#مشاعر واضحة

البارت السابع

البارت السابع

دليني الطريق يارب هو بس هالبيت املكه لامني اني وجهالي
وهالمسكين المقعد وين اروح يارب
وين انطي وجهي بيهم
طلعت بيت جوارينا وكومت امي بكوة ودخلتها يمها ودخلنا ابويه
ودخلت كعدت يم امي وابويه وشويه ودخلت رنا ودخل 
اخويه
كال خابرت جهاد
كتله
.....وليش خابرت بله
....شمدريني خابرته وكال هسه اجي
ماما كالتله
...اي زين سويت
....شنو الي زين
...لجادليني اني بيا حاله
ورجعت دك وتلطم وتبجي
وشويه ودك تلفون اخويه علي
كال  ‏
....هذا جهاد
....الو ها جهاد  ها انت برة هسه اطلعلك
وطلع علي وكمت طلعت ورا
وكفت باب الشارع شفته وكف سيارته ورا سيارة فهد  لان هما كاعدين بنفس المنطقه بس من شفته
كلبي تخربطت دكاته بس لمحته
يمكن لو هو مالتي ويخصني جان ركضت عليه وخليت راسي على صدرة
ونسيت الخوف الي عشته
نزل جهاد  ركض واجى عليه
كمشني من جتفي
...وعيونه بيها قلقل وخوف 
..... ترف  انتي زينه بيج شي
يوجعج شي امانه الله كوليلي
....مابيه شي والله كلنا مابينا شي الحمدلله
علي كله
....امي وابويه جوة تعال
مشى وجان يلتفت عليه ودخل جوة ديطمن على اهلي
باوعت فهد  طالع بهدوم البيت وحتى جاكيت ملابس
والدنيا جانت باردة وجان لابس نص ردن
خفت عليه ماخفت على نفسي
اجاني يمشي وكف كدامي وظل يباوع بوجهي
ولااول مرة عيونه بيها نظرات مختلفه
ماشفت بيها البرود شفت بيها شي غير كل مرة من اباوع بيها
......الحمدلله انتو بخير
.....نحمد الله شكرا لانك اجيت
..... خوما تأذيتي ترف
....لا
....جنت قلق عليج قصدي عليكم
.....ليش هيج ملابس سترة او جاكيت
باردة عليك
غمض عينه وفتحها
.... من زمان حياتي باردة مو هسه صارت باردة
متعلم على البرد
.....انت شمدريك
....امي كلتلي خالتي ام جهاد  مخابرتها من اخوج مخابر جهاد  وخابرتنا وكالتنا
....جنت نايم اكيد
.....اي
....مجان بيها داعي تجي
.....ليش متريدين وجودي
......لا شلون مااريد يعني اكيد اريدك تجي بس جهاد  اجى
واصلا اني ماقبلت انو احد  يخابر  بس هو مخابر بلا ماادري
....احنا اهلج ولد خالتج ولازم نوكف وياكم
خلي ادخل اشوف اهلج حتى تجون ويايه للبيت
...لاماكو داعي
،....لعد وين تبقون يعني عدكم كومه اهل 
وتريدون تبقون بيت الناس
.....لا نرجع لبيتنا
...انتي تخبلتي شي هو شباقي بيتكم
الظاهر الهبطه اثرت عليج
...شكو
....اندار فهد  جان جهاد 
وانت  شعليك اجيت مناك لهنا دكول شكو ليش انت شفت
همت
....شنو مشكلتك فهد
....وياك هههه يعني شنو مثلا نتعارك علمود ورفع حواجبه وماكمل حجايته
عالعموم هذا مووكته الكلام ادخل اشوف خالتي
.... ترف ‏
....نعم
...تعاي دخلي جوة باردة الدنيا
...اي يله تعال جهاد 
كام يباوع على الكاع وجسمه كام يرجف
....روحي دخلي ركضي ورا
بقيت جامدة بمكاني
ومشى بسرعه وصعد بالسيارة مالته وساقها قوي بحيث اثر التايرات
بقى بالكاع
فهد  جان واكف يباوع
.... شبي جهاد
.....تغشمين نفسج كتلج يحبج
...ليش تصيح تريد تفضحني لعد انت ليش ضوجه
وتستفزه ها
دخل جوة وعافني واكفه ومخنوكه
رفعت راسي للسما ‏
ياالله شنو هذا اليوم وشلون ليله هاي
هم راح تنكضي وتنسي لولا
ومشيت ودخلت جوة
وباوعته جان كاعد يفحص ابويه ويحجي ويا امي
ومنفعل ويشمر بيده
ورزل اختي رنا
....بله انتي هم عندج عقل لو محروكين ومحاسين وصايرين عطاب
....كتله
....قدر وراد يصير
مجاوبني ولا باوعلي
...يله خاله كومو تعالو لبيتنا
ام اسعد بيت جوارينا كالتله
....ليش ابني احنا قابل غربه احنا جوارين عمر اذا ماشالتهم الكاع نشيلهم فوك راسنا ‏
....يسلم راسج وماقصرتي بس حتى ياخذون راحتهم
اكثر يمنا ونشكرج وكثر الله امثالج
...لايمه هذا واجبنا الناس للناس
....علي يله كوم خلي نصعد ابوك بالسيارة
وام اسعد كالت اني عندي عربانه
استخدموها وعود رجعوها بعدين
وركضت بسرعه جابت العربانه وجتي وشاله فهد  لاابويه ‏وحطه على الكرسي وعلي دفعه طلعه برة
ورجع فهد  مد يده وكوم امي وعدل ربطتها
وضحكلها
جان ديريد يهون عليها
...يله خالتي كومي
...تعبناك فهد 
..شنو هالحجي خاله قابل اني غريب
وطلعت امي وكمشتها رنا واشرلي يله طلعت كدامه
وهو مشى وراح على بيت جوارينه ام اسعد باسها من راسها
....تسلمين
....فدوة لطولك ابني
وطلعنا وصعدنا بالسيارة وعيونه على بيتنا الي لونه نكلب اسود
يعني حادث لا على البال ولا على الخاطر
بس شكد راح يأثر علينا وراح يقلب حياتنا وراح يخلينا بعازة
اني قررت ابتعد عن فهد  هدورة راح يكون بوجهي
ظلينا طول الطريق ساكتين وكل واحد بينا يفكر بموال
وكل واحد منا وجعه كلبه لسبب
ومنظر ابويه كسرني اكثر من الي صار شفته يمسح دموعه بغترته
لان جان عاجز   ‏ ‏
وامي تبجي سكته ورنا تحس انو هي السبب واخويه
صامت مثل متعودنا عليه واني
ميت فكرة براسي وكلبي يخفق
ليش عود زحمه الدنيا دتجبرنا نعيش مومثل  الحياة الي نريدها  ‏ ‏
وليش كل لحظات ‏أملنا تتحول لصدمات باوعت ليكدام جانت المرايه بيها عيون  فهد  هذا الصقر الجارح
المسافر وطاير بلا حدود
بس اكو شي واحد يهون عليه الي صار  ‏
هو ثقتي بربي
وثقتي باانو كلشي الاسبب لان احلامنا وطموحنا
مازرعها الله بنفوسنا عبث ‏ ‏
الله ماينطينه شي الا اذا هو واثق انو راح يكون النا
يمكن حلمنا بعيد ويمكن خيالات الانسان تخلي يحلم اكثر من الازم وياخذ احلام اكبر من طموحه
وكفت السيارة وبدينا ننزل وكل واحد كاانما شايل فوك راسه جبل
دخلنا البيت وجتي خالتي وبوست امي
وكالتنا حمدلله على السلامه
بس حسيتها عبالك ضاجت برغم استقبال زوج خالتي الحار  وكلامه الي احنا بحاجه ‏اله
بعد ماكعدنا شويه  وتكلمنا كنا مرهقين وكمنا نام
اني واخوتي   صعدنا نمنا فوك
وامي وابويه جوة لان ميكدر والدي يصعد فوك
اول مادخلت للغرفه  خليت راسي ونمت من التعب والقهر والتفكير
وكعدت الصبح قبل الكل ونزلت وكمت اسوي ريوك
ودخل فهد  جان مبدل
كعد وطلع الابتوب وفتحه كدامه وخله السترة مالته على الكرسي
وكام يتحرك منا ومنا وطلعله جبن من الثلاجه وحطه كدامه وقبل ميخلي مسح الميز
وجاب كلينس مسحه مرة ثانيه وغسل الماعون ومسحه ونشفه زين
وغسل الكوب واشتمه وصبله جاي وطلعله توست
وكعد دياكل بهدوء وميطلع صوت واني واكفه وفاتحه حلكي واباوع عليه
كلت بكلبي هذا موطبيعي عنده داء النظافه
والي ضوجني اكثر
اني معبرني ولا كأنما موجودة
ولاكأنما اكو انسانه تتنفس
كتله
...صباح الخير دكتور فهد
...صباح الخير
طبعا بدون ميباوع عليه وعينه على الابتوب
.....مواني مسويه ريوك ليش اكلت جبن
....متعلم اكل جبن مااكل  شي الصبح بي دهن
...ليش
....هذا نظامي
يجاوبني برود
.....ها بس
وسكتت
....لتحاولين تخربطين نظامي رجاءا ومالج دخل بيه
اعتبريني ماموجود
.....اسفه اعتذر نعرف احنا خطار وخطار ثكيل ومزعج
ولتخاف مراح نخربط شي وراح نروح بااسرع وقت و اني على عمه عيني اجيت هنا
وكفت يدة وكام ميدوس شي
ودفع الاوراق
وسد الابتوب قوي وكام سحب الكرسي ولبس سترته
وخله الابتوب بالجنطه
واجه وكف كدامي
.....لتختبرين صبري ولتحورين الكلام ولاعبالج اخاف
من اريد احجي شي احجي بدون مااهتم لااحد
بس اني صبري وياج طويل
....اي خلفله عليك
....ترف  لضوجيني ولتخليني اطلع الي بكلبي خليني
مبتعد هيج احسن الج وللكل
....شتقصد
خله يده على لحيته
.....هوايه متغيرة انتي تعرفين شنو الي يميزج
...شنو
...عنادج وهدوئج وصوتج ونظرات عيونج
يمكن لهذا السبب جهاد  يحبج بهذا الشكل
انتي عمرج ماجنتي اقل من عدنا بس مشكلتج تشعرين بالنقص
..هاي حقيقه
...هذا خيال
....مثلا يادكتور انت تباوع على وحدة مثلي
جر نفس طويل
...ياريت الكه مثلج وضحك
....باوع كاعد تستهزء بيه
وبقيت اباوع بعيونه وحسيت تخربط وضعه
....ابتسم
ياالله على ابتسامته
....هو يحبج وانتي هم يمكن تحبي
....شتقصد ماكو هيج شي
.....مابيها شي صيري صريحه ليش دضمين
عليه
....انت
وسكتت ليش عود اكعد ابرر شي ماله وجود
....ترف  خلي بينا حدود اني ابن خالتج وهذاك الي جان يركض عليج من انتي صغيرة
وانتي ضمين نفسج منه وتباعيله من بعيد
خلينا واكفين خلف هذا الجدار
ورجاءأ لتباوعين  بعيني من تحجين ويايه
مع السلامه
وشال اوراقه وجنطه وطلع واني بقيت متحجرة بمكاني من الي سمعته
او يمكن من الي حسيته. 
بس هو شنو الي حسيته
هو جان يحجي شقصد شراد يوصلي
راد يوصلي انو اني احب جهاد  وهو يحبني
او راد يوصلي انو اني لازم اظل مبتعدة عنه
لان هو يحب حور
اوف يافهد  كل كلمه منك تخليني اروح بعالم ثاني
... ..................... يتبع
ستوب خلص البارت اتمنه يكون عجبكم والله مريضه كلش مصخنه وبلاعيمي وفلاونزه 😭
اسم الله عليكم. وبلكوة كتبته 😣 وحته عندي امتحان اول البارحة اجلته 😅... لتنسوون التصويت وقدرو تعبي تدرون قبل لااصير كاتبه ماجنت اصوت ولاااعلق بس من صرت حسيت بمعانتهة وشكد تتعب فالحمد الله تغيرت وكمت اصوت ولو صارلي شكد مقاريتلي قصه 😌 بس الله كريم. وصوتو باي احبكم ❤️