#مشاعر واضحة

البارت الاول 🥈

البارت لاول
لايوجد أصعب من ان نتألم بصمت ونغلق باب قلبنا لكي لايفضح أمرنا ونهرب من كل شيء حولنا لكي نخبئ نظراتنا

كنت ومازلت اقف خلف الجدار واختلس النظر
الى من احببت منذ الصغر مازلت واقفه الى الان في مكاني
كنت ‏اشاهده وهو يلاعبها وهي ترقص وتغني وتضحك
ومرت الايام وكبرنا واصبح يقبلها ويحتضنها وانا مازلت اختلس ‏
النظر واقف خلف الجدار وابكي بصمت
وكلما  نظر الى عيونها اموت الف مرة ومرة
اشعر بلااختناق انا كالعصفورة سجينه ولكن ليس بقفص
بل انا سجينه قلبي

ياقلبي متى تتحرر وياعيني متى تكتفي من اختلاس النظر وياقدمي متى تكتفين من الخطوات الى محطات الحزن
ياانا يكفي لقد ارهقتي نفسك طول هذا الوقت
بلانتظار
هو لايبالي بك هو لايهتم بك هو لايشعر بك
هو يتجاهلك
ياانا يكفي لاتستمري بالحزن
يكفي افتحي نوافذ قلبك ليدخلها نور الشمس
ولكن ‏
كيف لي ان افتح نوافذ قلبي وانا اغلقها دائما خوف من ان يعرف الكل ماذا اخبئ بقلبي
اعلم بأني سوف  استمر بحزني ولكني سوف استمر بالنظر
سوف استمر بلاانتظار بمحطات الحزن
واذا لم تأتي سوف ابقى انتظر الى اخر العمر

               🌸 🌸 🌸 🌸 🌸
‏
(((الفرق الي بيني وبين فهد  جبير هوايه هو دكتور
واني بنت خالته
خالته الي ازوجت رجال فقير معدم واصبحت شبه منبوذة من اهلها ‏
مرت الايام واحنا مستوانا اقل من الكل مرت الايام
واحنا مجرد نخدمهم ونركض حتى نساعدهم
اكيد الي مثل فهد  ميباوع عليه لان هو من صغير يحب بت خالتي الصيدلانيه الي من نفس مستواة
ونفس وضعه الاجتماعيه
انما احنا العائله الي مكونه من خمس اشخاص
الي هي اني واختي واخويه الاصغر منا والدي
الي حاليا مقعد
وامي الي تحاول بكل جهدها توفرنا معيشتنا اكيد نختلف عن عالمه 
امي خياطه وعايشين على كد يومنا  بس بعدنا محتفظين بعزت نفسنا وكرامتنا محد يدك الباب وينطينا لان احنا مومحتاجين هاي كانت دائما كلمه امي
جنت دورات افز من نومتي والكه امي كاعدة على المكينه
وتفرك بعينها من التعب
كانت تجبر نفسها وتضغط على روحها لخاطرنا
ايام وايام مرت وكبرنا وماتغير شي اني خلصت سادس اعدادي واختي داوم معهد معلمات واخويه طالب
متوسطه
كمت اساعد امي واخيط وياها
حياتنا برغم صعوبتها بس ماشيه والحمدلله
عايشين يومنا وسادين جوعنه
اني اسمي  ترف
برغم انو كبرت وصرت حلوة بس مكان جمالي الى
دور بحياتي
عمري حاليا24سنه
هوايه تقدمولي بس مكنت اقبل
لان احس مشاعري وقلبي مو ملكي
طول عمري محبوسه بقفص كلبي
ومااكدر اتخلص من هالقفص  احس  مفتاح قفل القفص ضايع
طول عمري اباوع فهد من بعيد وكلبي ينبض ويدك ويا كل خطوة
من اشوفه احس روح ضيع مني احبه من احنا صغار
بس هو ميشوفني ميهتملي بيوم الي يبتسملي
واني اعرف بي يجاملني احس روحي ملكت الدنيا كلها
بس ياحسرتي احنا وين وهو وين حتى الحب مستويات الدكتور فهد  ابن خالتي  الي شايفه نفسها
الي ماتذكر امي الا لمن عدها شي
وتحتاج احد يساعدها ‏
دز علينا
واليوم خابرتنا خالتي محتاجه للمساعدة مثل كل مرة ومثل كل مرة
اطلب من امي متروح بس ماتسمعني ودكلي
لازم اروح هاي اختي ومحتاجتني
ولان اختي آنا  متقبل تروح لبيت خالتي اضطر اني اروح اساعد امي
....ترف
....نعم
...كملتي يله راح نتأخر
....لابعدني
.....شدسوين صارلج ساعه
....هسه ابدل ونروح
...يله استعجلي
مديت راسي من ورا باب الغرفه
...ماما ترة مابيها داعي نروح نخدم احنا مو خدامين ولانشتغل يم اختج
خلي جيب خدامه قابل ماعدهم فلوس
...شوفي لتحجين حجي زايد هاي اختي وشوكت متريدني اروحلها متريدين تجين لتجين
.....اختج دائما تستغلج وانتي تقبلين وسكتين
.....اختي هاي واكبر مني شنو يعني اذا ساعدتها
....لو تريد مساعدة جان بعيني رحت بس هي تريد ذلنا لان احنا ماعدنا
كامت اجتي عليه للغرفه وسدت الباب
....شوفي ولج اني كم مرة تريد تنطيني فلوس واني مااقبل وكدامج واكللها اني اساعدج بس مامحتاجه
وانتي تعرفين بس خاف دتتحسسين علمود فهد فخلي بالج فهد ميباوع على الي مثلنا
خلي نحجي طك بطك وتعرفين يحب بت خالتج
....اني مااتحسس من فهد قابل شعندي وياة
..اني موغشيمه بس حبيت انبهج لتباعين ليفوك هوايه
لتنكسر ركبتج وعيشي عيشة اهلج
....اي هم صحيح
.....هسه تروحين
...اي هسه ابدل واروح وياج
طلعت امي وسدت الباب باوعت على نفسي بالمرايه
اني أحلى منها بهوايه احلى من حور  ‏
ليش يحبها الها 
ليش ميباوع عليه بس صدك كلام امي
اني من غير عالم
حسيت بغصه ودمعه محصور بعيني  خفت دمعتي تنزل مسحت عيني برغم مابيها دموع
وبدلت وطلعت
وجانت امي واكفه متحضرة رحت على والدي
وبسته من راسه
....بابا محتاج شي
...لاحبيبتي مامحتاج شي
وطبط على ظهري ومسح على شعري
والدي انسان بمنتهى الطيبه ماشفت  بحياتي هيج انسان طيب مثله بس للاسف ماعندةحظ بالدنيا
طلعنا من البيت ورحنا لبيت خالتي اول مادخلنا
شفنا فهد بالكراج دينزل من السيارة
اول مالمحته
كلبي نفض بقوة ‏
جان حلوووو فوك الطبيعي ولابس قاط رصاصي وشايل
الرداء الابيض مال اطباء
من شافنه ندار علينا وجان لابس مناظر
.....هلوووو خاله شلونج
،...هلو فهد حبيبي شلونج
..الحمدلله بخير
..دومك حبيب خالتك
باوعت حور واكفه باب المطبخ تباوع
كلت بكلبي هم موجودة
التافيت على فهد جان واكف يباوع عليه لان ماسلمت عليه
حسيت بالخنكه
كتله من ورا خشمي
...هلو دكتور فهد
....هلو
ترف شلونج
...من الله بخير اشكر اهتمامك
سكت حس بااسلوبي موطبيعي وياة
عد امي حاولت تكسر الموضوع وظلت تحجي وياة
واني عفتهم وتمشيت وتلكتني حور من الباب
بنطرونها والكعب العالي مالتها عبالك
عروسه
....هلو ترف
...هلو حور شلونج
....الحمدلله بخير
شنو خاله شدتحجي ويا فهد
...دسلم عليه
...ها موتأخرو
....هسه يدخلون
ودخلت ليجوة ورحت بوست خالتي وسلمت عليها
ودقايق ودخلت امي وراها فهد
بس فهد ضحكته ملت وجه  بس شاف حور وظل واكف يحجي وياها وهي تتموع وتدلل بحركاتها
وهو يباوع عليها
ظلو واكفين فوك النص ساعه واني اشتغل واباوع عليهم
وبعدين اجى وكف
يمي فهد لان جنت  داسوي سلاطه
كال
.... كلش جوعان
وخله الروب مالته على الكرسي وغسل يدة
واجى وكف  مرة لخ بصفي بحيث ريحه عطرة دوختني
وحسيت جسمي كام يرجف
وبدة يشيل من السلاطه وياكل
واني ساكته وكطعت النفس خفت اطلع صوت وجسمي كام يرجف اكثر
حس بيه
....بيج شي
هزيت براسي لا
رفع حاجبه ومشى من يمي
وبعدها ماحسيت الا واني دانطب بالكاع وفتحت عيني وشفت
نفسي على الجربايه مال خالتي وفهد
كامش يدي وديقيس الضغط مالتي وكلهم واكفين يباوعون عليه وامي
تبجي
....ماكو شي بس ضغطها هابط
خلوها شوي ترتاح
خلة عينه بعيني وتقرب مني
وحجى بصوت ناصي
.....انتي زينه بيج شي يوجعج
....لا
...فهد خاله فدوة شبيها كلي
....مابيها شي الضغط هابط بس ترة عدها فقر دم
ولان
وزنها همين كلش خفيف
من شلتها عود  تعالولي للعيادة اسويلها تحاليل بالمختبر الي يمي
متت من الخجل من عرفت بي شايلني
...اي طبعا عدها فقر دم متاكل غير
جان هذا صوت حور عود ددكول انتو فقرة متاكلون
رفع راسه باوعها ورجع عينه عليه
اني نزلت عيني من حجت  حور هيج
وامي وخالتي طلعو من الغرفه بقى هو كاعد كدامي
وحور واكفه
كلي
...ترف لازم تهتمين بنفسج ومحتاجه فيتامينات
....ان شاءالله
...يله فهد داريدك بموضوع
دار وجه وابتسم الها
وهي طلعت من الغرفه 
واني  كلش
ضجت بعد ماتحملت
كتله
....نشكرك دكتور تعبناك هوايه
وجنت داريد اكوم
وكلي
...وين دتروحين
...وانت شعليك
ملامحه تغيرت بسرعه وحواجبه صعدت
...دورات احسج مو طبيعيه
....اي اكيد الي بينا هوايه يا دكتور
ونزلت رجلي من الجربايه
وعدلت ملابسي
وطلعت للمطبخ وشافتني ماما كالتلي
....هاي ليش اجيتي
....مابيه شي صرت زينه
رجعت وكفت اشتغل وياهم على الميز
وشويه وبدو يوصلون اصدقاء زوج خالتي
وكمت الهي نفسي
ماكمت اباوع على فهد ولا على حور الي تفتر منا ومنا
بس جنت اسمع كلام ماما وخالتي
....ماما سئلت خالتي
.....لعد شوكت ازوجين فهد
....والله مايعجبه العجب وهسه طالعلي فكرت السفر
...شعجب يريد يسافر
...تعرفين عد هو شخصية قويه وشورى  من راسه
وشو كال اريد اساس....لعد اني عبالي راح تخطبيله حور ...اي والله اني اتمنى تعرفين هما من صغار واحد قريب من الثاني
وبس وياها هيج مختلف...اي شكوبيها حور  حلوة وبت خالته وحبابه.................. ستوب خلص البارت اتمنه تكون عجبتكم القصه إذا عجبتكم صوتو وشجعوني بالتعليقات وطبعا القصه حقيقيه والله وصاحبة القصة كرايب صديقتي والأسماء مو حقيقية. والنشر حيكون يمته متدزلي الأحداث واني أضيف شكم شغله واعدل الأسماء احبكم ❤️

وبنات ادخلو عله حساب الكاتبه روز حتلكون كتاب تجمع كاتبات اني والكاتبه روز وزوزة حنسوي مسابقات ودردشة وياكم وحنسوي تحدي احنه الكاتبات كل وحدة تسوي بارت بي إشعار وصور وانتو تكولونه منو احلة هذا حساب روز MNAR_98_ ادخلو حتلكون الكتاب اسمة
(احله لمة كاتبات) 🇮🇶 بأي احبكم