#مشاعر واضحة

البارت الثاني والعشرون

اقرو آخر بارت ناشرته مو دكولون مفهمنه

البارت  22
واني رجعت اشيل الغراض وهو نايم على التخم ومصعد رجله
بقيت شويه صافنه عليه
وبعدين شلت الصينه الى على الطبله
وسمعت صوته
فهد ....راح تندمين ياحلوة مراح اعوفج تتهنين ابد
كل الي شفته من مرارة راح اخليج تشربين منه
...جوز مني
....مااكدر اكو شيطان بداخلي ديرسملي اشياء خطيرة
....ليش دتريدني احتقرك اكثر واكرهك اكثر خلص اني هسه ازوجت وزوجت صديقك
....ميهمني بردي نار كلبي وبعدها اخليج تروحين
بحال سبيلج
واشر على كلبه هنا نار اريدها تطفى
شنو الي يريدة مني اني صرت امراة محطمه بسببه
وبسبب الي موجودين
اني زماني تعبني وحبه تعبني وكلشي انهكني +

انا امراة اضاعها الزمان
انا سفينه بلا ربان
انا طريق بلاعنوان
انا من وجدت بين ثنايا
القلب بحر من الاحزان
انا من اضاعتني الخلجان
انا انثى بعصر الغيلان
انا حطام انسان
انا شظايا قلب متناثره
انا مشاعر متبعثرة
على دروب الحرمان
انا من احببت اسوء انسان
وانا من لم اجد للراحه عنوان
انا غارقه في بحر الأنين
انا صدى صوت بين
السنين
...ميهمني بردي نار كلبي وبعدها اخليج تروحين
بحال سبيلج
واشر على كلبه هنار نار اريدها تطفى

.....شتقصد
....ههههه ليش صايرة متفتهمين لعد شلون جنتي تفتهمين جهاد 
....احترم نفسك فهد  اني مومثلك ولامثل اخو خطيبتك الرخيص زين
كافي عد لسوي هيح ويايه عوفني عد
مدكلي شتريد مني لاترحم ولاتخلي رحمت الله تنزل اتركني عوفني اشوف حياتي مصورتك هيج
وليش اسوي هيج لان احنا سمحنا تدخلون لحياتنا تبدون تتعدون علينا وليش انت تتفنن بعذابي ليش
انا اهديت كلبي للعذاب وانت اذيتني للاسف
فااذن خلص روح بعيد عني
لان انت مونفسك فهد  مستحيل سمهم مشى بيك وخلص
......اي مونفسه فهد  تغير والج الفضل
....شوف اني من قبل حافظت على نفسي وظليت محترمه نفسي لخاطر نفسي حتى لاافقد احترام ذاتي
وهسه صرت مزوجه و مااسوي حاجه غلط
بس شوفتك هيج دتفرحني لانك ضعيف وجبان
وهسه اني فرحانه راح ازوج صخر  لان هو احسن منك
واشجع منك وراح اعيش وياة سعيدة وراح اجيب منه
طفل حلو يشبه وانت راح اجيب حيه صغيرة مثل حور
وتركته وطلعت
وبقيت كاعدةيمهم بالهول
وزوج خالتي اصر نبقى ونتعشى يمهم وعود فهد  يوصلنا بالليل
ماكدرت احجي شي
وفهد  شفته طلع من الصاله وصعد فوك لغرفته
ومانزل بعد وحتى للعيادة ماراح
ظلو اهلي كاعدين وزوج خالتي كعد يحجي ويا ابويه
طبعا زوج خالتي كلش خوش انسان
ومحترم وبسيط وفعلا بقينا لحد
العشاء ولمن ردنا نروح
خالتي صاحت فهد 
مد راسه من الدرج
كالتله
....فهد  تعال وصل بيت خالتك
....هسه
شويه ونزل لابس بنطرون جينز
وبوتين اسود
وسترة جلد سودة وجان شعرة مخربط مساحبه ليورة
اظاهر جان نايم
راح اخذ سويجه وخله تلفون بجيبه
وكف بدون ميحجي شي
سلمنا على بيت خالتي وطلعنا جانت الدنيا باردة كلش
اليوم والسما تريد تمطر من باوعتها حسيتها حزنانه
مثلها مثل عيوني المليانه حزن ودمع
يمكن صدك حرام الكلوب هيج تتعذب
وحرام كلبي هيج يموت
صعدت وكعدت بالسيارة
وامي بصفي وعلي وابويه كعد بصف شاهين
وشاهين مافتح حلكه وحجى ابد واحنا كلنا جنا ساكتين لحد ماوصلنا للبيت
ونزلنا ودخلنا جوة ورحت لغرفتي ونمت والصبح كعدت على صوت امي صيحني
....ها ماما شكو
...وج تعاي هذا رجلج برة
.....رجلي منو
....مصخمه غير صخر
....جابه
...شمدريني كتله ادخل ماقبل غسلي وجهج وطلعيله
غسلت وجهي
ومشطت شعري
وخليت شال ثخين على جتفي وطلعت جان الهوى يكص من البرد
رحت وكفت ورا الباب هو شافني دخل
....صباح الخير تريفانه  شنو هذا الكمر الطالع الصبح هاي هيجي اصبح بوجهج كل يوم
...ههه صباح الخير
....خوما باردة عليج
.....لا عادي
...فديتج جنج كتكوته تعاي ادفيج وضحك وغمزلي
...ههه لااشكرك
...مداشاقه
...اشكرك
كلت بكلبي
ياالله بكوة اجامله والله خطيه حباب
انطاني علاكه كلي
..اشتريتلج تلفون شحنته الج وخليتلج بي سيم كارت
وخزنت بي رقمي
وخزنتلج الرقم مالته هم حتى خاف تريدين تنطي لصديقاتج او اختج
زين
....عاشت ايدك تسلم والله مجان اكو داعي اني مااخابر احد
....شلون ماكو داعي غير نتحاجه اني وياج غير اسمع صوتج
....اوكي
.....تريفانه
غمضت عيني من سمعت منه تريفانه
........نعم
...اني مااريدج اظلين متقيدة ويايه بتصرفاتج اني ماخذ الدنيا بساطه
واتفهم انج بعدج ممتعودة عليه
بس اني هسه زوجج
....ان شاءالله صخر
...ابتسم بوجهي وكلي
....يله اني اروح وشويه واخابرج زين
.....زين
ومشى وكف يم سيارته وسوالي بيدة باي
وصعد سيارته وراح
سديت الباب وبقيت واكفه وكلبي مقبوض
شي بيه مانعني افرح اني مراح اكدر احبه لصخر
اني راح اظلمه وهو مبين انسان زين ميستحق
ينظلم ويايه بس اني هم الدنيا ظلمتني
هوايه وهوايه تعبتني
ومليت من كلشي
تمشيت وكعدت باب البيت والهو اء بارد جان
ويطير شعري بكثر ما الدنيا باردة بكثر ماكو نار مشتعله بيه ياريت هذا البرد يطفيها
باوعت العلاكه الي
فتحتها جان باكيت مال تلفون طلعته الباكيت وفتحته
بيها تلفون اسود وملبسه غلاف
فتحته وماعرفت استخدمه ورديت سديته وظليت امشي اصابعي على الشاشه
وصفنت
ودخلت جوة وسويت ريوك وماشتهيت اكل وكعد علاوي يكلي هيج تستخدمين التلفون وعلمني عليه
واليوم اجى ابن ام اسعد ديسويلنه الكهرباء
وكعدت اني بغرفتي
ودك التلفون جان
صخر 
....الووووو
....هلوووو. تريفانه  شلونج حبيبتي
خنكتني كلمه حبيبتي بكوة بلعتها منه
.....الحمدلله انت شلونك
...زين مو داسمع صوتج معناته اني زين
....ان شاءالله دائما زين
....ان شاءالله
...تريكتي
....اي
....بالعافيه
....الله يعافيك
....هسه قبل شويه وصلت للمستشفى كلت احجي وياج شويه
اي سولفيلي عنج
كلشي
...مثل شنو
...الي يعجبج
....ماعرف شكلك
سمعت صوت يصيحه
....دكتور
وهو كال اي جيت
...شويه واخابرج او اكلج اليوم العصر اجيج نطلع شويه
...براحتك
..باي
...باي
اوف همزين راح راسي يوجعني وتعاي احجيلي عنج كلشي علااساس اني امراه
اعمال وسفراتي
ومقابلاتي
هو اني ماسويت شي بحياتي غير احب فهد
الي مايستحق
دمعه وكعت من عيني علمودة
وكفت عن الكلام
وكلت اوف يافهد  ياغصه بكلبي
متروح حسبي الله ونعمه الوكيل بكلمن موت فرحتي
وخلاني مكسورة قلب حسبي الله ونعمه الوكيل
بيكم الكم يوم
،،،،،،،،،،،،،،
‏يا حسرتي على قلبي
ويا حسرتي
على دمع ‏فؤادي وشوقي
ياحسرتي على ‏ماجنيت من الهوى
‏وأنا لا املك الان بعد انتهاء حلمي
غير دموع متساقطه على صحراء
‏قلبي وكثيرا من حسرات روحي
فياحسرتي
‏على نفسي وعلى ما فعلته بنفسي
،،،،،،،،،،،،،، +

مر شويه وقت وكمت اشتغل بالبيت كالعتاد حتى ابتعد بتفكيري عن كلشي
وهم خابرني صخر  كلي
بالسته العصر اجي عليج حتى نطلع
تحضري
....كتله اي ميخالف
خوما اكله لا وهاي اول مرة ديطلع ويايه
كلت لاامي كيفت لان جانت عبالها هاي الشغلات راح تخليني قريبه من صخر  اكثر
وتحضرت لبست الملابس الي لبستها من رحت للمستشفى على جهاد  بنطرون وجاكيت وهنا جانن عندي خمس ست قطع ملابس ماعندي غيرهن المهم لبست وتحضرت وكعدت
انتظره لحد مااجى وخابرني وكلي اني
بالباب
طلعتله بس بكوة خطواتي تاخذني اله خايفه مرتبكه معاجبني ميت احساس بداخلي
بس مجبورة اتعايش معا هذا الوضع
فتحت باب السيارة وصعدت بصفه
وهو استقبلني بحرارة وبضحكه وكمنا نفتر وهو يحجي واني ساكته يجر الحجايه بكوة مني
وكلشي يكلي واكله ميخالف
وبعدها كال نتعشى بمطعم
كتله بكيفك
نزلنا لمطعم وجان كلش مرح وسبورتي
كلي
.....اي هسه اريدج اسولفيلي عنج
انتي شنو حياتج شنو خططج للمستقبل تحبين تشتغلين
شتحبين اسوين اكيد سوا اني وياج يس حتى اوضحلج انو اني مااعارض اذا فد يوم حبيتي تعملين بالعكس اشجع على هذا الشي واتمنى فعلا تكملين دراستج وبعد مانزوج ان شاءالله داومين كليه
سكتت من سمعت كلامه لان جان كلامه مال انسان راقي وتفكيرة واسع بس حتى هذا الكلام تفرح بي اي امراة وطير من السعادة اذا سمعته بس ماعدة
اني مفرحت مع العلم جنت اتمنى اكمل كليه واثبت شي
....ترف
....نعم
....احسج عندج شي ضامته عني اتمنى تكونين ويايه واضحه لان الي بينه عمر زواج ‏أسرة ومستقبل
موشي هين ولا هي يوم ويومين
احب تكونين صريحه
.....لا ماعندي شي
....اكيد
...اي
....اني فكرت انو اخلي فتره تطول يله بعدين نزوج حاب افهمج وانتي هم تفهميني
شوفي مثلا اني احب الهدوء و احب النظام
....كل الدكاترة يحبون النظام
....هههه قصدج فهد  مو اي اني احب النظام بس مو مثله لا مستحيل هو ميحب........ يتبع

ستوب خلص البارت اتمنه يكون عجبكم وصدك بعد كم يوم ولاده تريفانه تسوي عمليه قيصريه وصراحة مااعرف شلون اكمللكم القصه اكيد محضغط عليهه ربي يكومهه بالسلامة انشاء الله واكيد مراح اكللكم منو ابو الطفل هذا محينذكر بالقصه يعني القصه منتهيه من زمان تره المهم تريفانه طلبت أسماء قصص حلوه وحقيقيه تريد تقراهن لأن كاعده وساكته مو زين عليهه الحركة اكتبَولي بالتعليقات وهيه حتشوفهن 😇

لتنسوون التصويت احبكم باااي 🥀🥀

وصدك هم تعرفون شلون يسوون غلاف للقصه وعليه أسماء وماعرف شنو إذا اكو برنامج كلولي عليه

وصراحة معاجبني اسم القصه اقترحولي أسماء وكون مناسب للأحداث.