شوز - جزمة ، الله يكرمكم " .
ملاذ رمت التفاحة على صدره : وش هالحظ اللي خلاني اعرفك ؟
غنى تركض : الحقوني بسرعه ليان صديقة عزيز انتحرت
صرخوا : كيف ؟
كان توه نازل صهيب : وش صاير ؟
غنى : تعال ونعلمك بالطريق .
'
'
جالس ينتفض ب مكانه ب الصدمة ، دخلوا عليه بسرعه .
غنى تضمه من على جمب : عزيز كيفك ؟
عزيز وعيونه مركزة على الحبل : وينها ؟
صهيب يتفحص المكان : لو قلنا منتحرة وين الجثة
نايف : صح محد له مشاكل معها مين بيخطفها
غنى بتفكير : بس ممكن يكون له مشاكل مع عزيز
نيلوفر بصدمة : شوفوا " مدت لهم الورقة المرمية تحت الكرسي "
النص الموجود ب الورقة " حضكم العاثر جمعكم فيني ، والخير يخص والشر يعم يغلط فيكم واحد تتحملون ذنبه كلكم من مجهولكم الى اصغركم . "
صرخت ملاذ : لا ياربي يكفي طفشنا من حياة الأفلام
نيلوفر بخوف : اذا تجرأ المجهول الثاني يسوي كذا المجهول الاول وينه ؟
صهيب بخوف : غيابه مايطمن ياناس
غنى تشد شعرها ب تعب : ياربي طفشت خلاص ريحني .
'
'
دخل وهو يشوف اوراق الشركة المرسولة من السعودية ، وقف ب مكانه وهو يشوف مشعل غرقان ب دمه
صرخ حارسه بخوف : ياطوويل العمر " ركض وهو يهزه " تسمعني ؟ " تحسس نبضه وكان ضعيف مره "
شاف الدم وباين انه مطعون من زمان ، طلب الاسعاف بسرعه وهو يحاول ينعشه ب الاسعافات الاولية .
'
'
شافت حالهم كيف كل واحد وكان هموم الدنيا على كتفه ، ماتقدر تخونهم اكثر من كذا ماتقدر تشوف عزيز حزين اكثر وبين ناريين صديقته والمجهول الجديد .
نيلوفر بهدوء : تذكرون لما قلت لكم اني اعرف المجهول ؟
لفوا عليها كلهم وهزوا روؤسهم بإيجابية .
غمضت عيونها وهي تبكي بخوف على مشعل وعلى علاقتها معهم بعد مايعرفون انها خبت عليهم : ايوا عرفته سكت عشان احميه اعرف اني غلطت بس ماقدر اسكت عنكم اكثر ، المجهول هو مشعل
الكل باستغراب : مين مشعل ؟
نيلوفر : مشعل بن الوليد البدر
صهيب بصدمة : رجل الاعمال ماغيره ؟
غنى : وش يبي فينا ؟ وش بينا وبينه " بعصبية " بعدين وين عرفتيه ؟
نيلوفر حكت لهم كل شي : بس والله مادري وش عرفه فينا ولا ايش يبي منا
غنى وقفت بصدمة " وهي تشوف عزيز ونايف اذا هم اخوان يعني بينا صلة قرابة بس اذا بينا صلة قرابة ليش يفضحني ليش ! " : كنتي تشوفيني اعاني حزن كرامتي وسكتي نعم الصديقة بصراحة " وطلعت بقهر فكرت بلمح البصر ورجعت " عندك فرصة وحدة عشان تبقى صورتك بعيني زي ماههي توديني ل هالزفت الحين
هزت راسها بايجابية وهي تطلع بسيارتها ولحقوها ، وقفوا عند بيت مشعل .
نيلوفر دخلت واستغربت من الهدوء البيت فاضي تماما ممكن انه رجع السعودية
غنى بضحكة سخرية : وممكن تكونين انتي وياه متفقين
نيلوفر : اقسم بالله مادري عنه صدقيني
طلعت الخدامة وهي تمسح دموعها : ماذا تريدين سيدتي نيلوڤر ؟
نيلوفر : اين السيد مشعل ؟
الخدامة رجعت تبكي بإنهيار : تم نقله ل المستشفى ، وجدوه ب مكتبه مطعون
صرخت نيلوفر : شلون
مسكها صهيب قبل تنهار : اي مستشفى ؟
كتبت لهم العنوان ، وراحوا له .
'
'
ركضوا ل غرفة العمليات بعد مادلتهم الممُرضة ، طلع الدكتور وهو يفصخ الكمامة : حالته مُستقرة حاليا بعد ماسعفنا الجرح وخيطناه لكن للأسف المريض دخل في غيبوبة صدمة وهذي الصدمة اثرت على جزء مسوؤل في الدماغ عن الوعي
طاحت نيلوفر على الكرسي ببكاء : فيه امل يعيش ولا لا ؟
الدكتور : مافيه شي نقدر نقوله الحين لين تمر 24 ساعة بس نسبة انه يطلع سليم ضعيفة ممكن يتوفى دماغيا لانه تعرض ل ضربة قوية براسه اثناء دفاعه عن نفسه " ومشى "
غنى تمسك راسها : لا يارب لا يروح من يدينا ويموت معه كل شي
نيلوفر بعصبية وهي تبكي : مشعل ماراح يجيه شي فكينا شر لسانك
سكتت غنى مقدرة حالتها انها منهارة على حبيبها وهي تشوف ملاذ تضمها ونايف يشربها الموية وعزيز يواسيها
قرب صهيب وهو يطبطب على كتفها بابتسامة خفيفة : باذن الله بيعيش خلي املك بالله كبير الله يقول انا عند ظن عبدي بي ، خلي ظنك كويس ويرزقك ربي عليه
غنى بهدوء تحاول تخفي قهرها : انا مو بس عشان نفسي ابيه يصحى ، ابيه عشانكم كلكم وش يبي فينا ؟ ليش يأذينا يوم ويحمينا عشر ايام ابي كلكم تعرفون الحقيقة '
'
بعد مرور يومين .
شاف الكل راح مابقى الا نيلوفر وراحت دورات المياه ، دخل ب هدوء غرفة مشعل ضرب الابرة اللي بيده ب المغذي ب إبتسامة خُبث .
المجهول الثاني : بنشوف اذا ذكرت اخر ايامك
وضحك ب خبث ، نزل تحت السرير وهو يشوف نيلوفر تفتح الباب وتجلس بالكرسي جمب مشعل وهي تلعب بيده .
نيلوفر بحزن : اشتقت لك ماودك تصحى ؟ انت عارف اول مرة من عرفتك اناظرك هالكثر بس انا معك وانت مو معي .
مايدري ليش كان يتلذذ وهو يسمع الالآمها ب غياب مشعل ، طاح شاحنها ونزلت على الارض تجيبه .
'
رمت نفسها على السرير بتعب ، فكرت ب حظها اللي لما جمعها ب مشعل خذاه منها المرض تنهدت وهي تتذكر رسالته عن نايف وعزيز انهم اخوان ، ماتدري تعلمهم ؟ تسكت ؟ تنتظر مشعل يصحى ؟ مسكت راسها بآلم من الصداع الناتج عن كثرة التفكير
تذكرت جوالها المرمي تحت السرير سحبته تحاول تسلي نفسها فيها بدال التفكير ب شيء شبه مستحيل .
استغربت بوجود رسالة جديدة ، مشعل بغيبوبة من ممكن يرسلها ؟
فتحت واستغربت من التاريخ من يومين وقبل حادثة مشعل ب ساعة والرسالة منه .
'
'
وقف قلبه وهو يشوف نيلوفر تنزل جسمها ل الارض ، وقف بسرعه عشان ماتشوفه اذا نزلت ولما وقفت نزل بجسمه شافها تحط راسها على صدره وتغمض عيونها ، بدأ يزحف لين وصل الباب وطلع يركض .
فزت نيلوفر باستغراب وهي تسمع تسكيرة الباب القوية ؟ توقعته الممرضات الهمجيات زي العادة ورجعت تتأمل مشعل .
'
فتحتها باستغراب تقشعر جسمها وهي تقرأ الرسالة : كنتي قد الثقة اللي عطيتك ، وقد كلامك قلتي ابعدي عن صهيب وكنتي قدها عشان كذا واحد من عائلتك معك ومو قدامك تذكري معك مو قدامك ياغنى .
كيف معي ومو قدامي ؟ اذا معي معناها اعرفه بس مو قدامي زي الشباب مسكت راسها بحيرة وهي تفكر ! كل هالايام وفيه احد من اهلها معها ولا تدري عنه ؟ تشم ريحة اهلها ولا تميزها ؟ نزلت دمعة فرح .
دخل صهيب ب طفش : غنى تبين غداء ؟ " سكت بصدمة وهو يشوف دموعها " وش فيك ؟
غنى تشهق من الفرح : صهيب
صهيب يقرب بخوف : من ضايقك وبكاك والله احرق امريكا على رأسه
غنى بكت من الفرح وضمته : معي والله معي تحقق حلم ال 23 سنة
صهيب باستغراب : هاو ! وش صاير ؟
غنى ابعدت بضحكة وهي مستانسة وتمسح دموعها : ولا شي ابد
صهيب باستهبال : لحظة ماستوعبت ارجعي ضميني
سطرته كف بمزح وهي تنزل وتدنن بفرح ، صح ماتدري مين بس شعور ان عندك اهل شعور عظيم مايحس فيه الا فاقدة
'
نايف يتأمل حال عزيز اللي تغير من اختفت ليان
عزيز بتنهيدة وهو يناظر الارض : تتوقع ليان عايشة ؟
نايف : محد يدري الا مشعل
عزيز يناظر السقف : ذنبها ب رقبتي ، اول مرة ب حياتي اكون صداقة خالصة زي كذا ! اول مرة احد يحبني زي حب ليان لي اول مرة بحياتي اشوف احد يناظرني بنظرة الحب اللي تناظرني هي فيها ، كانت تحبني وكنت مشغول ب غيرها " ضحك بسخرية " وهاللي مشغول فيها تحب غيري " ناظر نايف " حُب مبزرة صح ؟
ملاذ ناظرته بحزن على حاله : انت متضايق من اختفاء ليان ولا لأنك لقيت نيلوڤر تحب غيرك وماتتدري عنك !
عزيز : لا هذا ولا هذا زعلان على نفسي زعلان على حياتي اللي ضيعتها ايام عُمري الحلوة اللي ضيعتها بالحزن عشان حياتي بدون اهل ولا اصحاب زعلان على لما حصلت احد يبيع الدنيا عشاني تركته ، تدري شمعنى الحين بالذات اصريت ادور ليان لاني جربت شعور تحب شخص يحب غيرك .
نايف ينسدح بضيقة من حال اصحابه : الله يكفينا شر هالحُب .
ملاذ بهمس ل عزيز : يجوز اذبحه ؟
ضحك عزيز عليها من غير نفس .
'
صحت ب تعب من نومتها الغلط ، شافت انها نايمه على صدر مشعل من امس بالليل .
شافت الساعة كانت 8:30 صباحا قامت تغسل وجهها وتفرش اسنانها ، رجعت وهي تتأمل مشعل قشعر جسمها من برودة الغرفة ، قربت ورفعت المفرش بتلحفه وصدمها اثار تمشيخ برقبته من الجهتين يمين ويسار عند ، سطيحة وباين انها يد مو شي حاد وانها عميقة شوي لان شكله اظافر الشخص طويلة .
نادت السستر بخوف : من دخل الغرفة وانا نايمة ؟
السستر باستغراب : لا احد
نيلوفر وهي تاشر على يد مشعل : وهذا ماذا ؟
هزت السستر راسها ب معنى " مدري " وطلعت برا الغرفة .
ماتدري ليه خافت وانقبض قلبها اتصلت على غنى تجيها المستشفى .
'
دخلوا الشباب باستثناء صهيب مستغربين من طلب انهم يجون بدون علم صهيب عشان لا يجي .
غنى تسحبهم وتأشر على رقبة مشعل : شفتوه ؟
ناظروا بعض باستغراب ولفوا عليها : ايه شفيه ؟
غنى : وش تلاحظون ؟
نايف يحط يده على خده بطفش : اكثر من مشخ في نفس المكان بشكل مموج " مخوش , خدوش "
غنى بتدقيق : وماتلاحظون هالتمويج يدل على حرف s ؟
ناظروا بتدقيق وفعلا كان كلامها صح ، غنى : هذي اشارة غير مباشرة ، اول مشكوك فيه صهيب ! امس ب الليل ماكان بالبيت والمشوخ حديثة مو من زمان وحارس الامن يقول شفته .
ملاذ باستغراب : طيب واذا مشخه عادي
عزيز لف عليها وهو يرفع حاجب : وش اللي عادي ؟ هذا الشيء بخوف ان الولد انقلبت تصرفاته عدوانية خصوصا انه من جهه الرقبة اليوم تمشيخ بكرة يخنقه ويلطخ يده بجريمة قتل ! وليش داخل متخفي بدون محد يشوفه لا ممرضات ولا نيلوفر ؟
ملاذ : شمعنى قلتي صهيب طيب
غنى : لان محد فينا يبدأ اسمه بحرف ال s غير صهيب
نايف : شي واحد بس نقدر نحكم موقفه نسأله واذا انكر معناه وراه بلاء واذا اعترف نيته صافية
غنى تتصل على صهيب : كلام نايف صح ، اطلعوا الحين كلكم واذا شفتوه دخل ادخلوا بعده كانكم توكم جايين نبعد الشبهه
'
بعد 7 ساعات
دخلت غرفة مشعل وشافتهم كلهم موجودين .
تكفت غنى : وش رايكم
نايف : كذاب ومية كذاب
عزيز : الحيوان مسوي مصدوم يقول من هاللي مسوي بمشعل كذا حرام عليه
غنى : قبل نظلمه نبي نتأكد
ملاذ ب طفش : انا حد الحين ابي اعرف وش فيكم ؟ ترا الموضوع جدا طبيعي احس كله مشوخ
نيلوفر : انا بديت اشك فيك انتي مو صهيب
ملاذ طلعت عيونها بصدمة : لا يامعودة سكتنا كلش ولا شككم يالمباحث الفيدرالية
غنى : اسمعوا اللي بقوله انا اقدر اضبكم ب تساعدوني وتنفذون الخطة ؟
الكل : تم
غنى : حلو " وعلمتهم الخطة "
'
صباح يوم جديد على مدينة نيويورك .
طلعت من غرفته بكل هدوء وابتسامة خبث وهي تسكر الباب بشويش عشان مايصحى من نومه ، اشرت ل نايف اللي كان ب مقدمة الدرج ب معنى " اوكي " .
دخلت غرفتها وهي تدخل مسحات صهيب اللي بيدها ب كيس شفاف صغير وتحطه بشنطتها وهي تشوف ملاذ وعزيز ونايف يدخلون
غنى : انا سويت اللي علي الحين جاء دورك ياحلوة تكملين الخطة
ملاذ : اعتمدي
غنى تلبس شنطتها بتطلع : بجهز خطة رقم 3 احتياطا لو ماضبطت خطة رقم 1 و 2
ضحك نايف غصب ، لفت عليه باستغراب : شفيك ؟
نايف يبتسم : ياخي كانا في افلام معيشتنا جو بزيادة عشان شي تافهه
غنى : للاسف بنظري مو تافهه قلبي مو مرتاح ل تصرفات صهيب حتى لما يحكي تحسه مخبي شي عنا صح ؟
عزيز يرفع يده باستسلام : اذا الموضوع وصل ل تحليلات نفسية انا استسلم محد اشطر بغنى منه
نايف يضحك : انا حد الحين مستغرب وش اللي كانت ترضعه على ذا المخ
'
'
طلع من المطبخ وبيده كوب نسكافيه وجلس بالصالة وهو يشوف ملاذ منسدحة على جوالها ، فزت فجاءة وهي تناظره ، ارتاع : بسم الله شفيك ؟
ملاذ بابتسامة غبية : توني شاريه ادوات بودي كير ومناكير جديدة
صهيب ناظرها بطرف عين على سخافتها وهو يتحمد ربه وسفهها
ملاذ تترجاها : تكفى خلني اعدل اظافرك
صهيب ب نفس النظرة : روحي لا تخليني ادخل اصابعي بعينك مالي خلق " وصعد غرفته "
طلعت جوالها واتصلت على غنى : ماضبطت
غنى : كنت عارفه وقايلة لكم نسبة نجاحها 2٪‏ بس ماحبيت اكسر بخاطر نايف هو وفكرته اللي حطها لك الغبية الحين بحكي مع عزيز ينفذ فكرته اللي مستبعدتها 99٪‏ بس عشان اثبت لكم ان محد يعرف لصهيب غيري
ملاذ سكرت بوجهها : واثقة بزيادة هالحيوانه المغرورة " وقامت تلبس تطلع ل الجامعة "
'
اتصلت غنى على عزيز وهي تطلع من المطعم بعد ماكدت الحجز .
عزيز : هلا الله ، هاه بشري ؟
غنى تشغل السيارة : للاسف ياسيدي زي ماتوقعت ماضبطت ، يالله عقبالك جربي خطتك
عزيز : تمام بس مو انتي الصبح خذتي المسحات ؟ ماتكفي ل الفحص النووي
غنى : الا ، بس زي ماقلت لكم ابي اقطع الشك باليقين ابي تكون عندي عينتين مابي اظلمه العينة الاولى اللي خذيتها منه وهو نايم من اصابعه ، والعينة الثانية اظافره وهذا عليكم
عزيز : بس ماراح يشك واحنا كلنا عليه بيوم واحد ترا صهيب ذكي
غنى : وعشانه صهيب انا ماقدر اجل الموضوع لبكرة تعرفه الولد نظيف مايحب يطول اظافره واذا فقدناها فقدنا اهم دليل
عزيز بوناسة : يالله طول عمري اتمنى اعيش ب فلم والحين صار حقيقي
غنى تضحك وهي مستانسة انه نسى موضوع ليان شوي : تمام يالله روح شوف الاخ الكريم روق ولا لا .
'
بعد ساعتين ونصف .
وقف عند باب غرفة صهيب وهو يطبل على الباب ويغني من راسه : صباح التوت ياحلو ياكتكوت ، صوص صوص انا العصفور جاي اصبح عليك ممكن تعطينا وجهه ياكيكة ؟
صهيب يصارخ من داخل الغرفة وهو مشغول باوراق الجامعة : انقلع ياعزيز مادام النفس طيبة عليك
عزيز بهمس : وللاسف انا مابي هالنفس الطيبة " ورجع يطبل " شو عم تؤل ؟ ماعم اسمع ارفع صوتك تؤبرني حبيب البي
صهيب : امين جعلني اقبرك
عزيز : ياويلك من الله يرضيك تقول لاخوك الصغير الحلو الكيوت الوسيم الجريئ الرائع جعلني اقبرك ؟
صرخ صهيب بعصبية لان عزيز قاعد يشوش تفكيره طلع بعصبية ، شافه جالس يبتسم بغباء وهو ينتظر صهيب يكفخه قام يركض يبي يمسكه ويبرد قلبه فيه
صرخ عزيز بخوف وهو يركض وكلام غنى يرن ب اذنه " انتبه يمشخك لو مشخك رحنا فيها وضاع من يدنا دليل " شافه بدا يقرب منه ارتاح وبدأ يخفف سرعته عشان يمسكه صهيب وينفذ الخطة ، مسكه صهيب وسدحه بالارض وبدا يكفخه كفوف بحركة سريعة مد عزيز يده وبتمثيل كانه يدافع عن نفسه وجرح خده بدون ماينتبه صهيب صرخ : ياحيوان ياصهيب شوهت خدي قم اشوف
بعد صهيب باستغراب : ياكذاب اظافري مالمست خدك
عزيز بعصبية كاذبة : وذا الدم من ايش ؟ " سحب قصاصة اظافر من الرف " امش اقصها
صهيب : مهبول انت تبيني اسلم نفسي لك ؟ " ومشى غرفته "
ضرب فخذه بقهر وبهمس : شوهت نفسي على الفاضي " واتصل يبلغ غنى "
'
غنى وهي تدخل على ملاذ ونيلوفر اللي توهم واصلين ل مشعل بالمستشفى
غنى : كنت حاسة انها ماتضبط عشان كذا خذيت احتياطاتي يالله ماقصرت حبيبي مشكور " وسكرت "
ملاذ : انا عجزت استوعب ليش شاكيين بصهيب حرام عليكم الولد بريئ
غنى ناظرتها وهي عارفة حاجبها : بنظرك انا ظالمته يعني ؟
سكتت ملاذ وهي ودها تقول اي ، ابتسمت غنى وهي فاهمتها : قولي لا تستحين ، اول شي لو فعلا اني ظالمته كان ماساعدتني بس بقرارة نفسك كلكم متاكدين مثلي ان صهيب يخفي شي عنا ماهو صهيب الاولي من اول مانخطفت نيلوفر لما قلت لكم اشك بصهيب كلكم رفضتوا لانكم تحبونه وتحكمون بقلوبكم مو ب عقولكم بس انا غير عنكم اشوف ب عقلي ماخلي مشاعري تحكمني لاني افرق بين الحب والحق اشك ب صهيب وانتم عشانكم تفضلون الحب على الحقيقة المُرة ولانكم تافهين تمشيكم مشاعركم مو عقولكم تشوفون صهيب بريئ " وهي تغمض عيونها " تربيت تربية شوارع تعلمت ان محد يستاهل تثقين فيه بالدنيا ابد مهما قالوا عنك قاسية اظهري الحق بيدك " فتحته عيونها وهي خانقتها العبرة ومبتسمة " ماراح تفهموني الا لما تحسون مثلي ، انا بروح اتجهز ل ليلة اليوم " وطلعت "
ملاذ ناظرت نيلوفر بندم : تتوقعين زعلت مني ؟
نيلوفر : اول مره اشوف غنى تتكلم عن مشاعرها دائما كتومة دائما هي القوية كل ماطحنا ولا انصدمنا نلجأ لها وهي تتحمل همومنا واكثر تحاول تسعدنا لانها اول مرة تجرب شعور العائلة وناس قريبين منها خايفين من المسوؤلية وتحسين فيها شي بس ماتحكي ابدا لما صار اللي صار بمشعل جيت اركض لها وعزيز وصهيب نفس الشيء عظيمة ه الـ غنى بس عمرنا ماراح نحس فيها لين نبطل نفكر بعواطفنا التافهه .
تسارعت نبضات قلب مشعل ، ودخلوا الممرضات يركضون وطلعوا نيلوڤر وملاذ برا .
ملاذ فتحت عيونها بصدمة : وش صار ؟
نيلوڤر ب حيرة : مدري ، هذا حاله كل فترة تجيه وماجتني الجرأة اسال الدكاترة .
'
لبس سماعاته وهو نازل من الدرج بيروح يسوي رياضية ك العادة ، استغرب من رقم غريب يتصل عليه ؟ .
المتصل : جوال السيد صهيب ؟
صهيب باستغراب : اي
المتصل : معك مطعم " .. " عندك موعد عشاء الليلة مع الآنسة غنى ، نأكد حجز الطاولة ؟
ابتسم وش الطاري غنى بتتعشى معه اليوم ؟ : اي خلاص شكرا .
سكر وجلس على الكنب بنفس ابتسامته : معقولة اخيرا حست فيني ؟ " حس على نفسه وعدل جلسته " طلعت خفيف على طول من اول موعد خقيت " قام يكمل رياضته .
'
الساعة 9 ب الليل .
فتح له عامل المطعم الباب بابتسامة وهو يرحب فيه ، دخل ب بدلته الرسمية الكُحلية شاف المطعم الهادئ وانواره الخافته والشموع بكل مكان وصوت الموسيقى الهادئ وكل طاولة عليها شخصين لهم طقوسهم الخاصة .
شاف غنى في طاولة زاوية المطعم قرب بهدوء وهو مسك يدها وباسها برقة : مساء الخير
غنى ب نفسها " لا يكون صدق نفسه الرجال انه امريكي " ابتسمت بنعومة : مساء النور
جلس صهيب بابتسامة ومازالت يدها بيده : وش مناسبة العشاء ؟
غنى : من زمان ماجلسنا سوا ، ضغوط الامور اللي تصير معنا من حقنا نغير جو
صهيب يلعب ب اصابعها : ‏كيف تُطلبين الأشياء اللي المفروض انها تجي نفسها ؟ كيف نقول لها تعالي بطريقةٍ لا تمس كبريائنا
غنى : وكلها ل ربي وكلك يقين ان اذا فيها خير لك بتجيك واذا فيها شر ربي بيحرمك منها
مسك دقنها وعيونه ب عيونها : الا انتي ابيك بخيرك وشرك .
ماتقدر تكذب اكثر من كذا خلاص يكفي : مشعل حرمك مني !
صهيب : وادري كان يهددك فيني عشان اهلك
غنى بصدمة : كيف عرفت
صهيب بابتسامة خفيفة وهو يرجع يستقيم ويلعب بالشوكة : ماتعرفين تكذبين وش اسوي
عضت شفتها بحرج : زعلان مني طيب ؟
صهيب : لما عرفت انك مغصوبة لا طبعا ، واساسا الحب مايجي غصب " ضحك " بس انتي بتحبيني غصب تفهمين ؟
غنى ضحكت وهو تتسند : اذا قدرت لا تقصر ماراح نلقى احسن منك ياباشا .
'
عزيز جالس بحماس حول مشعل : تتوقعون تقدر تاخذ ظفره ؟