မနက်ခင်းနေ၏ရောင်ခြည်အလင်းက စူးရှင့် ဂိုဏ်းပုရဝုဏ်တခွင်ကို ရစ်သိုင်းလွှမ်းခြုံထားသဖြင့်နွေးထွေးတောက်ပလို့နေသည်။ မိုးမခပင်တန်းကြီး၏ငြင်သာယိမ်းနွဲ့နေသောလေတိုးသံ ကျေးငှက်တို့၏ ကျီကျီတျာတျာအသံများ ဂိုဏ်းသားများ၏လှုပ်လှုပ်ရွရွအသံတို့ဖြင့် လေ့ကျင့်ရေးကွင်းတခုလုံးအသက်ဝင်လှုပ်ရှားနေ၏။ ဒီနေ့ စူးရှင့်ဂိုဏ်းသားအားလုံးအတွက် အရေးကြီးသည့်ပွဲတခုရှိသည်။
စူးရှင့်ဂိုဏ်း၏စည်းကမ်းအရ တစ်နှစ်လျှင်တခါကျ မှော်လက်နက်ရွေးချယ်ပွဲကြီးကျင်းပလေ့ရှိသည်။ မှော်လက်နက်ရွေးချယ်ပွဲဆိုတာထက် လက်နက်ကသူနှင့်ထိုက်တန်သည့် ပိုင်ရှင်ကိုပြန်ရွေးချယ်တာလို့ပြောရင်ပိုမှန်လိမ့်မည်။ မှော်လက်နက်ကိုယ်ပိုင်မရှိသေးသည့်မည့်သည့်စူးရှင့်ဂိုဏ်းသားမဆို အဆိုပါပြိုင်ပွဲကို ချွင်းချက်မရှိပါဝင်ခွင့်ရှိ၏။ ပြိုင်ပွဲဝင်သူများသည် ပုံရိပ်ယောင်သီးခြားကမ္ဘာတခုထဲကိုဝင်ရမည်ဖြစ်ပြီး ထိုနေရာ၌ မှော်လက်နက်ပေါင်းများစွာကြိုတင်ထည့်သွင်းပေးထားသည်။ သို့သော် ထိုလက်နက်များသည် ယင်းကမ္ဘာထဲတွင် နတ်ဆိုးသားရဲဝိညာဥ်များအသွင်ဖြင့်လှည့်လည်သွားလာနေမှာဖြစ်ပြီး ၎င်းတို့ကိုအနိုင်တိုက်နိုင်မှသာ သက်ဆိုင်ရာမှော်လက်နက်ကိုပိုင်ဆိုင်နိုင်ပြီးထိုကမ္ဘာထဲမှထွက်နိုင်မှာဖြစ်၏။ ထိုအကြောင်းကြောင့် နောက်တွန့်နေသူများရှိသလို ဒီတခါတော့ဖြင့် အကောင်းဆုံးဆိုတာကိုအရယူလိုက်မဟဲ့ ဟုကြိမ်းဝါးနေသူများလည်းတပုံတပင်။
အကယ်၍ ခင်ဗျားကထိုပုံရိပ်ယောင်လောကထဲတွင် ဒဏ်ရာရသည်ပဲဖြစ်ဖြစ် ဆက်လက်မယှဥ်ပြိုင်တော့လို့ပဲဖြစ်ဖြစ် မှော်လက်နက်ရပြီး၍ပြိုင်ပွဲမှထွက်ချင်လို့ပဲဖြစ်ဖြစ် ကောင်းကင်ပေါ်သို့ သက်ဆိုင်ရာအဆောင်အမှတ်တံဆိပ်မီးပန်းလွှတ်တင်လိုက်သည်နှင့် အထဲတွင်လှည့်ပတ်သွားလာနေကြသည့်အဆောင်မှုူးများနှင့်ဂိုဏ်းဆရာများကလာရောက်ခေါ်ဆောင်သွားကြမည်ဖြစ်သည်။ ယင်းပုံရိပ်ယောင်လောကထဲတွင်အမျိုးအမည်မသိနိုင်သောအန္တာရာယ်ရှိ နတ်ဆိုးသားရဲများရှိနေနိုင်သည့်အတွက် ထိုကဲ့သို့ကယ်ဆယ်ရေးအစီအစဥ်များစီစဥ်ထားပေးရခြင်းဖြစ်သည်။နှစ်ပေါင်းထောင်ချီကြာအောင် အဆက်ဆက်ထိန်းသိမ်းလာသည့် အစဥ်အလာမို့ အနည်းဆုံးဝက်ခုတ်သည့်ဓါးပဲရရ ဂိုဏ်းအကြီးအကဲဆရာများကိုယ်တိုင်က ၎င်းတို့၏တပည့်မှန်သမျှကိုပါဝင်ဆင်နွဲစေလိုကြသည်။
ŞİMDİ OKUDUĞUN
The Owner of Icy Heart
Romantizmရေခဲနတ်ဝိညာဥ်ရှောင်ပင်းရန် ကိုအထက်ဘုံကပေးသည့်တာဝန်မှာ လူ့ပြည်သို့ဆင်းကာ ဘုံကိုးခုအနာဂတ်အတွက် ရွှယ်ကွမ်းနတ်စစ်သူကြီးကိုကောင်းကင်ဘုံသို့ပြန်လည်ကြွမြန်းနိုင်ရေးကူညီပေးရန်ဖြစ်၏။သို့ပေမယ့် နှစ်ဦးကြားကံကြမ္မာက... " ရွှယ်ကွမ်း! ခင်ဗျားက ကျနော်သိခဲ့တဲ...