စူးရှင့်တောင်ခြေပတ်လမ်း၏အစွန်ဆုံးခပ်ကျကျဝါးရုံတောလမ်းလေးဘေးတွင်ထမင်းစားဆောင်က တခြားစာသင်ဆောင်များ အခန်းများနှင့်တွဲဆက်၍မနေပဲ တသီးတခြားတည်ရှိနေသည်။ နေ့တနေ့၏လုပ်ငန်းတာဝန်များပြီးဆုံးချိန် ညနေခင်းမို့လားမသိ။ အေးအေးလူလူပင်ညစာလာရောက်စားကြသည့် စူးရှင့်ဂိုဏ်းသားများ၏ ရယ်မောသံ စကားစမြည်ပြောဆိုသံတို့ဖြင့် အဆောင်တခုလုံးလှုပ်ရှားတက်ကြွလို့နေ၏။
" ညီလေးပင်းရန်...."သူမော့ကြည့်လိုက်တော့ ကျောက်ယွင်ဖေးကလက်ဟန်ခြေဟန်ဖြင့်အနားတိုးလာရန်အချက်ပြနေသဖြင့် သူအလိုက်သိစွာ ကိုယ်ကိုရှေ့စားပွဲသို့ကိုင်းလိုက်သည်။
" ငါပြောမယ် ညီလေး... ဒီအစ်ကိုက မင်းအတွက်အိပ်ဖို့နေရာကောင်းကောင်းတခုကိုလိုက်ရှာပေးနေတာ...မနေ့တည်းကပဲ...ခုနလေးတင်ပဲသတင်းတခုရလာတယ် ..."
" ဟာ...အဟုတ်ပဲလား..အစ်ကိုယွင်ဖေး!"
" ဒါပေါ့...အဲဒီနေရာမှာဘယ်သူမှမနေကြဘူးတဲ့...ပင်မအဆောင်တွေနဲ့လည်းဝေးတော့နားအေးပါးအေးလည်းဖြစ်တယ်....အဲ.. ဒါပေမဲ့...တခုတော့ပြသနာရှိနေတယ် "
" ဘာပြသနာလဲ...အစ်ကိုယွင်ဖေး "
" အဲ့ဒီနေရာက...အင်း....တစ္ဆေ...တစ္ဆေခြောက်တယ်တဲ့... "
" ဟားဟားဟား....ကျနော်ကဘာများလဲလို့....တစ္ဆေခြောက်တာလေးကိုပြသနာတဲ့လား....ကိစ္စမရှိဘူး အစ်ကိုယွင်ဖေး .... ကျနော်သွားနေမယ်...ကျနော့်ကိုလမ်းသာညွှန်ပေး "
" ဖြစ်ပါ့မလား ညီလေးပင်းရန်...အဲ့ဒီဂူက တော်တော်လေးကိုခြောက်ခြားစရာကောင်းလို့ အစဥ်အဆက် ဘယ်ဂိုဏ်းသားမှအဲ့ဒီနားမကပ်ရဲကြဘူးတဲ့နော် "
" ပြသနာမရှိပါဘူး ..ကျနော်တို့မျိုးရိုးကိုက နတ်ဆရာမျိုးရိုးပါ အစ်ကိုယွင်ဖေးရဲ့...သရဲတစ္ဆေ ကောင်းကောင်းနိုင်ပါတယ်..စိတ်မပူပါနဲ့ "
YOU ARE READING
The Owner of Icy Heart
Romanceရေခဲနတ်ဝိညာဥ်ရှောင်ပင်းရန် ကိုအထက်ဘုံကပေးသည့်တာဝန်မှာ လူ့ပြည်သို့ဆင်းကာ ဘုံကိုးခုအနာဂတ်အတွက် ရွှယ်ကွမ်းနတ်စစ်သူကြီးကိုကောင်းကင်ဘုံသို့ပြန်လည်ကြွမြန်းနိုင်ရေးကူညီပေးရန်ဖြစ်၏။သို့ပေမယ့် နှစ်ဦးကြားကံကြမ္မာက... " ရွှယ်ကွမ်း! ခင်ဗျားက ကျနော်သိခဲ့တဲ...