#مشاعر واضحة

البارت الرابع

البارت الرابع

ترف
انطيته الدوة لابويه  وشربه
...تعاي كعدي بنتي
كعدت بصفه
...اي ترف شبيج بنتي عبالك ضايجه
كلت شنو السالفه الكل حسو بيه
...لا بابا حبيبي مابيه شي
...شو داحس ضايجه
...لا ماكوشي
...اي حلوة جانت الحفله
....كعدة مجان اكو احد غريب
...الله يهنيهم
..ان شاءالله
...يوم زواجج
،...اني ماازوج
...لشوكت يابنتي انتي دتكبرين مدصغرين
...اي شراح يسولي الزواج نفس الشي
....لا يابنتي الزواج عائله واستقرار بس كون انسان يخاف الله بيج
ومايأذيج ويراعيج
...الله كريم
...الله كله كرم مانعرف الله شضاملنا وين قسمتج
...ونعم بالله
يله بابا اني راح اروح انام تريد شي
...لابنتي تسلمين
....تصبح على خير
وبسته من راسه وعدلت الغطه ماله
ورحت لغرفتي ورنا كعدت تحجي وتريد تعرف شنو
الي صار وشنو الي نحجى وشلابسين
ومنو بالحفله خبلتني لحد ماعفتها ونمت
وبدة يوم مثل كل يوم
يومي ‏مكينة خياطة و ‏أدوية ابويه وكلام امي وعصبيتها
ومكسرات اخويه ومشاكله وسوالف رنا و دلعها علينا
يومي بسيط مابي تجدد
نوبات احس نفسي معايشه
احس بحياتي الباردة الي مابيها روح
بس ارجع واكول الحمدلله الي الله ساترنا
وعايشين
هيج هيج
الدنيا ماشيه
...ترف
...نعم
....يله حضري روحج
...استغفرالله اكيد بيت اختج
...اي خطيه محتاجتنا اختي باجر عازمين ناس هوايه اصدقاء رجل خالتج شيوخ ديجون من محافظه
STORY CONTINUES BELOW

وهسه كالت بلكي تجون ساعدوني وحتى حور هناك
ويجوز نبات جيبلج ملابس وياج
...وبابا شلون بله وليش اصلا نبات
واني مااروح
...دمشي ياامي لاتخلصين كلبي مثل كل مرة
...ترة ضجت مو بين يوم ويوم لو كل يومين
ومخابرتنه وكايله تعالو خدموني واشتغلو ‏
...بنتي كلهم هناك خالتج ام جهاد  حتى جهاد  وحور
لأن فهد  ماموجود عندة دوام تعرفين
....استغفرالله
يوميه فلم
...يله ماما ميخالف انتي الكل يحبوج ويمدحون بيج
ياكلبي يابنتي
..شوفي ماما هاي اخر مرة بعد مااروح لان ضجت من صدك
...يله ميخالف
...زين وبابا
....مواختج موجودة
...وشلون عليها اعتماد عود
....لا لتخافين اني احجي وياها
....زين شوكت نروح
...هسه فدشويه وراح يجي جهاد علينا لان
هو عندة شغله هنا ‏بمنطقتنا وكال اجي اوديكم
...زين لعد احسن مناخذ تكسي
...اي اكيد احسن روحي تحضري
....يله رايحه
دخلت لغرفتي
غيرت ملابسي وطلعت
بسرعه
......يله خلصت
.....اي دكعدي هسه يجي جهاد
وشويه وسمعت صوت هورن وطلعنا اني
وماما
بس عبالك جهاد بي شي او تغير ويايه اني بالذات
ويا ماما عادي بس ويايه
متغير كلش
وجانت عيونه تحجي بالنظرات
مااعرف يمكن لان اخر مرة الموقف الصار الي كان بينه
وبين فهد
والكلام الي مامفهوم بينهم يجوز هو السبب
اني شعليه هما بينهم
على كولت ابو المثل يادخل بين البصله وقشرتها
ماينولك غير ريحتها
هو فهد صار نسيبهم
اوف يافهد كلما اذكر اسمه تصير عندي غصه بكلبي
وروحي تهيم بعيد عني
ليش عود احنا دائما نركض على الي ميحبنا
ونتعذب ونسهر ونتألم وهو ماداري بينا
... ترف
جان صوت جهاد
انتبهت السيارة جانت واكفه اظاهر افكاري اخذتني من دنيتي وحتى ماحسيت انو احنا وصلنا
...نعم
....الماخذ عقلج يتهنى
..هههه ‏
....محد ماخذ عقلي بس سرحت بخيالاتي شويه
....نياله عمي
ماما دارت وجهها عليه وغمزتلي بعينها بعصبيه
هاي الحركه تسويها من ضوج وبعدين تحاسبنا
بس مافتهمت ليش دسويلي هيج اني سويت
وفتحت باب السيارة ونزلت
واشرتلي يله سويتلها اي
رجعت ضحكت لجهاد وكتله
....منوهذا
.....الماخذج منه
...هههههه والله انت صاير محد يفهم شتحجي
....اي صاير احجي ألغاز
....اي والله صدك
ندار عليه وجانت يدة على الستيرن
ويده الثانيه على الكشن الي كدامي
ولمن صارت نظراته عليه كلي
..... يمكن انتي الشي الوحيد الي من طفولتي بعدة نظيف وشفاف
....احسك بيك شي جهاد احنا اصدقاء  واخوة احجيلي
خاف دتتعذب من الحب وغمزتله وضحكت
....اي صحبح بنت خالتي داحب والي احبها بغير وادي
هي بدنيا واني بدنيا موكتلج
يله خلي