#مشاعر واضحة

البارت الثاني 🥈

مشاعر واضحة #

البارت الثاني

ديله اني راح اروح اغسل واغير ملابسي
واروح اكعد يم العالم عيب وانتي وترف  خلصو
...اي بعيني
راحت خالتي شمرت الماعون من يدي
...يعني شنو هيج تحجي وياج شنو خدامات
مالتهم شنو هلااسلوب هي تروح تكعد واحنا نكعد نخدم
...نصي صوتج ليسمعوج
اني اعرف وين دماراتج سكتي احسلج لسوينه مشكله خلي يخلص هذا اليوم على خير
....ماااريد اشتغل اني
....روحي لتشتغلين اذليني يعني
....احنا اصلا مذلولين ياالله ليش هيج احنا شنو فرقنا
....حمدي الله وشكري غيرج ملاكي الكمه
بس اني صوجي بعد ولااجيبج ويايه
....وانتي هم بعد متجين تشتغلين عند احد
تريد اجيب خدامه الله مفضل عليها
....سكتي معليج كافي عد شلون راح اسوينه مصيبه
غسلت يدي وطلعت كعدت بالمرجوحه
غمضت عيني ورجعت راسي ليورة وظليت اروح واجي بالمرجوحه
حسيت المرجوحه وكفت
...هي ياحلووووً
فتحت عيني شفت ولد شاب واكف يباوع بوجهي ومرسومه ابتسامه على وجه
نفضت نفسي وكمت
....انت منو
....على كيفج شبيج فزيتي
.... انت منو طبعا افز
....اللهم صلي على محمد واله محمد
سبحان الخالق
....عزة بعينك
طكها بضحكه وكف
....كلي اني حبيت اتمازح وياج بس صراحه منظرج جذبني
اني الدكتور صخر
صديق فهد وابن صديق والده واعرف فهد ماعندة
اخت انتي منو
...اهلا وسهلا اني بت خالته
....اها حلوو تشرفنه بمعرفتج
...الي الشرف اكيد
....اسفه بس جنت تعبانه واجيت شويه استراح
....لابالعكس جان المفروض مااكعدجً
اظل اباوع ههههه
....ههههه يله من رخصتك
....غاليه
ولمن نداريت شفت فهد واكف يباوع علينا
سمعته يصيح
من ورايه
....انتي شنو اسمج
....اسمي ترف
وصلت لباب المطبخ وفتحتها ودخلت فهد ماحجه شي
راح ليجوة وبعد ماشفته لحد ماخلصت العزيمه وطلعو الخطار
وبعد ماطلعو احنا تحضرنا حتى نروح للبيت اجى ابن خالتي جهاد  اخو حور
سلم وباوع عليه
...انتي ليش كلما اشوفج اصيرين احلى شنو السر
...هههه يمه من لسانك
...ماما كالت تخربطت اليوم وجهها اصفر
فتح عينه واجى عليه
.....انتي بيج شي اوديج لدكتور نروح للمستشفى
....ههههه على كيفك مابيه شي
....دمشي خلي نروح حتى نطمن
....مابيه شي فحصني فهد الضغط نازل شويه
....اكيد
....اي اكيد
....تعالو اوصلكم
...وماما كالت ياريت
وفعلا وصلنا جهاد ورجعنا لبيتنا ومر كم يوم وظليت ملتهيه ويا والدي والخياطه 
واليوم العصر كاعدة اخيط وسمعت امي
....دكول الف مبروك اي اكيد باجر نجي
اني والبنات
ولمن سدت التلفون  اني رحت عليها
.....ها ماما شكو
...فهد خطب حور وباجر قرايت الفاتحه وكالو راح نسوي كعدة. بينه
فلازم نروح اني وياج واختج
...ماااروح اني ومااخدم احد بعد
....استغفرالله منخدم احد هما بيت خالتج ام جهاد مسوين كعدة نبدل ونروح
.....مااروح اني انتي روحي
..ليش متروحين
....مااريد اروح ميعجبني اني لااحب فهد ولااحب حور
....اوف ماااريد احجي ترف بس سمعي مني زين
لظلين تحلمين هسه المفروض تعرفين حلمج لهنا خلص
كافي التفتي يابنتي لحياتج
لظلين تحلمين
اني اعرفج سباعيه وقويه وميهزج شي بالعكس يابنتي روحي وتأنقي وكعدي وضحكي ولتنقهرين
لخاطري لاتخليني اظل بقهري عليج ترة اني مناقصه قهر
.... ميخالف اروح
واخذت حزني بجرة ودخلت لغرفتي وشعوري شعور
الطير المكسورة جناحه ‏
بيه حزن جبير بيه كسرت طفل تايه يدور على امه
بس كمت اكول ليش احس بقهر وهو ميشوفني بعينه
وعينه متباوع على غيرها
واقنع نفسي واكول كلشي قسمه ونصيب
حتى قهرنا هم قسمتنه
وهذا نصيبي
جنت كلما انقهر واريد ابجي اركض اروح للغرفه
وافتح الشباك واظل واكفه بدون حركه
حتى النفس يصير بطيئ
واخذ حسرة وتتبعها حسرة
مر هذا اليوم وخلص مثل اي يوم بحياتي مابي شي حلووو
بس اليوم كانت ‏جرعة الحزن  بي مركزة وقويه
جان يوم عبارة  عن ألم
عبارة عن خيالات وصور وافكار
ودمع وانتهى يومي وجنت على امل انو باانتهاء يومي ينتهي
حزني بس مااعتقد الحزن راح يفارقني
لمن فتحت عيني حتى استقبل نهار جديد
حسيت بوجع يهز كل جسمي حسيت بمغص
يشل حركتي
بس حاولت ادوس على نفسي وأكابر مثل كل مرة
....ترف
....ها ماما
....يله بنتي كومي  اليوم ورانا روحة
...اي كمت
لمن طلعت للمطبخ سمعت رنا وامي يتناقشون
ومختصر الكلام رنا متريد تروح
مكنت  بمزاج يخليني احجي وادخل بشي
او اتناقش
رحت واخذت كوب جاي
وكعدت على صفحه  كانت امي تباوع عليه
ابتسمت الها
بس جانت ابتسامتي حزينه   وباردة وبيها الف معنى
..بيج شي بنتي
...لا مابيه شي
....حبيبتي اذا متريدين تروحين لتروحين
....لااروح
جتي كدامي وكفت وخلت يدها على شعري
.... ياماما لتنقهرين كلشي قسمه وانتي بعدج صغيرة وحلوة
وموبس حلوة انتي تشبهين الكمر اني متاكدة
هسه يجي واحد يزوجج ويسعدج ويتمنالج الرضى ترضين
بس كولي ياالله خلي الله يفتحها بوجهج
.....ياالله
......كومي حبيبتي اكلي وخلصي شغلج وبدلي واريدج تصيرين انيقه واحلى من كل الموجودين
.....ان شاءالله
كمت خلصت كم شغله وغسلت وبدلت وجان عندي
نفنوف اسود طويل  هو مكان مال مناسبه بس كان  حلو وجذاب وصدك حبيت اكون احلى الكل اليوم وخليت مكياج لااول مرة لان قبل كنت اخلي بس مااطلع بي
بس قررت منا وجاي اخلي لان شفت شكلي شلون تغير وحسيته خله عندي ثقه بنفسي اكثر 
وردت  اليوم اثبت لنفسي انو شنو يعني الدنيا راح توكف عادي ماكوحياة توكف
وبعد ماكملت
لبست جاكيت طويل وطلعت على ماما
....ماما اني كملت يله نروح
....ماشاءالله
شنو هالجمال طالعه اليوم
سمعت بابا يكول
....موكتلج انتي اسمج ينطبق عليج الله يحلي حظج
مثل مامجمل شكلج
....ان شاءالله بابا
...يله بنتي
طلعنا واخذنا تكسي ورحنا لبيت خالتي ام جهاد
جان هوايه اكو عالم اني اصورت كعدة عائليه بس
خالتي ام جهاد  وبتها حور يحبون المظاهر
وممصدكين فهد خاطب حور
دخلت امي واني كنت امشي خلفها
دخلنا جوة جانو خوالي وخالاتي واشخاص مااعرفهم واغلبهن نسوان
...ترف
....هاا
...روحي بنتي نزعي الجاكيت وتعاي
...اي يله
دخلت للغرفه الجوة وكفت على المرايه ونزعت الجاكيت وعدلت شعري
وبقيت اباوع على انعكاس صورتي ودورت شي يهدي الصوت الي بكلبي
بس مالكيت غمضت عيني وجريت نفس طويل
وطلعت من الغرفه وسمعت صوت هلاهل ‏
تمشيت ورحت وكفت يم باب الصاله شفت
فهد وخالتي  واصلين وديدخلون
ظليت واكفه ورا الحايط واباوع ومادخلت
وحسيت الكون وكف وبقت بس عواطفي
ودكات كلبي المتسارعه
باوعت على فهد  جان حلو وجذاب ومغرور مثل كل مرة
باوعت خطواته واقترابه منها وبعدين كعد بصفها
الكل جانو يضحكون ويبتسمون
بس اني واكفه نفس الوكفه الي جنت اوكفها قبل من اني صغيرة بعدني اباوع عليه من بعيد
بعدني هذيج الطفله الي تحب برغم هي متعرف شنو يعني الحب
بعدني اختلس النظر من بعيد
قبل جان ميلعب ويايه ويعيط عليه ويروح يركض عليها
ويلعبها وجنت اوكف بحزن طفله واباوعهم من بعيد
شلون يضحكون ويركضون
وجنت اكتفي بالسكوت
وهسه كبرت وبعدني واكفه اباوع من بعيد
اباوع الانسان الوحيد الي حبيته وهو ميشعر بيه
وهو ميحس بيه و هو ميهتم لوجودي
صعب الشعور لمن يكون الحب من طرف واحد
شعور قاتل فعلا شعور ‏مميت
صعب لمن تتعذب وتسهر وماكو احد يحس بيك
وتبجي وماكو احد يمسح دمعتك
موشرط نحب الانسان الي يبادلنا المشاعر المشكله
اغلب  اختيارات قلوبنا بالحب ‏خاطئة
بس حكم القلب
رجعت خصلات شعري ليورة ومسحت عيني واستجمعت كل قوتي ودخلت وبديت اسلم على الموجودين
والكل ظهر اعجابه الشديد بيه
للحظات كنت اظن انو  هاي الحفله اني صاحبتها
بسسب انو اني سرقت الاضواء من العروسه
وبعدها رحت وسلمت عليهم
...مساء الخير
...مبروك عليكم.
.....الله يبارك بيج ترف
....كلي  ترف ماعرفتج
....ابتسمت
بوست حور ورحت كعدت بالكرسي الي كدام
فهد جان يباوعلي ويدير وجه
مااعرف ليش حسيت بي موسعيد جان كاعد ومبين عليه عدم الاهتمام
وللحظه حسيته متشتت
نداريت احجي ويا ابن خالتي جهاد ولمن رجعت التافيت جان صافن ويباوع عليه
مهتم من شفته
ضحكتلي حور واني ضحكت الها
وخلت يدها على يد فهد وهو ابتسم
حسيت اني دخت باابتسامه موهي
وبعدها حاولت الهي نفسي واحجي
ويااي شخص اشوفه حتى لايبين عليه شي لان عيوني جانت بيها الف نظرة
كمت اكول ياروحي سكتي ضمي وجعج  شفته طلع جكارة
وكام يدخن وبعدها كام ماادري وين راح
ورجع كعد
وعبالك مخنوك طلع تلفونه وباوع عليه ورجعه
شفت حور تأشرلي
ودكلي تعاي
...استغفرالله هاي شتريد مني
رحتلها
...ها حور  محتاجه شي
....لا بس تعاي كعدي هنا
...أو........................................... ستوب خلص البارت اتمنه يكون عجبكم لتنسوون التصويت ومثل مكلتلكم اني مو بيدي وقت النشر يمته متدزلي الأحداث اسوي التعديلات واضيف شكم شغله واعدل الأسماء وانشرة  بأي صوتو
احبكم ❤️ والتفاعل زباله وميسوي واهس ابد هسة عاد عيب من البنيه صوتو شبيكم