البارت 18
شفت جسد نزف والروح جانت خرسه
ماردت افتح جرح ماتنسد بابه وجروح تنزف
ومانلكيلها طبيب
يداويها وماردت اسكت واني الخنجر من كلبي الف مرة اخذ حقه)))
فهد جان اله نصيب من افكاري
ظل الطريق ساكت وممركز ويمكن راد يضرب السيارة
فد اربع مرات لحد ماوصلنا للبيت
ولمن وصلنا ونزلت امي و دخلت واني نزلت وراها وفتح الباب فهد ونزل هم
وكلي بصوت ناصي
....اي بالخير عليج لازم من رحتي اله ماكدر يقاوم بعد
ابتسمت
...بس تعرف شوفتك يافهد وانت تفكر انو
غيرك ياخذني ويضوك الي ماضكته وياخذ الي ردت انت تملكه ونظرات عيونك الي صارت نار وديزيد حطبها
حسستني بلاانتصار
....انعل وسكت ولج من شوكت تحجين هيج وشنو الي ماضكته (عزا 😂)
وشنو الي تريدي يضوكه خرب لج ترة دتلعبين بااعصابي
ولعبج ويايه وكأنما دتلعبين بالنار
...تخاف اقبل بي وازوجه لعد شلون كلتلي قبلي بحب جهاد
...خرب بالدنيا اذا اخلي واحد يكمشج لج داحجي شي وبداخلي شي
لج داغلي اني
خالتي دكت الجامه.
اشرلها للحظه
....واذا سويتها وقبلت بصخر وعلى كولت امك فرصه
....ياربي انطيني طولت البال
...مع السلامه دكتور
ودخلت جوة وحسيت انو اني من مدة طويله مامنتصرة على انسان وحاسه بشعور القوة
وبالذات وي فهد
الي كام كلما يشوفني يحجي شكل وميعرف شيريد
وللحقيقه اني هم بهاي اللحظه بالذات مااعرف شااريد
،،،،،،،،
أتغار عليه وانت لم تصل إليه
أتغار عليه وانت لم تتجرأ
وتمسك يدي
اتحاول ان تسجنني بك
وتمنع الناس من رؤيتة عينيه
ماذا تريد وانت لاتملك بي حق
الحريه اتحاول ان تسرقني
من خيالي وتزرعني
في عالم من الاماني
اتحاول ان تكون رجل
يمارس عليه حق العبوديه
واصبح انا في حياته
امراة منسيه
اما تملكني أمام الجميع
اما تصمت الى الابد
.............
حلو شعور الانتصار والقوة ليش اني ظليت ضعيفه ليش محاولت اتغير كل هاي الفترة الي فاتت
ليش انطيتهم الفرصه يباوعولي بعين الصغيرة
لمن دخلت جوة وغيرت ملابسي
وطلعت كعدت ويااهلي بس كعدتنا صارت باردة لان همنا كبر
ورنا روحتها وشعورنا باانو عبالك ضحينه بيها
جان موت الفرحه
بينه
صاحتني امي كالتلي
....ترف تعاي
ودخلت كدامي للغرفه وبيدها الايت
.....هاامي شكو
...تعاي بنتي كعدي عندي سالفه وياج
كعدت
...اي شكو
....سمعتي خالتج شدتحجي وشكالت
على الدكتور صخر
...اي سمعت
....وشكلتي.
.....ماكالت شي ولا فكرت بالموضوع لان ماازوج اصلا
واني كتلج من قبل
...قصدج لو هو لولا اختج هم ياحسرت كلبي راحت
وزوجت بلا فرحه بس عايشه
زوجي يابنتي وين نلكي هيج قسمه لو عيونه متباوع الا الي ميهتم بينه
وبالنسبه الي مااخليج تزوجين واحد من ولد خواتي مع اعتقادي انو فهد يحبج هوايه وجهاد هم
بس موكل قصص حبنا تنتهي بزواج
....اني ميهمني جهاد يحبني لولا
....اعرف بس الي يهمج موالج واحنا ماناخذ حاجه مومالتنا
وهسه اجتج فرصه تعيشين حياة تزوجين انسان
مثقف ودكتور وابن عائله
طلعي يابنتي من هالقوقعه الي حابسه نفسج بيها
وزوجي وعيشي وجبيلج طفل يملي دنيتج انتي دتكبرين
صح انتي حلو
بس العمر من يفوت يروح الجمال وتبقى الحياة الي سويتها لنفسج
.....وانتو شلون تعيشون اذا فكرت ازوج
....النا رب كريم
واني ارجع اخيط الحمدلله صرت زينه واخوج علاوي ديشتغل وماعندة بعد شي حملنه خفيف راح يصير
اني وابوج وهمين اخويه حمزة كلي راح ابدي ابيع العمارة هاي القديمه الي بالشورجه بلكي يطلعلي منه
ارتب وضعي
....صارله جم سنه اخوج محتكرها وهو ياخذ اجارتها
...اي ميخالف حجيت وياة كلي راح ابيع وانطيج حصتج
بلكي الله هم افتح يجوز فد محل لااخوج
....الله كريم
....هسه شكلتي
...ماادري بس مااريد
......هاي فرصه لاعبالج راح تتكرر واكع بيدج دكتور
...ليش شبيه
......مابيج شي بس لاعبالج الدنيا بس الج هي فرص بحياة الانسان لو يستغلها لو تروح بعد وماتتعوض ابد
فكري زين حتى ارتب الوضع ويا خالتج
....علاقتج هم رجعت بخواتج مثل الاول
....الدم ميصير مي بنتي
......اي
.....شوفي وين توصلين لااي قرار وكوليلي
....ماادري
....تعرفين يابنتي انتي نغريتي لان شفتيهم اثنينهم يريدوج
ومتخبلين علمودج بس هذوله يحبوج
لان كبرتي كدامهم ولان ولد خالتج
بس الرجال الي مايعرفج يجي يخطبج مارضتي ميهتملج
وفرصج تبدي تقل كلما دتتقدمين بالعمر
سكتت وماجنت اعرف شجاوب ماادري اذا كلامها
صحيح او لا
وللحظه وحدة حسيت نفسي امام اختيارين
اما جهاد الي كلي فهد اعتبري حاله انسانيه
اما صخر الدكتور
معقوله اني كمت فعلا احس بالغرور لان عرفت جهاد يحبني
وعرفت بفهد يحبني
حسيت بينهم تنافس علمودي فنغريت اكثر
خايفه من كلشي خايفه من القرار الي راح اخذة
وداحس نفسي مجبورة اخطي خطوة بلكي
اكدر امشي واعيش حياة طبيعيه
بس شلون وفهد معقوله اكدر اعيش وهو ماموجود بحياتي واعيش واني ممنوعه من انو حتى افكر بي
خليت راسي على المخدة وتغطيت ردت مو ادفء ردت الكي أمان
بعدني كلما ضاكت الدنيا بيه وزاد تفكيري اتخيله ويايه
اتخيل وجودة حواليه
من خليت راسي على المخدة وغمضت عيني تخيليت فهد يمي وديلعب بشعري
وعلى وجه احلى ابتسامه شفتها بحياتي
حسيت بلمسته على خدي بس حسيتها بخيالي
وخيالي
خلاني اشعرها حقيقه
تمنيت هو صدك هسه يمي واحضنه واخذ من كل نفس
منه اخذ عمر
تمنيت المس شفايفه من تضحك
ردت نظرات عيونه تلاحكني
بس فتحت عيني ورجعت لواقعي وعرفت انو اني ظليت اتخيل فهد لمدة طويله كلش
واخاف بعدين اتخبل من تخيلاتي
يمكن اجى الوكت الي اقرر قرار واحد وبعد مامنه رده
اقرر
قرار
يخليني ابتعد عنه
يمكن كلام امي صحيح
وكلام خالتي شتريد اكثر من هيج قسمه هم صح
خلص وكتك يافهد
لازم التفت لحياتي بس مداكدر اوعد نفسي بشي
نمت وجنت داخل حلم او كابوس مومهم كلهم عندي صارن.
سواسيه
جان نومي قلق وكل شويه انام واكعد
لحد ماطلع الصبح وصاحني علي
وراد ريوك لان كال لكيت شغل
عند ابو مطعم
كلت الحمدلله هذا هم يساعد اهلي اكثر
كمت سويت ريوك والتهيت بالبيت
ولكن جانت امي ماموجودة
ولمن رجعت جانت جايبه مكينه مال خياطه
...الله يساعدج هاي منين
...اخذت من ام أسعد علما تنباع العمارة وانطيها
الفلوس
....اي زين الله يفتحها بوجهنا ويرزقنا
....ان شاءالله وعلاوي هم ديشتغل
بس هلااسبوع ابقي من اسبوع الجاي يرجع للمدرسه ويبقى بس العصر يشتغل بهذا المحل الي هنا على الاقل يشيل نفسه
...ان شاءالله
...شكلتي ياماما فكرتي بالموضوع مال صخر
....اي ميخالف
ضحكت امي.
....صدك والله اي الله يتممها على خير
اروح اخابر خالتج نشوف شلون نرتب الوضع
....امي ترة رجل خالتي مات مصارله كم يوم وجهاد مريض
عيب من العالم انتو كاعدين دورون زواج
....لا بنتي قابل راح نسوي حفله بس
س كلام بينا
اكيد المرة تجي تشوفج
....بكيفج سوي الي تريدي
ودخلت كعدت يم الصوبه
وصافنه ويدي مااخذت شغل ولاكمت بعد
وسمعت امي صيح
....علاوي تعال انطيني التلفون اخابر
وجاب علي التلفون واخذته امي ودخلت
للغرفه
كلت لنفسي يله هي هاي الدنيا اشو مثل ماطبيت منها مثل ماراح اطلع منها عادي شنو
شراح يصير حالي حال اختي قابل حظي راح يصير احسن منها
رحت كعدت يم ابويه كلي
........شكو بنتي شو امج كالتلي بس مافتهمت هالكد
.....اي بابا عود اسئلها ولدوخ نفسك انت كلشي يمشي على خير
....ياربي لو ماخذ امانتي ولا حاطني هيج
....اسم الله عليك
....لعد هاي حاله اني عاجز مابيدي شي
....الله كريم بابا
....ترف
....ها
....تعاي
رحتلها
....ها
....خابرت خالتج دكول اليوم العصر تعالو وهي دكول اخابر اتفق ويا ام الولد علااساس هيجي روحه عدهم
بحجه تاخذ من خاطري المرة
....استغفرالله وهي وين تعرفج ولعد هي مشايفتني
...لاشايفتج مرة من زمان بس لازم تشوفج مرة ثانيه وهو صخر كايللها عليج
.....والله عيب عدنا مصيبه وكاعدين انتي واختج اسون زواجه
....انتي معليج العيب علينا
وثاني شي هو رجال جبير زوج فوزيه وراح الله يرحمه وجهاد الحمدلله صار زين
وخالتج فوزيه راح تقدر من اكللها واحنا ماراح نسوي شي هيج مجرد يشوفوج
وانتي تحضري العصر
ولبسي لبس زين اذا عندج ولتلبسين شي بي لون
...اوفً
رحت لغرفتي وماقبلت اتغدى
وجنت اسمع امي كل شويه اصيح علاوي
وعلاوي اظاهر اتخابر بتلفونه
.اجتني ساعه ب4العصر
...هاي شنو بعدج يابنتي كومي بدلي
...اي هسه البس
...شراح تلبسين
...اي شي
فرت بيدها وراحت على الكنتور مالتي
وطلعت نفنوف اسود اشترته رنا
بوقتها سودة عليه اشترتلي ملابس وانطتنا من فلوس الجهاز مالت
.............. َََ
ستوب خلص البارت وميته تعب من البارحة لليوم اكتب البارحة ٣ واليوم ٢ 😰 وهناك بس يصير عندي نت انزللكم ممعقوله اسبوع بدون نت وحتلو حضل اكتبلكم يعني ولابارت حيضيع بس انتو صوتو ومن اجي انشرهن باي احبكم
أنت تقرأ
#مشاعر واضحة
Romance# ليس هناك أصعب من قلب مجروح يتألم بصمت قاتل ينتابه شعور الوحدة والفراغ لأنه يعلم بعدم وجود احد فيشعر بحاله أو يخفف عنه الامه فتراه منع لا يشكو لليل أوجاعه يعبر له عن كل مايشعر به ألم الفراق والغضب والكره.
