#مشاعر واضحة

البارت الواحد والعشرون

البارت 21

الأم ....يعني انتي تقبلين بصخر  لو علمودي دترضيني
...لاموعلى مودج بس اني اريد ازوج
....مااعرف بابنتي شو مامرتاحه لكلامج شو داحس نفس زواجت اختج صارت صحيح اني حجيت البارحه بس بالليل من خليت راسي ونمت فكرت
كلت خوما علمود والله دكتور اخليها تعيش ممرتاحه
تبقى متزوج احسن ماازوجها وتعيش موسعيدة
....لاامي اني قررت خلص فعلا هي فرصه متتعوض هو مبين خوش ولد
لعد اخابر خالتج ونحجي
لان المراة كايله ننتظر خبر منكم
...اي هاي هي
وكمت وكفت
...وين تروحين بنتي
...اروح انام
....روحي بنتي
ظليت هذا اليوم كله نايمه ومريضه وصرت فلاونزة
وراسي يريد ينفجر من الوجع
وامي مخابرات ويا خالتي وماعرفت شكو وثاني
يوم
كالتلي امي
......اكلج ترف
...ها
...خالتج انطت خبر لبيت الولد وكالو على الاقل نقرأ
الفاتحه بيننا ويعقدلكم شيخ وبعدين عود منا لفترة
تزوجون علما يمر فترة على وفاة زوج خالتج
....اي بكيفج الي تريدي
....وانتي شتريدين بنتي
....مااريد شي اريد تخلص هاي الزواجه بسرعه
.....ليش هيج
...احسن
... يمه داشوف فرحتج مكسورة
....مابيه شي فترة واتعود على حياة جديدة
...اني اروح اليوم اشوف خالتج ام جهاد  واحجي وياها
ونشوف شلون
...براحتج
مر مايقارب اسبوع وبهذا الاسبوع
قررو انو يجي الولد وابو واخته وامه يجون بيت خالتي بوجود ابويه واخويه وزوج خالتي مجرد يقرون الفاتحه ونعقد بالبيت وفد شهرين نزوج
مجان مقرر كيف الزواج بعد
واجى اليوم الي المفروض فرحتي وضحكتي تمله وجهي
وتنوره
بس جنت حالي حال الميته
روحي غايبه عني
خابرت اختي رنا
....رنه كلبي مشتاقتلج
طبعا صارت عادة كلما اخابر رنا تبجي مااعرف شسويلها
.....اني زينه وانتي ياكلبي ياعروسه شلونج
من كلتلي عروسه طكيت من البجي
...ياعروسه اني داموت رنا كلبي ديدكطع
ماا

STORY CONTINUES BELOW

عرف شسوي
.....

.ليش حبيبتي انتي موقبلتي
......اي ردت اخلص من شي بشي بس كلبي متعبني
.....حاسه بيج اختي احنا مالكينا الراحه بس بلكي
خوش ولد ويحبج وتبدين تحبي وتنسين كلشي
.....مااكدر انسى مستحيل
.....نتعود على الالم ياترف  كلما يمر الوكت
....ماعرف اذا راح نتعود لولا واني بالي يمج
داحسج مامرتاحه
...لشيلين همي واحاول عن قريب اجيكم
....ياريت مشتاقتلج
....واني هم عاجبني كلش احضنج وانام بصفج ونكعد نسولف للصبح واحجيلج على الي بيه
....ان شاء الله
...لتنقهربن فرحي ولو شويه
... الله كريم 
...مع السلامه
....عود اخابرج مع السلامه
سمعت امي من ورايه واكفه دكلي
....اوف ياحظكم انتن امر من حظي
استغفرالله ربي ليش هيج احنا شنو الي مسوي بحياتنا حتى منفرح شويه الحمدلله على كل حال
...الحمدلله امي الحمدلله
هاي شنو بيدج
...اشتريتلج هذا حتى تلبسي اليوم
فتحت العلاكه جان بنطرون نيلي وبي مثل السترة الكصيرة هم لونها نيلي عود لان حزانه ميصير نلبس الوان
.....رحتي لااختج انتي قبل كم يوم مو
...اي رحت وكتلها وكالت اي خلي تزوج والله يوفقها
وجهاد  هم صاير زين احسن ديتحسن
يوم عن يوم بس علااساس محولي لغير دكتور
لان فهد  ماكو مسافر صارله كم يوم
...اي
....بيج شي ماما تريدين نوكف كلشي كوليلي
...لا منوكف شي
...زين بكيفج بعد اليوم ساعه بلاربعه العصر العالم هناك بيت خالتج
فلازم نروح من وكت
...ميخالف
جنت حتى مابيه حيل اجاوب واخذ وانطي كلشي دكلي عليه امي اكللها ميخالف
كمت ورا شويه بدلت وخليت مكياج من الي انطتنياة رنا ردت اخفي ذبول وجهي لان جنت عبالك مريضه
وكملت وطلعت انتظرتهم يخلصون حتى تخلص هالمسرحيه بسرعه
وبعدها كملنا واخذنا تكسي وكلنا رحنا ابويه واني وامي وعلي اخويه دخلت ودفعت عربانه ابويه بس من دخلت تفاجأت بفهد  موجود مباوعت عليه وهو من شافني دخل جوة
كالتلي خالتي دخلي ابوج للصاله
دخلته للصاله جان زوج خالتي كاعد
ورديت طلعت كعدت بالهول وحدي
صارت كدامي صورة فهد  نزلت عيني
وبعدها ردت اكوم كلت اشوف محتاجين شي مني
ولمن كمت ونداريت شفت فهد  واكف على الدرج ويباوع عليه
كلت لروحي ياربي لشوكت اتحمل وجودة لشوكت اظل ضعيفه من ورا ليش دائما بوجهي
يطلع شوكت اخلص بعد واكوم ماااشوفه
رحت للمطبخ
وسئلت ماما
....محتاجين شي
....لاماما كعدي لتخربطين نفسج ماعدنا شي
هسه العالم يجون
بقيت كاعدة
لحد ماوصلو العالم ودخلو جوة الرياجيل واجتي ام صخر   واخته وكعدنا بالهول مال بيت خالتي
وبعدها بشويه صاحوني كالولي ديعقدولج وكفت ورا الباب وسمعت صوت خشن سئلني انتي موافقه على الزواج وجان ديحجي وياشخص مااعرف شيكله مجنت افهم شيكولون بعدها كعدت
وكالت امي عقدو وبوستني وأم صخر  او بوستني واخته وخالتي جنت بكوة اضحك والضحكه اجرها جر
وشويه واجى اخويه علي
كال
....الشيخ راح تعالي
دخلت جوة ورحت بوست ابويه وابو صخر  باركلي وباسني من راسي وزوج خالتي هم باسني من راسي
ومشيت ورحت وكفت يم صخر  وجان فهد  واكف بصف صخر
وصخر  كمش يدي وتقرب عليه وباسني من كصتي
وكلي
....مبروك ياعروسه
...الله يبارك بيك
....كعدي هنا
وكعدت بصفه
واجتي خالتي وامي وام صخر  والكل كعدو
بس حسيت فهد  ديموت ثلاث مرات طلع
ورجع ماادري وين يروح
واما صخر كل شويه متقرب من يمي وكايلي شي
واني ممركزة شيكول بس ابتسم
ولمن كام صخر  ورجع كله
صخر  بصوت ناصي
.... ليش مجوز من الجكاير مو راح تموتك
....شسوي
ندار عليه كلي
....تعرفين جنت اطلع ويا بالسيارة واشوف الجكاير مالته اكسرهن واذبهن ويجي يشوفهن ماكو يكوم يعيط ويصيح
وضحك شوفي بله هذا دكتور عود
...اي
كله
....اي هوايه اشرب جكاير بس هي الي تريحني
وتبرد كلبي
...قصدك تحرك كلبك
....هو محروك كلبي وابتسم
....دعوف هاي السوالف ويله شد حيلك وزوج حتى يجوز نسوي زواجنا سوا اني وياك
رفع عينه فهد  وباوعلي واني باوعت عليه ودرت وجهي
...ان شاءالله اذا مغيرت رأي
....لا شتغير رأيك ميصير شدكولين ترف  يصير
...لاميصير
...باوع حتى بت خالتك متقبل
صدك كلي فهد  انتو اصدقاء من انتو اصغار
....اي صحيح
مختنكه والحجي ميطلع مني وهو صاير نار وصخر  جان ديصرف بحريه لان فهد  صديقه
وهو مبين سبورتي
ويضحك ويشاقه بس مجرد ماكعدت يمه حسيت بالضيق وردت بس ابتعد عنه
....ياحلوو الماخذ عقلك
....نعم
....ههههه
....داحجي وياج مسمعتيني
...اسفه
...ولايهمج ماكلتيلي اسمج الحلو شنو دلعه
قبل ماارد جاوب فهد
......تريفانه
....تريفانه  صدك حلووو
غمزلي وضحك
كام وكف فهد  وطلع وبعد مارجع وظليت كاعدة يم صخر
وهو يحجي واني اجاوبه بس بدون لهفه بدون اهتمام بدون سعادة هاليوم فعلا كنت جسد بلا روح
كنت مغيبه العقل والقلب
يمكن داحاول ابحث عن حلم بس من بقايا انكساري
واحاول اصنع حلم جديد
فهد  موسهل انسى هذا الانسان حبيته موبس حبيته عشقته واخذمني هوايه دمع وهوايه وجع
موسهل انسى انسان جنت

اسجد لربي حتى يجمعني بي حتى لو بالحلم
مجان هو شي عابر بحياتي
اخذ عمري كله اخذ الروح الي املكها مااعرف هذا الانسان الي كاعد بصفي شراح اكدر اقدمله واني مباقي بيه شي اقدمه
مابقى حب بداخلي انطي
هم اكدر انساك وانت وجع
...تريفانه
فز كلبي ونبض من كلي تريفانه  لان بس فهد  يكلي تريفانه  ليش كله تريفانه  حتى اظل اذكره حتى ماانسى
وليش اليوم كاعد كدامي ونظرات عيونه بيها الف كلمه
وصمته بي الف معنى
شيريد بعد
وشلون بيه بعدني احبه وهو يشوفني وحدة رخيصه
شلون
...نعم دكتور
...ههههه يادكتور اني هسه رجلج صيحيلي صخر  او دلعيني براحتج
رجلج شكد حلوة هاي الكلمه بس لمن تنكال على انسان تحبي
وتحسين انج فزتي بكلبه وهو فاز بحبج
ضحكتله
..مومتعودة بعدني
...تعودي عرفت ماعندج تلفون
....اي صحيح
....هسه باجر اشتريلج تلفون واجيبه الج حتى نتحاجه اني وياج
...ان شاءالله
.....انتي حلوة هوايه
...هاي عيونك الحلوة
...بيج شي
...لا
...شنو خجلانه
...اي شويه
....مابينه خجل بعد
....اي
صخر 
.....نعم
...يله ابني تلحك تكعد وتشبع منها هههه
والكل ضحكو
يله دروح
....اي يله خلي نتوكل
وكفو ديروحون واني هم وكفت بصف صخر 
وباوعت ليكدام جان فهد  واكف برة الصاله بس كدامنا ديباوع من بعيد وبيدة جكارة وحسيت شي بارد كمش يدي
جانت يد صخر 
كلي.
...باجر نتشاوف زين
....زين
....دربالج على نفسج ياحلوووو
....ههه ان شاءالله انت همً
وترك يدي وطلع هو واهله
وبقيت اني وابويه رحت عليه وبسته من راسه ودفعت عربانته وطلعت للمطبخ وديته
ودخل فهد  للصاله
واني رجعت اشيل الغراض وهو نايم
......... يتبع

ستوب خلص البارت اتمنه يكون عجبكم أنطوني رأيكم بشخصية  صخر وشنو تتوقعون يصير بالمستقبل صوتو احبكم 🥀🥀