مابغيتك بالحرام ولا بالظلام ما بغيت الا اخوك يا غنى يصير خال ولدي

النهايه|THE END

ضحكت عليهم غنى بحياء وركبت السيارة وهي تفرك يدها بخجل .
'
بعد سنة و6 شهور .
نيلوفر ومشعل صار لهم ولد اسمه عبدالعزيز ، ملاذ ونايف تزوجوا ، عزيز قدر يتكيف مع فكرة زواجهم واكتشف انه حب مراهقة لان نيلوفر اول انسانه بحياته وهذا اعجاب مو حب حقيقي ، صهيب يتعالج ، غنى من راحت السعودية معد رجعت تحضر المناسبات بامريكا وترجع .
'
في اراضي المملكة الحبيبة .
ركضت من جدتها اللي ناوية ب شر عليها ولاحقتها ب عصاها عشانها مافطرت
غنى تضحك : والله شبعت
الجدة بعصبية : اقولس تعالي يالعصلا الباصقة شايفة جسمس شلون يروع ؟
غنى : لا تغلطين ياريحة امي عشان ماعصب
الجدة : وتهاوشني يالبزر بعد ؟
رن جوال غنى قطع نقاشهم الحامي ردت باستغراب وهي تشوف الرقم امريكي .
غنى : hello ؟
جاها صوت غايب عنها سنة وست شهور : حققت لك وعدك وتعالي ريحنا من المآسي
شهقت وهي تطيح على الارض وتسمع صوته ببكاء : انت بخير ؟
صهيب ابتسم : بافضل حال ياربي لك الحمدالله تعال نيويورك كلها تحن لك واولها ولد نيويورك يبيك
سكرت منه غنى وهي تركض ل سلطان : ودني لهم
ضحك : مسرع جاك الخبر
غنى : تكفى طلبتك
سلطان : وكان مشعل شاورني ، حجز لنا من قبل ماندري ورحلتنا صباح الغد ان شاء الله
ركضت غنى تجهز ملابسها واغراضها والارض ماتشليها من فرحتها .
'
صباح يوم جديد .
رايح جاي ماقدر يجلس من التوتر : لهم ساعة ونص واصلين ليش مابينوا للحين ؟
مشعل : ياصهيب انثبر راسي افتر القاها منك ولا من ازعاج ولدي
ملاذ بطفش : احد قايل تجيب بزرك معك
مشعل يناظرها بطرف عين : من اعرستي ولسانك طايل
ملاذ ضحكت : تربية نايف
نايف يناظرها بطرف عين : العقل اقول
صرخ صهيب بفرحة : غنى
ركض لهم بفرحة وهو يضمها من قلب ويلف فيها ، ضحكوا عليهم لانه خنق البنت
سلطان يبعده : وقص ياقليل الحياء خير تمد يدك على محارمنا ؟
صهيب يتأملها بحب : مو وقتك والله
سلمت عليهم كلهم وباست عزيز الصغير وهي ودها تاكل خدوده !
غنى : غريبة يطلع ذا الانتاج الحلو من نيلوفر
مشعل : هاه اقول لا تغلطين
نيلوفر : انا من اليوم جالسة على اعصابي ، هذي غنى وصلت احنا من حقنا نعرف السالفة ونفهمها كملنا سنتين وست شهور واحنا بدوامة وهم وتساؤلات
مشعل يبتسم : تعالوا البيت وكل شي موجود هناك
اول مادخلوا البيت انصدموا باللي يشوفونه نفس الاشياء اللي شافوها لما جتهم رسالة من المجهولة " الكلمات المجهولة + اليد المحروقة " شهقوا !
غنى : لحظة قبل يحكي مشعل انا من حقي اوضح لكم حقيقة اختطافي والمجهول الثاني باختصار ، المجهول الثاني هو صهيب وهو اللي ضرب مشعل ودخله ب غيبوبة وخاف ان مشعل يصحى ويفضحه دخل وحط له ابرة غنى : تفقده احداث ذاكرته الاخيرة ولكن ل حسن الحظ كان مساعد مشعل يراقبه من يوم ضرب مشعل وفك المغذي عن يد مشعل قبل دخول صهيب وبكذا الابرة مادخلت بجسم مشعل وذاكرته زي ماهي بس تظاهر مشعل بالنسيان عشان يثبت لصهيب ان لعبته ماشية وكان عارف مشعل من البداية انه خاطفني لان رجاله يراقبون صهيب " سكتت معد قدرت تكلم وتشرح اكثر تحس بغصة وهي تسترجع ذكرياتها "
مشعل : وهالوقت جاء دوري اول حاجة انتم كلكم عيال عم وانا عمكم
صرخوا كلهم : كيف
مشعل : اي ولا تقاطعوني انا لما انولدتوا كان عمري 15 او 16 ماكنت كبير بس عقلي يوزن بلد ولي خمس اخوان وابوي الله يرحمه كان له اخوان كل نسلهم بنات الا هو اولاد وتعرفون زمانهم يفتخرون بالاولاد ويبغضون البنات وكان يعايرهم ويفخر فينا لين كبروا خواني بعدين جابتني امي وماتت وهي تولدني وقال تزوجوا وزوجهم ب ليلة وحدة الا واحد منهم تزوج بريطانية وبعدها بفترة هدد حريمهم اللي ماراح تحمل تشيل عفشها وتوصلها ورقة طلاقها وكل وحدة اللي خذت اعشاب واللي ادوية عبثوا ب انفسهم وفعلا حملوا كلهم بعد ماتموا الشهر التاسع جت الفاجعة كانوا ساكنين مع جدي وكانوا يتقهون العصرية طلب من الخدامة تجيب الشاهي قبل توديه وحط فيها " بغصة " دواء يعطونه الخيول عشان يولدون بدري كان يبيكم كبر بعض مستوعبين وكان يبي يقهر اخوانه بان له احفاد وجاء امهاتكم الطلق ورزق اخوي الاول غنى والثاني صهيب والثالث ملاذ واللي ماخذ بريطانية نيلوفر والخامس تؤام نايف وعزيز وبعد ماطلعوهم من المستشفى مع بعض كل واحد بسيارته اخوان ابوي من حقدهم دبروا ل اهاليكم مكيدة وضبطوا حادث وماتوا اهلكم بليلة وحدة مابقى الا انتم عشانكم بكرسي الآمن بالخلف انهبل ابوي بعد موتهم وحملكم الذنب انا بديت الاحظ على ابوي تصرفات مو طبيبعه وكانه مختل خذيته ل امريكا نعالجه نفسيا لما وصلنا قبل ادخل ابوي المستشفى ب ليلة كنت نايم استغلني وخذاكم ووزعكم اللي عند كنيسة واللي عند مسجد واللي عنده ميتم واللي سوبر ماركت يوم صحيت واساله كذب علي قال بالحفظ واصون اذا صرت قد المسوؤليه ببلغك عنهم مشيت الموضوع وكبرت وعشت حياتي وابوي بمستشفى الامراض النفسية كان عمري 25 دقوا قالوا ابوك بيموت وبيعطيك وصيته رحت و " عادت ذاكرته ل هذاك اليوم "
مشعل يمسك يده ابوه وهو يبكي : لحظة يبه امي راحت بدون مابر فيها وانت لهتني الدنيا والفلوس عنك يبه توني الجنة بيدك خلني اكسبها
ابو مشعل يلفظ انفاسه الاخيرة : عيال اخوانك
مشعل يبكي : مالي فيهم يبه ابيك انت تكفى سامحني
ابو مشعل : عيالك اخوانك ذمة في رقبتك ماراح ارضى عليك وانا بقبري لين تبر فيهم
مشعل بصرخة : لا يبه تكفى مستحيل
ابو مشعل بانفاسه الاخيرة : الدرج الثالث " وذهبت روحه ل الباري " طاح مشعل من طوله وهو يرمي بنفسه الارض من الصدمة والبكاء بدون مايستوعب كلام ابوه ).
عشت حياة صعبة وانا بصراع بين ذنب ابوي اللي برقبتي وذنبكم بديت افكر ب كلام ابوي وصار يقصد درجه في مكتبه الثالث في السعودية ورجعت ولقيت حاط معلومات كل واحد فيكم وقعدت ادور وراها لين حصلتكم
كانت الصدمة اقوى منهم كلامه كان خناجر هم عيال عم ولا يدرون عن بعض ؟ عايشين بنفس المكان سنتين ولا احد فيهم فهم
صهيب باستيعاب : اذا انت عمنا كيف تتزوج نيلوفر مايجوز !
ناظره مشعل وهو كان ينتظر هالسؤال من مدة وبنفس الوقت خايف على نفسيتها : اخوي ابو نيلوفر كان عقيم وزوجته بريطانية ولما سمعت ب طلب الجد انهبلت تخاف يطير الحلال عنها وركضت نامت مع اقرب واحد قبل مايموت اخوي كان مسوي تحاليل وكشفت انه عقيم بس مات قبل يشوفوها ووصلوها البيت ولما رجعت من الغربة لقيتها
عزيز : واهتمامك الزايد ب غنى ؟
مشعل بهدوء : لانها اختي بالرضاعة وعمتكم بالرضاعه بعد
صرخ صهيب بشهقة : في ذمتك
مشعل بندم وهو يناظر صهيب : والله العظيم
سلطان : حرام عليك ريحهم وقول لهم لا تخليهم بحرقتهم
ابتسم مشعل غصب : شسوي اموت ب التعذيب بس صهيب مايصير ولد عمكم ولا انا اصير عمه
ناظره صهيب بأمل مو مهم يكون له عائلة المهم ماتكون غنى من محارمه : شلون
مشعل : ابوي قبل ياخذ امي كان متزوج هدى وهدى كانت تربي ولد اختها اللي ماتت بحريق خذاه ابوي ورباه مع عياله وزوجته الثانية اللي هي هدى ذبحت امي! لما كانت حامل فيني ضربت بامي لين ماتت وهي تولد فيني وكان ولد اخت هدى هو ابو صهيب يعني مايحل لنا هو وصهيب ، وام نايف وعزيز رضعت نيلوفر يعني تصير اختهم بالرضاعة
سجد سجود شكر ل ربه على هالاعتراف الصريح ، كان يمكن يموت لو تكون غنى من محارمه
نايف وهو يرجف : فيه شي بعد باقي ولا خلاص والله معد فينا عقل
ابتسم مشعل : خلاص ياعيال اخواني
ملاذ وهو تشوف اليد المحروقة : وهذي وش تسوي ؟
مشعل : هذا ابوي حرق يده اللي رماكم فيها قبل مايموت
شهقوا بصدمة !
قرب عزيز وهو ياخذ كلمة " مبكرة " : قصدك ب هذي امهاتنا لما ولدوا بغير موعدهم ؟
غنى وهي تاخذ كلمة وصية : قصدك لما وصاك جدي علينا ؟
نيلوفر وهي تاخذ كلمة تبني : لما كل واحد فينا ضفه مكان
هز راسه بإيجابيه
نايف : اللي عجزت استوعبه ليش عيشتنا بهذا الضيم ليه ماجيت وقلت لنا الحقيقة وبس
مشعل : نكذب على بعض ؟ مستحيل تتقبلون الحقيقة تبون تقنعنون بتاخذون بعض بالاحضان وبتعيشيون طبيعي لو علمتكم كذا على طول
سكتوا كلهم لان كلامه صحيح مستحيل يتقبلون .
مشعل : كنت ابي اجبركم تحبون بعض ابي لما اصدمكم كل واحد يكون سند ل الثاني كنت اختبركم لما اذي واحد فيكم كيف كلكم كنتم تفزون كنت ابي اجمعكم لدرجة خليت اهل نيلوفر يتركونها عشان تنجبر تحبكم بعدها عرفت اني لعبتها صح
غنى : كيف انا اختك بالرضاعة وامك ماتت قبل انولد وامي ولدت وانت كبير
مشعل : خالتي رضعتني ولما جيتي وماتت امك ماتقبلتي الصناعي زي عيال عمك وترضعك مع ولدها
نيلوفر : انا ماحل لك زوجة لانك عمي بالرضاعة
مشعل : الرضاعة لازم تتم خمس رضاعات ولكن ام عزيز مارضعتك الا مرة بالمستشفى حتى ماتقبلتي وهذا بعد ماتأكدت لان اول على بالي انك اختهم والحين طلعتي لا مو اختهم
سكتوا وهم يناظرون بعض ، ابتسم لهم مشعل وهو يفتح حضنه لهم رموا كلهم انفسهم فيه الا نيلوڤر اللي طاحت مغمى عليها من الصدمة من اللي تشوفها قدامها والكلام كله كان كثير عليها
'
صباح يوم جديد بعد اسبوع من الحادثة
كالعادة مؤتمر نيويورك السنوي ل دكاترة الجامعات وتلاميذهم يحضرونه عن الكفاح والنجاح
عدد الحضور بلغ ال 7 مليون شخص ، كان مثير للأهتمام لدرجة طلاب المدن الاخرى حضروا له
كانوا الشباب بصف واحد وكذا ترتيبهم " غنى + مشعل + نيلوفر + عبدالعزيز + ملاذ + نايف " متحمسين ل كلمة صهيب اللي بيظهر على المسرح
بعد ساعتين ونصف من اكتمال الحضور والقاء كلمة مدير جامعة نيويورك ، جاء وقت صهيب وبدا يلقي كلمته بالانجليزي مسك المايكروفون وبدى يتجول بين الكراسي والكل مستغرب : النجاح لا يأتي اليك عليك ان تذهب وتحصل عليه ، عندما تكافح مره كل شي في الحياة بعد ذلك سيكون سهل ، المستقبل ملك لأولئك اللذين يؤمنون بأحلامهم كل شي سيكون بخير فقط كن صابرا ولاجل ذلك " قرب عند كرسي غنى وثنى ركبته ونزل نفسه لها وطلع خاتم الماس من جيبه " هل تقبلين الزواج بي ؟ تاكدي زواجي بك ليش فقط اقتارن اسمي باسمك فهو عقد سعادتي انتي بعيوني عن العالم جميع ركضت وراك سنين ولا تخليت عنك ‏صامل بحبك لو يشيب الراس أنا معك بالمحبه راعي طويله
غنى : بشرط توعدني تحقق لي امنية عمري ؟ " ناظرها صهيب بخوف واستغراب " ابقى وحيدة قلبك وعينك واذا حزنت عيونك مايشفيها الا كلامي تبقى لي دنيتي وضحكتي واول اشيائي ابقى حبيبتك وتبقى جنتي
ابتسم على كلامها ، دخل الخاتم باصبعها دلالة على موافقته على كلامها ، صرخوا الحضور بفرح وناظرها بحب عميق باين بعيونه : مابغيتك بالحرام ولا بالظلام مابغيت الا " ولف على مشعل " مشعل ياغنى يصير خال ولدي
ابتسم له مشعل وهو لو يدور الدنيا مو لاقي لاخته وبنت اخوه بنفس الوقت افضل منه ، شالها من خصرها ودار فيها بفرح وسعادة والله تحقق مناها وش يبي اكثر ؟
'
بعد 6 شهور .
مشعل يجلس وولده عزيز في حضنه بإبتسامة : وش استفدتوا من اخر ثلاث سنين بحياتكم
عزيز يبتسم وهو يناظر نيلوفر ومشعل : ان الحب مايعرف كبير ولا صغير ومايعرف عُمر ولا كره ولا انتقام يجبر كل الظروف تنتحي له
غنى : مو كل حب من طرف واحد مو ناجح هذا صهيب حبني من طرف واحد وماحبيته زي ماحبني الا بعد الزواج وان كل زواج ممكن ينجح حتى لو بشكل شبهه تقليدي مثل زواجنا مو شرط عن قصة حب " ولفت ببإبتسامة ل صهيب اللي يناظرها بحب ".
نيلوفر وهي تناظر عزيز وليان : وقصة مناشدة ليان ل عزيز كان اثرها حافظ على ابتسامتك وبث الفرحة في اللي حولك ساعد وسامح لانك ماتدري وش الاثر اللي بتطبعه على نفوس الناس وكيف ممكن يغير الكثير من محيطك
عزيز وهي يضم ليان من على جمب : لا توقف حياتك عشان حُب مالقيت فيه استجابة مثل حبي السابق ل نيلوفر " ضربته ليان بخصره بغيره ، ضحك " خلاص اسف روح للي يحبك مو للي تحبه ، لان اللي تحبه مايدوم بعكس اللي يحبك ! التفت ل الحياة فيه كثير يحبونك " باس خد ليان " جعلني فداهم
ليان وهي تلعب باصابع عزيز : كافح عشان حُبك ابعث بنفسك الامل تصالح مع الحياة تتصالح معك
ملاذ بابتسامة : خلصتوا كل شي علينا وش نقول 😂؟
غنى تبتسم : يالله نلحق على ملكة سلطان وشادن لا يذبحونا
مشعل يضحك : حتى شادن الناعمة خربتها ليان بدفاشتها
عزيز يناظره بطرف عين : لا تغلط اقول
مشعل : استح على وجهك واحترم نفسك انا عمك
عزيز يضحك وهو يهج : عمي الشايب
ابتسمت غنى عليهم وهي تحط يدها على بطنها حامل بالشهر الرابع حملت بصعوبة بسبب كسر الحوض عندها ، انحنت وهي تشوف بنت ملاذ ونايف تبكي بسبب عزيز ولد مشعل ونيلوفر اللي يشد شعرها عشانها اخذت مصاصة اخته
غنى بتعب نادتهم : شوفوا عيالكم يبكون
صهيب يرفعها لا يعورها ظهرها : وش عليكم من ذا القرودة " باس خدها " انتبهي على قردي بس
ضحكت غنى وهي تحط راسها بحضنه ، لعب باصابعه بشعرها وهمس عند اذنها : مابغيتك بالحرام ولا بالظلام مابغيت الا مشعل يصير خال ولدي .
'
تمت ب حمدالله روايتي الثانية المُختلفة كليًا عن جميع الروايات ماشاء الله تبارك الله ، ان اصبت فهو من فضل الله وان اخطت فهو من الشيطان ، سامحوني واعذروني على القصور 🌸.
حبيت تكون روايتي هذي مختلفة عن الجميع حتى ب مشاعر ابطالها زي لما غنى رفضت ان مشاعرها تغطي على عقلها وحكمتها ، وان ممكن ل كل زواج ينجح حتى لو كان بشكل تقليدي ولكل شي خيرة فلا تحزن وتسخط .
'
ولدت في 4 /5 / 1437 ، وتمت في 25 / 7 / 1437 .
'
رايكم بالرواية بكل صراحة وبقرا كل الكومنتات اوعدكم .
اللى اللقاء في روايتي الثالثة ان شاء الله 💜
لمتابعة جديد روايتي اول بأول حسابي بالآنستقرام : @iblackengel
'
استودعتكم الله .