ညအမှောင်သို့တဖြည်းဖြည်း ချဥ်းနှီးဝင်ရောက်လာပြီမို့ ယွဲ့အိမ်တော်တခုလုံး မီးအိမ်များ အလင်းတိုင်များဖြင့် လင်းကျင်းနေအောင်ထွန်းညှိထားသည်။ အခြေအနေက မကြာမီမိုးသက်မုန်တိုင်းတိုက်တော့မည်နှယ် အရာအားလုံးငြိမ်သက်နေသလိုခံစားနေရသည်။ စံအိမ်တော်ရှိ လူအားလုံး သတိဝီရိယဖြင့် တစုံတရာကိုစောင့်မျှော်နေကြသည်မို့ အသက်ပင်ရဲရဲမရှုရဲကြပေ။
" ရှောင်ရန် ....မင်း အိပ်ချင်နေရင်သွားပြန်အိပ်လေ...ဒီမှာ ငါစောင့်နေလိုက်မယ် "
ကျိုးရှောင်လော့ က အိပ်ရေးမဝသည့်ပုံနှင့် မျက်မှောင်ကြီးကျုံ့ နေသည့် ရှောင်ပင်းရန် ကို ရေနွေးထိုင်သောက်နေရာကလှမ်းပြောသည်။ အခြားသူတွေကို အားလျှိုလေးအနားမှာအများအပြားစောင့်ခိုင်းထားပေမယ့် သူတို့နှစ်ဦးကတော့ လိုရမယ်ရအနေဖြင့် ယွဲ့သခင်ကြီးအိပ်ဆောင်မှာလာရောက်စောင့်ကြပ်ပေးနေခြင်းဖြစ်သည်။
" ကျနော် မအိပ်ချင်သေးဘူး...အဆောင်မှူးအစ်ကို "
" ဒါဆို ကောင်းပြီ "
သိပ်မကြာလိုက် ရှောင်ပင်းရန်ကတခုခုကိုတွေးတောမိသွားသည့်ပုံဖြင့် သူ့ဘက်သို့လှည့်ကာ....
" အဆောင်မှူးအစ်ကို....ကျနော့်အထင် အားလျှိုတို့ဘက်မှာ လူအင်အားလိုသေးတယ်လို့ထင်တယ်...ဒီမိစ္ဆာက အကောင်ကြီးနေပြီဆိုတော့ အစ်ကိုပါသွားစောင့်နေသင့်တယ် "
" အင်း...ငါလည်းအဲ့လိုပဲတွေးတယ်...ဒီကိစ္စကိုအတွေ့အကြုံမရှိတဲ့လူတွေလက်ထဲပစ်ထားလို့မရဘူး....ကောင်းပြီ...ဒါနဲ့ မင်းတယောက်တည်းအဆင်ပြေတာသေချာရဲ့လား "
ပင်းရန် ကသူ့ပုခုံးပေါ်တွင်တက်အိပ်နေသည့် စိတ်ဝိညာဥ်ငါးဖြာနတ်သစ်သီးကိုလက်ညိုးညွှန်ပြလိုက်ပြီးပြန်ဖြေသည်။
" စိတ်မပူပါနဲ့ အဆောင်မှူးအစ်ကို...တခုခုဖြစ်လို့ရှိရင် ဒီသစ်တော်သီးကိုနှိုးပြီး အစ်ကို့ဆီလာအကြောင်းကြားခိုင်းလိုက်မယ်... "
YOU ARE READING
The Owner of Icy Heart
Romanceရေခဲနတ်ဝိညာဥ်ရှောင်ပင်းရန် ကိုအထက်ဘုံကပေးသည့်တာဝန်မှာ လူ့ပြည်သို့ဆင်းကာ ဘုံကိုးခုအနာဂတ်အတွက် ရွှယ်ကွမ်းနတ်စစ်သူကြီးကိုကောင်းကင်ဘုံသို့ပြန်လည်ကြွမြန်းနိုင်ရေးကူညီပေးရန်ဖြစ်၏။သို့ပေမယ့် နှစ်ဦးကြားကံကြမ္မာက... " ရွှယ်ကွမ်း! ခင်ဗျားက ကျနော်သိခဲ့တဲ...